۱پطرس 3:2 - Gilaki New Testament

² چونکی ایتأ زنأی خوروم کردکأر کی ایحترأم اَمرأ بٚبه، بِیتر اونی مردأکٚ دیل دورونی نیشینه تأ او گبأنی کی دروأره‌یٚ مسیح بٚبه.

کیتاب مقدّس به گیلکی (رشتی)

² وختی دینیدی کی شومأن پاکی و خوداترسی اَمرأ زندگی کونیدی.

کتاب مقدس به زبان گیلکی - گویش شرقی

² وقتی شیمئه پاک و محترمؤنه کردکاره اینن.

کتاب مقدس به زبان گیلکی - گویش رشت و غرب گیلان

² وقتی کی اوشان شیمی پاک و محترمانه رفتارَ دینیدی.

۱پطرس 3:2 Iomraidhean Croise

افسسیان 5:33

بأزین ایوأردِه گم: «مردأی وأستی خو زنَ خو جأنٚ مأنستَن دوس بٚدأره و زنٚم وأستی خو مردٚ ایطأعت کودنٚ اَمرأ اونَ ایحترأم بٚنه.»

افسسیان 6:5

ای غولأمأن، اَ دونیأ دورون ترس و ایحترأم اَمرأ شیمی اربأبأنٚ جَا ایطأعت بوکونید و اَشأنٚ جٚه تومأمٚ شیمی جأن و دیل خیدمت بوکونید، هوطو کی فیکر کونید مسیحَ خیدمت کودأندریدی.

فیلیپیان 1:27

ولی هرچی مِرِه پیش بأیٚه، چی ایوأردِه شٚمٚره بیدینٚم چی نیدینٚم، همیشٚک شٚمٚره خأطر بٚبه کی وأستی رأس‌رأسِی مسیحٚ مأنستَن زٚندیگی بوکونید، کی همیشٚک مٚرَه دروأره‌یٚ شومأن خوروم خٚوٚرأن فأرٚسٚه و بشتأوم کی کس‌کسٚ اَمرأ، ایتأ روح میأن قأیم ایسأیید و همٚتأنٚ هدف اَن بٚبه کی بودونٚ دوشمنٚ کأرشکنیأن، مسیح اینجیلٚ نیجأتٚ پیغأمَ همٚتأنٚ رِه وأگویا بوکونید. هه کأر اَشأنٚ رِه نیشأنه‌یٚ نأبودی ایسه، ولی شٚمٚره اَنٚ نیشأن دِهه کی خودا شیمی اَمرأیه و شٚمٚره اَبدی زٚندیگی عطأ بوکوده.

فیلیپیان 3:20

ولی اَمی اصلٚ وطن آسمأنه، کی اَمی نیجأت بٚدأ کس، خوداوند عیسا مسیحٚم اویَه ایسأ؛ و اَمأن اونَ چوم به رأییم کی جٚه اویَه وأگردٚه.

کولسیان 3:22

ای غولأمأن، اَ دونیأ دورون هر تأ کأرٚ میأن شیمی اربأبأنٚ جَا گب بشتأوید. نه فقد اوشأنٚ ورجأ خُب کأر بوکونید بلکی او محبت و حورمتی کی مسیحٚ نیهیدٚ وأسی همیشٚک شیمی قلبٚ اَمرأ خیدمت بوکونید.

اوّل تیموتائوس 4:12

ولأن هیکس تٚرَه تی جوأنی وأسی کوچیکَ کونٚه، هطویم سعی بوکون کی گب زِئن و کردکأرأن و محبت و ایمأن و پأکی دورون همٚتأ ایمأندأرأن رِه سٚرمشق بیبی.

۱پطرس 1:15

جٚه اَ خأطر قودوس خودا مأنستَن کی شٚمٚره دؤخأده کی اونی زأکأن بیبید، شومأنم شیمی همٚتأ کردکأرأنٚ جَا موقدس بیبید.

۱پطرس 2:12

شیمی دؤرٚور بی‌ایمأنأنٚ ورجأ مورأقبٚ شیمی کردکأر بیبید؛ حتّا اگه اَشأن شٚمٚره بدکأری وأسی موتهم بوکوند، امّا وختی کی مسیح وأگرده، خودایَ شیمی خوروم کأرأنٚ وأسی ستأیٚش کونٚده.

۱پطرس 3:1

هطویم، شومأن اَی زنأکأن شیمی شوهرأنٚ جَا ایطأعت بوکونید. بأزون حتّا اگه ای عیده جٚه اَشأن خودا کلامٚ جَا ایطأعت نوکونٚد شیمی کردکأرٚ دِئنٚ وأسی بودونٚ اَنکی حتّا ایتأ گب شیمی زوأن رو بأوٚرید، ایمأن بأوٚرٚد؛

۱پطرس 3:3

خوشگلی وأسی، ظأهیری چأکون وأکونأن، مثلن ببأفته گیسأن و خوشگلٚ لیوأسأن و جوأهیرأنٚ دونبأل نیبید،

دوم پطرس 3:11

پس هَسأ کی دأنیدی هر چی کی اَمی دؤرٚور نٚهأ جٚه بین شٚده، چنقذر وأستی شیمی زٚندیگی، خودا رِه قأبیلٚ قوبیل و پأک بٚبه.