اوّل یوحنا 3:14 - Gilaki New Testament

¹⁴ اگه اَمأن اَمی برأرأنَ محبت بوکونیم، معلوم بِه کی مرگٚ جَا آزأدَ بوستیم و اَبدی زٚندیگی‌یَ فأرٚسِییم امّا هر کی محبت نأرِه، مرگٚ دورون ایسأ.

کتاب مقدس به زبان گیلکی - گویش شرقی

¹⁴ أمه دوئنیم که مرگَ ردَ گودیم و زندگی برسیم، چونکه برارؤنِ دوست دائنیم. هرکی محبت نوکوئنه، مرگ میئن موئنه.

کتاب مقدس به زبان گیلکی - گویش رشت و غرب گیلان

¹⁴ اَمان دَنیم کی مرگَ جا دوارستیم و زیندگیَ فارسه ایم چونکی برارانَ محبت کونیم. هر كی محبت نُكونه، مرگ درون مانه.

اوّل یوحنا 3:14 Iomraidhean Croise

متّی 25:40

«بأزون اوشأنَ گم: "وختی اَ خیدمتأنَ می کوجه‌ترین برأرأنٚ رِه کودن دیبید، هچین مٚرَه انجأم دئن دیبید."

لوقا 15:24

چونکی اَ پٚسر می شین، بٚمٚرده بو و زٚنده بوسته؛ اَویرَ بوسته بو و بیأفته بوبوسته!" پس ایتأ پیله میهمأنی رأ تأوٚدأد.

لوقا 15:32

امّا هسأ وأستی جشن گیفتن و خوشألی کودن، چونکی تی اَ برأر، بٚمٚرده بو زٚنده بوسته، اَویرَ بوسته‌بو و هسأ بیأفته بوسته!"»

لوقا 7:5

چونکی یوهودیأنٚ اَمرأ مهرٚوأنی کونه و ایتأ کنیسه‌ اَمِرِه چأکوده!»

یوحنا 13:35

شیمی اَ محبتأنٚ کس‌کسٚ رِه، دونیأیَ نیشأن دِهه کی شومأن می شأگردأن ایسیدی.»

یوحنا 15:12

شیمی جَا خأیم کی هوندٚر کی من شٚمٚره دوس دأرم، شومأنم کس‌کسٚ دوس بٚدأرید.

یوحنا 15:17

شیمی جَا خأیم کی کس‌کسٚ محبت بوکونید،

یوحنا 5:24

«حِئقتَ شٚمٚره گم: هر کی می گبأنَ بشتأوه و او خودایی کی مٚرَه اوسه کوده‌یَ ایمأن بأوٚره، همیشٚکی زٚندیگی‌یَ دأره و هیوخت خو گونأیأنٚ وأسی وأزخأست نیبه، بلکی جٚه هو وخت مرگٚ جَا نیجأت یأفه و همیشٚکی زٚندیگی‌یَ دوچوکه.

دوم قرنتیان 5:1

چونکی دأنیمی وختی اَ زیمینی خیمه کی اَسه اونی دورون زٚندیگی کودأندریم فوگورده، ینی وختی بیمیریم و اَ خأکی جأنأنَ بٚنیم و بیشیم، آسمأنٚ دورون خأنه‌یأن ینی اَبدی جأنأنی دأریم کی اَمِرِه خودا دٚسٚ اَمرأ چأکوده بوبوسته، نه اینسأنٚ دٚسٚ اَمرأ.

غلاطیأن 5:22

امّا هر وخت خودا روح اَمی زٚندیگی‌یَ هیدأیت بوکونه، اَ ثمرأنَ اَمی زٚندیگی میأن اَوٚره: محبت، شأدی، آرأمٚش، صبر، مهرٚوأنی، خوروم کردکأرأن کودن، وفأ دأشتٚن، فروتنی، نأجور کردکأرأن جَا خو جولویَ گیفتن.

افسسیان 1:15

هنٚ وأسی جٚه او وخت کی شیمی ایمأنٚ تعریفَ بشتأوستیم کی عیسایَ دأریدی هطویم شیمی محبتَ کی همٚتأ ایمأندأرأنَ دأریدی،

افسسیان 2:1

ای روجأنی شومأنم شیمی شورش و گونأیأن وأسی بٚمٚرده بید.

افسسیان 2:5

کی اَمٚرَه مسیح اَمرأ زٚنده کوده، اگه چی ایشتیوأیأنٚ میأن بٚمٚرده بیم. پس فقد خودا فیض وأسی نیجأت بیأفتیم.

کولسیان 1:4

چون شیمی ایمأنٚ تعریف، عیسا مسیحَ و او محبتَ کی تومأمٚ اونی ایمأندأرأنَ نیشأن دیهیدی، بشتأوستیم.

اوّل تسالونیکیان 4:9

امّا دروأره‌یٚ او پأک و برأرأنه محبت کی خودا قومٚ میأن وأستی بمأنه، لأزیم نیدینٚم ایچی بینیویسٚم، چونکی خودا خودش شٚمٚره بأمؤخته کی کس‌کسَ محبت بوکونید.

عبرأنیأن 13:1

کس‌کسَ هچین برأر و خأخورٚ مأنستَن دوس بٚدأرید.

۱پطرس 1:22

هسأ تأنید رأس‌رأسِی، کس‌کسَ دوس بٚدأرید چونکی جٚه اَ حِئقتٚ، ایطأعت کودنٚ اَمرأ نیجأت بیأفتید و شیمی وجود جٚه گولأز کودن و نیفرت پأکٚ بوسته. پس کس‌کسَ تومأمٚ وجود اَمرأ دوس بٚدأرید،

۱پطرس 3:8

هطویم شومأن همٚتأن وأستی هم دیل، و دردأنٚ میأن کس‌کسٚ اَمرأ شیریک بیبید و کس‌کسَ ایتأ برأر خأخورٚ مأنستَن دوس بٚدأرید. کس‌کسٚ اَمرأ مهرٚوأن و فروتن بیبید.

دوم پطرس 1:7

دیندأری و خودا جَا حیسأب بردنٚ رِه، برأرأنٚ محبت کودنَ و برأرأن محبت کودنٚ رِه، محبت کودن تومأمٚ مردومَ.

اوّل یوحنا 2:3

چوطو تأنیم ایطمینأن بٚدأریم کی خودایَ شنأسیم؟ اَنٚ رأ اَنه کی اَمی دیلَ فأندٚریم و بیدینیم کی آیا خودا حوکمأنَ انجأم دیهیم؟

اوّل یوحنا 3:23

اونچی کی خودا اَمی جَا اینتظأر دأره اَنٚ کی اونی پٚسرَ ایسم عیسا مسیحَ ایمأن بأوریم و کس‌کسَ محبت بوکونیم هطو کی اَمٚرَه دستور بٚدأ.

اوّل یوحنا 4:12

هیکس خودایَ هیوخت نیده امّا اگه کس‌کسَ محبت بوکونیم، خودا اَمی دورون سأکینه و اونی محبت اَمی دورون کأمیلَ به.

اوّل یوحنا 5:13

اَ نأمه‌یَ بینیویشتم کی شومأن کی خودا پٚسرَ ایمأن دأرید، بدأنید جٚه هسأ اَبدی زٚندیگی‌یَ دأریدی.

اوّل یوحنا 5:2

جٚه کویه بفأمیم کی خودا زأکأنَ دوس دأریم؟ جٚه اویَه کی خودایَ دوس دأریم و اونَ حوکمأنٚ جَا ایطأعت کونیم.