اوّل یوحنا 2:20 - Gilaki New Testament

²⁰ امّا شومأن اَطو نیئیدی، چونکی روح‌القدس شیمی رو نٚهأ و حِئقتَ دأنیدی.

کتاب مقدس به زبان گیلکی - گویش شرقی

²⁰ ولی شمه به واسطه او قدوس مسح بوبوئین و شمه همته معرفَتَ دئنین.

کتاب مقدس به زبان گیلکی - گویش رشت و غرب گیلان

²⁰ ولی شُمان بواسته اُ قدّوس مَسح بُبوسته‌ايد و شُمان همتان حئیقتَ دَنیدی.

اوّل یوحنا 2:20 Iomraidhean Croise

متّی 13:11

عیسا بٚفرمأسته: «چون آسمأنٚ ملکوتٚ اسرأرٚ درک کودنٚ قودرت، شٚمٚره فأدأ بوبوسته، ولی البأقیأنٚ رِه نه.

مَرقُس 1:24

«اَی عیسای ناصری، چٚره اَمٚرَه رأحت نٚنی؟ آیا بأمؤیی اَمٚرَه جٚه بین ببری؟ تٚرَه شنأسٚم. تو خودا قودوس ایسی!»

لوقا 4:18

«خودا روح می رو نٚهأ، چونکی مٚرَه مَسح بوکوده کی بینوأیأنَ خوروم خٚوٚرَ بدم، اون مٚرَه اوسه کوده کی آزأدی خٚوٚرَ اسیرأنَ فأدٚم و دِئنَ کورأنٚ رِه وأگویا بوکونم و ستم بیدِکأنَ آزأدَ کونم

لوقا 4:34

«اَی عیسای ناصری، چٚره اَمٚرَه وِلَ نوکونی؟ آیا بأمؤیی کی اَمٚرَه هلأکَ کونی؟ تٚرَه شنأسٚم. تو هو خودا قودوس ایسی!»

یوحنا 14:26

امّا وختی کی پئر "تسلی بخشَ" می جَا سٚر اوسه کوده، می منظور هو روح‌القدسٚ، اون همه چی‌یَ شٚمٚره آموجه؛ اَطویی هر چی‌یَ کی من شٚمٚره بوگفتم، شٚمٚره خأطر اَوٚره.

یوحنا 16:13

امّا وختی روح‌القدس کی همٚتأ رأستیأن اونی جَا جوش کونه بأیٚه، تومأمٚ حِئقتَ شِمِره وأشکأفِه و نیشأن دِهه. چونکی جٚه خودش گب نٚزنه، بلکی هر چی‌یَ کی می جَا بشتأوسته، وأگویا کونه. اون آینده جَایٚم شٚمٚره وأخٚوٚرَ کونه.

اعمالٚ رسولأن 10:38

و رأس‌رأسِی دأنیدی کی خودا عیسای ناصری‌یَ خو روح‌القدس و قودرتٚ اَمرأ مَسح بوکوده. اون همٚتأ جیگأ شؤیی و خورومٚ کأرأن کودی و تومأمٚ اوشأنی‌یَ کی شیطان اوشأنَ ظولم و ستم کودی شفأ دٚئی، چونکی خودا اونی اَمرأ بو.

اعمالٚ رسولأن 3:14

هطویه، شومأن نخأستید کی اون آزأدَ بٚه، بلکی او پأک و موقدسٚ مردأکَ رٚدَ کودید، و تأکید دأشتید اونی عوض ایتأ قأتیل آزأدَ بٚه.

اوّل قرنتیان 2:15

اونی کی روحأنی‌یٚ هرچی‌یَ تشخیص دِهه و فأمه و هه کأر دونیأ مردومٚ غورصه و قأقَ بوستنَ بأعیث به، اوشأنی کی هیوخت اونَ نٚتأنٚد بفأمٚد.

عبرأنیأن 1:9

تو عیدألتَ دوس دأری و شرورٚ کأرأنٚ جَا بیزأری؛ پس، خودا، ینی تی خودا، تٚرَه ویشتر جٚه هر کی، شأدمأنی روغنٚ اَمرأ مَسح بوکوده.»

عبرأنیأن 8:11

دِه هیکس خو همسأده‌یَ نأموجِه و اَنکی هیکس خو قوم و خیشَ نیگه "خوداوندَ بٚشنأس!" چونکی، جٚه کوجه‌دأنه و پیله‌دأنه، همّه، مٚرَه شنأسٚده.

اوّل یوحنا 2:27

امّا من دأنٚم کی خودا روح شیمی میأنی ایسأ و جٚه اَ خأطر نیأزی نأریدی کی کسی شٚمٚره بأموجه کی چی بوکونید چونکی خودا روح همه چی‌یَ شٚمٚره آموجه؛ هرچی اون گه ایتأ کأمیل حِئقت ایسه و دورُغ اونی دورونی بیأفته نیبه. پس، هطو کی شٚمٚره بأمؤخته، همیشٚک در مسیح بئیسید و هیوخت اونی جَا دورَ نیبید.

اوّل یوحنا 4:13

خودا هنٚ وأسی خو تیمیزٚ روحَ اَمی جأنٚ دورون قرأر بٚدأ کی بدأنیم خودا اَمی دورون سأکینه و اَمأن خودا دورون.

یهودا 1:5

اگه چی اَ حقأیقَ خُب دأنیدی، ولی خأیم ایوأردِه بعضی نوکتٚه‌یأنَ شٚمٚره خأطر بأوٚرٚم. هوطویی کی دأنیدی، بأزون کی خوداوند ایسرأییلٚ قومَ مصر سرزیمینٚ جَا آزأدَ کوده، تومأمٚ اوشأنی کی خوشأنی ایمأنَ جٚه دٚس بٚدأده و خودا جَا نأفرمأنی بوکودٚده جٚه بین ببرده

موکأشفه 3:7

«اَ پیغأمَ فیلادِلفیه کیلیسا فٚرٚشته رِه بینیویس: اَ پیغأم جٚه اونی ور ایسه کی پأک و صأدیق ایسه و داوودٚ کیلیدَ دأره. او دٚرَ کی اون وأزَ کونه، هیکس نتأنه دٚوٚده؛ و او دٚرَ کی اون دٚوٚده، هیکس نتأنه وأزَ کونه.

موکأشفه 4:8

اَ زٚنده موجودأن هرتأ شیش‌تأ بأل دأشتیدی، و اوشأنی بألأنٚ میأن، چومٚ جَا پور بو. اوشأن شبندروج، ایسٚره خودا ایسمَ ذکر کودیدی، گفتیدی: «قودوس، قودوس، قودوسه او خوداوند خودا کی قأدیرٚ موطلقه کی ایسأبو و ایسأ و اَیِه!»