۱پطرس 2:19 - Gilaki New Testament

¹⁹ اگه به نأحق خودا ایرأده‌یٚ انجأم دئن وأسی رنج و زحمت بیدینید، خودا شٚمٚره خوروم چیزأن فأدِه.

کیتاب مقدّس به گیلکی (رشتی)

¹⁹ چره کی، هر کی جٚه اَ خأطر کی خودا حوضورٚ جأ وأخبه، وختی ناحق عذاب کشه و اَ دردأنَ تحمل کونه، ارج و قورب دأره.

کتاب مقدس به زبان گیلکی - گویش شرقی

¹⁹ چون یکته پورفیض کار ایسه،که او کس کی خدا چوشم وادوته دأنه، وقتی کی ناحق رنج بکشه، بی اینصافئه تاب بأره.

کتاب مقدس به زبان گیلکی - گویش رشت و غرب گیلان

¹⁹ چون ایتا کار ایسه پُر جه فیض، کی اُ کَس کی خُدایَ چوم دَوَسته، وقتی کی به ناحقّ رنج بکشه، بی انصافیَ تاب باوَره.

۱پطرس 2:19 Iomraidhean Croise

لوقا 6:32

«اگه اوشأنی کی شٚمٚره خُبی کونٚد، خُبی بوکونید، البأقیأنٚ سٚر، چوطویی بوجؤرتر ایسید؟ حتّا گونأکأرأنٚم اَ کأرَ کونٚده!

یوحنا 15:21

دونیأ مردوم شٚمٚره آزأر دٚهٚده، جٚه اَ خأطر کی شومأن میشینیدی و هطویی‌یٚم اَنٚ وأسی کی اوشأن خودایَ نشنأسٚده، هو خودایی کی مٚرَه اوسه کوده.

اعمالٚ رسولأن 11:23

وختی برنابا فأرٚسِه اویَه و بیدِه کی خودا چی کأرأنی بوکوده کی آدمٚ قأقَ کونه، خٚیلی خوشألَ بوسته و ایمأندأرأنَ تِشویق بوکوده کی تومأمٚ جأنٚ اَمرأ خوداوندٚ رِه وفأ بوکونٚد.

رومیأن 13:5

پس قأنونٚ جَا وأستی ایطأعت کودن، نه فقد موجأزأتٚ جَا دؤر مأنستٚنٚ رِه نه، بلکی شیمی ویجدأنٚ رأحتی وأسییٚم ایسه.

اوّل قرنتیان 15:10

ولی اَسه هرچی کی ایسٚم، خودا فیضٚ وأسی ایسه، و اَ فیض و اونی لوطف مِرِه بی‌نتیجه‌یٚم نوبو، چونکی من جٚه البأقی روسولأنٚم ویشتر زحمت بٚکٚشئم. البت نه من، بلکی خودا فیض کی می اَمرأ بو.

دوم قرنتیان 1:12

اونچی کی اَمی گولأزٚ بأعیث بِه، اَن ایسه کی تومأمٚ اَمی صدأقتٚ اَمرأ تأنیمی بیگیم کی اَمی کردکأرٚ میأن مردومٚ اَمرأ و بوخصوص شیمی اَمرأ، همیشٚک صأف و صأدٚق بیم، و اَمی چومٚ اومید فقد خوداوندٚ کومکَ رو نٚهأ بو، نه اَمی قوّتٚ سٚر.

دوم قرنتیان 8:1

هسأ اَی ایمأندأرأن، خأیم شٚمٚره وأخبدأرَ کونم کی او فیض و لوطف کی خودا مقدونیه کیلیسایأنَ عطأ بوکوده، چی خورومٚ مِیوه‌یأنی بٚبأر بأوٚرده.

دوم تیموتائوس 1:12

هنٚ وأسی ایسه کی اَ زندأنٚ میأن اَذِت آزأر بوستأندرم، امّا عأیب نأنٚم کی ایتأ موجریمٚ مأنستَن زندأن دورون ایسأم، چونکی دأنٚم کی‌یَ ایمأن بأوٚردٚم و ایعتمأد بوکودم، و دأنٚم کی اون تأنِه می امأنٚتَ صد در صد تأ خو وأگردٚستنٚ روج حیفظ بوکونه.

عبرأنیأن 10:2

چونکی اگه قودرت بدأشته بی اَ کأرَ بوکونٚه، ایتأ قوربأنی وٚست بو کی عیبأدت کودن کس، ایوأر همیشٚکٚ رِه، پأک بٚبه و دِه هیذره فیکر نوکونه کی تقصیر کأره و گونأ بوکوده.

۱پطرس 2:20

چی ایفتخأری دأره اگه نأجور کردکأرأن و بدی وأسی تِنبیه بیبید؟ امّا اگه دوروستکأری و خوروم کأرأنٚ وأسی رنج و زحمت بیدینید و هیذره گله گوذأری نوکونید و تحمول بوکونید، بأزون خودایَ خوشألَ کودید.

۱پطرس 4:15

امّا مورأقٚب بیبید کی هیکس جٚه شومأن قتل و دوزدی و نأجورٚ کأرأنٚ وأسی و یا دیخألت کودن دیگرأن زٚندیگی دورونی رنج و زحمت نیدینه.