اوّل یوحنا 3:21 - Gilaki New Testament

²¹ امّا می جأنٚ دیلأن، اگه گونأیَ ایحسأس نوکونیم تأنیم خأطر جم و ایعتمأدٚ کأمیل اَمرأ بأییم خودا ورجأ؛

کتاب مقدس به زبان گیلکی - گویش شرقی

²¹ عزیزؤن، اگه أمه دیل، اَمره محکوم نکونی، خدا حضور میئن اطمینؤن دئنیم

کتاب مقدس به زبان گیلکی - گویش رشت و غرب گیلان

²¹ ای عزیزان، اَگه اَمی دیل، امرا محکوم نُکونه، خُدا محضر میان اطمینان دَریم؛

اوّل یوحنا 3:21 Iomraidhean Croise

رومیأن 14:22

هنٚ وأسی، هرتأ بأوٚر کی اَ موضویأنٚ رِه دأریدی، اونَ خودا و شیمی میأن بٚدأرید. خوشبحأل اونی کی اونچی‌یَ کی دوروست دأنه انجأم دئنٚ وأسی خؤرَه محکوم و ملأمت نوکونه.

اوّل قرنتیان 4:4

هرچن می ویجدأن رأحت ایسه، ولی اَن مٚرَه بی‌گونأ چأنکونه. خوداوند ایسه کی مٚرَه ایمتحأن و می دروأره قیضأوت کونه.

دوم قرنتیان 1:12

اونچی کی اَمی گولأزٚ بأعیث بِه، اَن ایسه کی تومأمٚ اَمی صدأقتٚ اَمرأ تأنیمی بیگیم کی اَمی کردکأرٚ میأن مردومٚ اَمرأ و بوخصوص شیمی اَمرأ، همیشٚک صأف و صأدٚق بیم، و اَمی چومٚ اومید فقد خوداوندٚ کومکَ رو نٚهأ بو، نه اَمی قوّتٚ سٚر.

افسسیان 3:12

اَسه، تأنیم مسیح و اونی ایمأن دأشتنٚ وأسی بودونٚ اَنکی ترس و ایضطرأبی بٚدأریم، ایطمینأن و ایعتمأد اَمرأ بأییم خودا ورجأ.

اوّل تیموتائوس 2:8

بأزون، خأیم کی مردکأن هر جأجیگأیی کی عیبأدت رِه جمَ بٚده جٚه غیظ و دعوأ آزأد بٚبٚد، خوشأن بألأنَ موقدس بوستن و تیمیزی دورون دوعأ رِه خودا ور رأستَ کونٚد.

عبرأنیأن 10:22

بأیید ایتأ پأکٚ دیلٚ اَمرأ، رأست بیشیم خودا ورجأ، و کأمیلٚ ایطمینأن بٚدأریم کی اون اَمٚرَه قوبیل کونِه، چونکی مسیحٚ خون اَمی سٚر فووُسته و اَمٚرَه پأکَ کوده؛ اَمی سٚر و جأنم تیمیزٚ آبٚ اَمرأ بوشؤسته بوبوسته.

عبرأنیأن 4:16

پس بأیید ایطمینأنٚ اَمرأ، بیشیم خودا پور فیضٚ تختٚ ورجأ، کی اون خو رحمتَ اَمٚرَه فأدٚه و خو لوطفٚ اَمرأ، اَمٚرَه او زمأت کی ایحتیأج دأریم کومک بوکونٚه.

اوّل یوحنا 2:28

دوروسته می زأکأن، حقٚ سعی بٚزنید کی مسیح اَمرأ ایتأ صمیمی رأبطه بٚدأرید، کی اونی وأگردٚستنٚ زمأت بتأنیم ایطمینأنٚ اَمرأ بیشیم اونی پیشوأز، نه ترس و خجألٚتٚ اَمرأ.

اوّل یوحنا 2:7

می جأنٚ دیلأن، ایتأ تأزه حوکم شٚمٚره نینیویسٚم بلکی شٚمٚره گم کی کس‌کسَ محبت بوکونید. اَن ایتأ تأزه حوکم نییٚه، بلکی او قدیمی حوکمه کی جٚه اوّل شٚمٚره فأدأ بوبوسته و همٚتأ شومأن اونَ بشتأوستیدی.

اوّل یوحنا 3:2

دوروسته جأنٚ دیلأن، اَسه اَمأن خودا رأس‌رأسِی زأکأن ایسیم. بأ اَنکی نأنیم آینده دورون چوطو بیم، امّا اَنَ یقین دأنیم کی وختی مسیح وأگردٚه اونی مأنستَن بیم چونکی اونَ او طوری کی ایسه دینیم.

اوّل یوحنا 3:20

حتّا اگه گونأیَ ایحسأس بوکونیم، خودا اَمی ایحسأسٚ جَا پیله تٚرَه و جٚه همه چی وأخٚوٚره.

اوّل یوحنا 4:17

وختی خودا اَمرأ زٚندیگی کونیم، اَمی محبتأنٚ ویشتر و کأمیلترَ بِه. پس دأوری روج شرمنده و سٚربیجیر نیبیم، بلکی شأدی و ایطمینأن اَمرأ اونی ورجأ ایسیم چونکی عیسا مأنستَن اَ دونیأ دورون زٚندیگی کونیم.

اوّل یوحنا 5:14

جٚه اَ خأطر ایطمینأن دأریم کی هر وخت خودا جَا چیزی هوطو اونی خأسته موطأبٚق بخأییم اَمی دوعأیَ ایشتأوه