اوّل یوحنا 2:4 - Gilaki New Testament

⁴ اونی کی خودایَ شنأسه امّا خودا حوکمأنَ حیفظ نوکونه و اونٚ خأستَ بجأ نأوٚره، دورُغ گه و حِئقتٚ جَا دورٚه.

کتاب مقدس به زبان گیلکی - گویش شرقی

⁴ هرکی که گونه اونه شناسنه، ولی اونه حُکمؤن بجا نئاره دروغ گونه و حقیقت اونه میئن جائی ندَئنه.

کتاب مقدس به زبان گیلکی - گویش رشت و غرب گیلان

⁴ هرکس کی گه اونَ ایشناسه، ولی اونِ حکمان بجا ناوره، دوروغگوئه و حئیقت اونِ درون جائی ناره.

اوّل یوحنا 2:4 Iomraidhean Croise

یوحنا 8:44

شیطان شیمی رأس‌رأسِی پئر ایسه و دوس دأریدی اونی نأجور کردکأرأنَ انجأم بدید. شیطان جٚه هو اوّلم قأتیل بو و رأستی جَا نیفرت دأشتی، اونی وجود میأن ایتأ پیچه حِئقت پیدأ نیبه چونکی اونی ذأت دورُغگویه و اون دورُغگویأنٚ پئر ایسه.

تیتوس 1:10

چون خٚیلیأن یاغی و نأفرمأن ایسٚد، بوخصوص او دسته جٚه یوهودی نتأجٚ مسیحیأن کی بأوٚر دأرٚد، مسیحیأنٚم وأستی یوهود دینٚ احکأمَ انجأم بٚدٚد. ولی اَشأنٚ گبأن پوچ و اَویرَ کونٚه.

تیتوس 1:16

اَطوچی آدمأن ایدعأ کونٚد کی خودایَ شنأسد ولی خوشأنٚ کردکأرٚ اَمرأ اونَ اینکأر کونٚده. اَشأن حأل بهمزٚن و یاغی ایسٚد و هیتأ خورومٚ کأرٚ رِه بٚدرد نوخورٚد.

اوّل یوحنا 1:10

اگه ایدعأ بوکونیم کی گونأیی نوکودیم، دورُغ گیم و خودایٚم دورُغگو دأنیم و معلوم به کی اونی کلام هی جأجیگأیی اَمی میأن نأرِه.

اوّل یوحنا 1:6

پس اگه بیگیم خودا اَمرأ ایتأ نیزدیکٚ رأبطه دأریم، امّا اَمی روحأنی زٚندیگی هچین سیأ بٚبه، دورُغ گفتأندریم.

اوّل یوحنا 1:8

اگه بیگیم گونأیی نأریم، خودمأنَ گول بٚزِئیم حِئقتٚ جَا گورُختأندریم.

اوّل یوحنا 2:3

چوطو تأنیم ایطمینأن بٚدأریم کی خودایَ شنأسیم؟ اَنٚ رأ اَنه کی اَمی دیلَ فأندٚریم و بیدینیم کی آیا خودا حوکمأنَ انجأم دیهیم؟

اوّل یوحنا 2:9

اونی کی گه: «من نورٚ دورونی زٚندیگی کونم»، ولی خو همنویَ دوس نأرِه، هنو تأریکی دورونی ایسأ.

اوّل یوحنا 3:6

پس اگه همیشٚک مسیحٚ اَمرأ نیزدیکٚ رأبطه بٚدأریم، گونأ دورون زٚندیگی نوکونیم. اگه اینفر گونأ دورون زٚندیگی کونِه، عیلّت اَنه کی هیوخت اونی اَمرأ رأبطه نأشتی و اونَ نشنأخته.

اوّل یوحنا 4:20

اگه کسی مودّعی ایسه کی خودایَ دوس دأره امّا خو همنو جَا نیفرت دأره، دورُغ گه؛ چونکی اگه کسی نتأنه خو همنویَ کی دینه، دوس بٚدأره، چوطو تأنه خودایَ کی نیده، دوس بٚدأره؟

اوّل یوحنا 4:7

اَی می جأنٚ دیلأن، بأیید کس‌کسَ محبت بوکونیم، چونکی محبت جٚه خودایه و هرکی محبت کونه خودا جَا بودونیأ بأمؤ و خودایَ رأس‌رأسِی شنأسه.