اوّل یوحنا 4:17 - Gilaki New Testament

¹⁷ وختی خودا اَمرأ زٚندیگی کونیم، اَمی محبتأنٚ ویشتر و کأمیلترَ بِه. پس دأوری روج شرمنده و سٚربیجیر نیبیم، بلکی شأدی و ایطمینأن اَمرأ اونی ورجأ ایسیم چونکی عیسا مأنستَن اَ دونیأ دورون زٚندیگی کونیم.

کتاب مقدس به زبان گیلکی - گویش شرقی

¹⁷ ایطوری محبت أمه میئن کاملَ بنه تا داوری روزِ میئن اطمینون بداریم. چونکه ایی دنیا میئن أمه هوطو ایسّیم که او ایسّه.

کتاب مقدس به زبان گیلکی - گویش رشت و غرب گیلان

¹⁷ اَطويی محبت اَمی ميان کاملَ بوسته، تا داوری روج میان اطمینان بدَریم. چون اَ دُنیا درون اَمان هُطوکی اون ایسه، ایسیم.

اوّل یوحنا 4:17 Iomraidhean Croise

متّی 10:15

رأس‌رأسِی شٚمٚره گم کی دأوری روجٚ رِه، سدوم و عموره وضع کی خرأبٚ شهرأن ایسٚد، اَ شهرٚ وضع جَا خٚیلی بِیتره.

متّی 10:25

شأگردٚ رِه وٚسته کی خو اوستأدٚ مأنستَن و غولأمم خو اربأبٚ مأنستَن بٚبه. اگه مٚرَه کی خأنه پیله‌ترم، پٚلیدٚ روحأن رئیس دؤخأنده، می خأنوأرَ چی بد عیصمتی نأم اَمرأ دؤخأنده.

متّی 11:22

ولی شٚمٚره گم کی دأوری روجٚ رِه، صور و صیدونٚ اوضأع، جٚه شیمی اوضأع خٚیلی بِیتره.

متّی 11:24

تٚرَه گم کی دأوری روجٚ دورون، سُدومٚ اوضأع جٚه تی اوضأع خٚیلی بِیتره.»

متّی 12:36

اَنٚم شٚمٚره گم کی اینسأن هرتأ بیخودی گبٚ رِه کی خو زٚوأنٚ سٚر اَوٚره، دأوری روجٚ رِه وأستی خودایَ جوأب پس بٚده.

یوحنا 15:20

شٚمٚره خأطر نٚهأ کی چی بوگفتم؟ خیدمتکأرٚ موقأم جٚه اونی اربأب بوجؤرتر نییٚه. پس اگه مٚرَه اَذِت و آزأر بوکودٚد، شٚمٚره‌یٚم آزأر دٚهٚده و اگه می گبأنَ نشتأوستٚده، شیمی گبأنٚم نشتأوٚده.

یوحنا 17:22

«جلالی‌یَ کی مٚرَه بٚبخشِئی اَشأنَ فأدٚم، کی اوشأنم اَمی مأنستَن ایتأ بٚبٚد.

رومیأن 8:29

چونکی خودا اوشأنی‌یَ کی جٚه پیشتر بشنأخته، جٚه پیشترٚم اینتخأب بوکوده کی اونی پٚسرٚ شیکل شمأیل بٚبٚد، کی مسیح، ارشدٚ پٚسر جٚه ایتأ عألمه برأر بٚبه.

عبرأنیأن 9:27

اَن ایتأ نیشأن جٚه هه زمأت ایسه کی اونی میأن، پیشکشأن و قوربأنیأنی تقدیم به کی نتأنه عیبأدت کودن کسٚ ویجدأنَ کأمیل پأکَ کونه، و تومأم هوطو کی خوداوندٚ حوکمٚ اَمرأ، اینسأن ایوأر میرِه و اونٚ پٚسی دأوری نوبت فأرٚسِه،

یعقوب 2:13

چون اونی رِه کی اَ دونیأ دورون رحم نوکوده، رحم نیبه؛ ولی اگه مردومٚ اَمرأ مهرٚوأن بوبوسته بید، بأزون ایلاهی رحمت زور اونی دأوری سٚر بأش به.

یعقوب 2:22

پس دینید او ایمأنی کی خودایَ دأشتی، وأئأشت کی تومأم و کمأل خودا جَا ایطأعت بوکونه؛ اَطویی، اونی ایمأن اونٚ کردکأرٚ اَمرأ کأمیلَ بوسته.

دوم پطرس 2:9

هطویم خودا تأنه مٚرَه و شٚمٚره جٚه اَمی دؤرٚورٚ وسوسه‌یأن آزأدَ کونه و او مردومَ کی خودایَ نشنأسٚده تأ دأوری روجٚ وخت، موجأزأتٚ حوکمأنٚ جیر بٚدأره.

دوم پطرس 3:7

اَسه زیمین و آسمأن، خودا دستورٚ اَمرأ بأقی بمأنستده تأ آتشٚ اَمرأ دأوری روجٚ میأن جٚه بین بٚشٚد ینی هو روجٚ میأن کی بدهکأرأن تِنبیه و هلأکَ بٚده.

اوّل یوحنا 2:28

دوروسته می زأکأن، حقٚ سعی بٚزنید کی مسیح اَمرأ ایتأ صمیمی رأبطه بٚدأرید، کی اونی وأگردٚستنٚ زمأت بتأنیم ایطمینأنٚ اَمرأ بیشیم اونی پیشوأز، نه ترس و خجألٚتٚ اَمرأ.

اوّل یوحنا 2:5

فقد اونی تأنه خودایَ رأس‌رأسِی بشنأسه و ایتأ نیزدیک رأبطه اونی اَمرأ بٚدأره کی اونَ هر روج ویشتر دوس بٚدأره و اونی کلامَ انجأم بٚده.

اوّل یوحنا 2:6

اونی کی ایدعأ کونه مسیحی ایسه، وأستی مسیح مأنستَن زٚندیگی بوکونه.

اوّل یوحنا 3:1

فأندٚرید کی خودایی کی پئر ایسه چنقذر اَمٚرَه دوس دأره کی اَمٚرَه خو زأکأن دؤخأده و هطویم ایسیم. امّا دونیأ مردوم، اَ مطلبَ درک نوکونٚده چونکی خودایَ او طوری کی ایسه نشنأسٚده.

اوّل یوحنا 3:3

هرکی اَجور اومید بٚدأره، حقٚ سعی زٚنِه کی پأک بئیسه چونکی مسیحٚم پأکه.

اوّل یوحنا 3:7

می جأنٚ دیل زأکأن، شیمی حواس بمأنه کی هیکس شٚمٚره اَ موردٚ رِه گول نٚزنه. هرکی اونچی کی دوروسته انجأم دِهه اَنٚ وأسی ایسه کی اونی کردکأر دوروسته، هطو کی مسیحٚ کردکأر دوروست ایسه.

اوّل یوحنا 4:12

هیکس خودایَ هیوخت نیده امّا اگه کس‌کسَ محبت بوکونیم، خودا اَمی دورون سأکینه و اونی محبت اَمی دورون کأمیلَ به.