اوّل یوحنا 2:16 - Gilaki New Testament

¹⁶ دیل دٚوٚستٚن اَ دونیأیَ و نأپأکٚ خأسته‌یأن، علأقه دأشتٚن و غصب کودنٚ هر اونچی کی به نظر جالب اَیِه و غرور کی جٚه ثروٚت و موقأمٚ گولأز کودن بٚبه، هیتأ خودا جَا نییٚه بلکی اَ دونیأ شینه کی پور جٚه گونأیه.

کتاب مقدس به زبان گیلکی - گویش شرقی

¹⁶ چونکه هرچی دنیا میئن هنّه، یعنی جسم هوا و هوسون، چیشمِ هوا و هوسؤن و زندگی غرور ، پئر جی نیه. بلکه دنیا جی ایسه.

کتاب مقدس به زبان گیلکی - گویش رشت و غرب گیلان

¹⁶ چون هر چی کی دُنيا درون دَره، يعنی جسمِ هوا و هوسان، چومِ هوا و هوسان و زیندگی غرور پئر جا نیئه، بلكی دُنیا جا ایسه.

اوّل یوحنا 2:16 Iomraidhean Croise

متّی 4:8

بأزین شیطان اونَ ایتأ پیله کوه قُله جؤر ببرد و تومأمٚ دونیأ کیشورأن و اوشأنٚ شوکو و جلالَ اونَ نیشأن بٚدأ،

متّی 5:28

ولی من گم کی حتّا اگه شهوت و هوسٚ اَمرأ ایتأ زنأکٚ فأندٚری، هو موقع تی دیلٚ دورون اونی اَمرأ زٚنأ بوکودی.

لوقا 4:5

بأزون شیطان اونَ ببرده ایتأ بولندٚ جیگأ جؤر و ایتأ چوم سٚربٚسٚر نٚهٚنٚ اَندر تومأمٚ دونیأ سرزیمینأنَ اونَ نیشأن بٚدأ

رومیأن 13:14

اونی عوض، خوداوند عیسا مسیح حوضورَ دوکونید و شیمی شرورٚ هوسأنٚ رفع کودن دونبأل نیبید.

اوّل قرنتیان 10:6

اَن ایتأ عیبرت ایسه اَمِرِه، کی اوشأنٚ مأنستَن پٚلید و شرورٚ کأرأنٚ نأجه دورون نئیسیم،

غلاطیأن 5:17

نفسٚ خأسته‌یأنٚ دوس دأشتٚن، خودا روحٚ خأسته‌یأنٚ دوس دأشتٚنٚ ضد ایسه و ایتأ دوس دأشتٚن خودا روح اَمٚرَه بخشه کی نفسٚ خأسته‌یأنٚ ضد ایسه. اَ دونه قودرت، کس‌کسٚ اَمرأ مودأم جٚنگستأندرٚد. جٚه اَ خأطر هر کأری بخأییم بوکونیم، اَ قودرتأنٚ اَثر اَمِرِه عار نییٚه.

غلاطیأن 5:24

اوشأنی کی عیسایٚ مسیحٚ شین ایسٚد، خوشأنی نفس و نأجورٚ خأسته‌یأنَ مسیح صلیبٚ سٚر مِخکوب بوکودٚده.

افسسیان 2:3

اَمأنٚم همٚتأن اوشأنٚ مأنستَن بیم. اَمی زٚندیگی رأ روش، اَمی نأجورٚ خُلق و خویَ نیشأن دٚئی. اَمأن، اَمی نفسٚ خأسته‌یأن و کثیفٚ فیکرأنٚ جَا اسیر بیم و هرتأ نأجورٚ کأری کودیم. اَمأن هه شورشی خُلق و خو اَمرأ بودونیأ بأمؤییم و هطویم البأقی آدمأنٚ مأنستَن خودا خشم و غیظٚ جیر ایسأبیم.

تیتوس 2:12

و اَمٚرَه آموجه کی جٚه الوات‌ گیری زٚندیگی و خوشیأنی کی گونأ اَمرأ ایسه دٚس فأکٚشیم و پأکٚ زٚندیگی بٚدأریم کی خودایَ خوش بأیِه.

تیتوس 3:3

اَمأنٚم ای زمأت جأهیل و یاغی و اَویر و شهوتأن و کثیفٚ لیذتأنٚ میأن اسیر بیم. اَمی زٚندیگی بوخل و کینه جَا پور بو؛ همٚتأن اَمی جَا نیفرت دأشتید، اَمأنٚم همٚتأنٚ جَا متنفیر بیم.

یعقوب 3:15

چون هو خیرٚد و حیکمت دورون کی خودا بخشه، اَطو چی خرأبٚ صیفٚت وجود نأرِه بلکی اَشأن دونیأیی و غیرٚروحانی و شیطانی ایسٚد.

یعقوب 4:16

اگه اَ کأرٚ نوکونید، شومأن شیمی خودخأیی نقشه‌یأنٚ رِه گولأز کونید. گولأزی کی اَطو بٚبه، شیطانی ایسه.

۱پطرس 1:14

خودا جَا ایطأعت بوکونید، چونکی اونی زأکأنیدی. پس ایوأردِه او گونأیأنٚ ور کی قدیمأن اسیر بید، وأنگردید، چونکی او وختأن نأنستید چی کودأندرید.

۱پطرس 2:11

جأنٚ دیلٚ برأرأن، شومأن اَ دونیأ میأن ایتأ رأدٚوأر ویشتر نیئید و شیمی اصلی خأنه آسمأنٚ میأن نٚهأ. جٚه اَ خأطر، شیمی جَا خأهیش کونم خودتأنَ جٚه اَ دونیأ وسوسه‌یأن کی پور جٚه گونأیه دؤر بٚدأرید. شومأن اَ جور خأسته‌یأن و هوسأنٚ رِه چأکوده نوبوستید، اَنی وأسی ایسه کی اوشأن شیمی روح و جأن اَمرأ جنگ و دعوأ کودأندرد.

دوم پطرس 2:10

خودا تِنبیه اوشأنٚ رِه سخته کی خوشأنی نأجورٚ جیسم خأسته‌یأنٚ دونبألسر شٚده و هیتأ قودرٚتٚ جَا ایطأعت نوکونٚده. اَشأن چنأن بی‌شرم ایسٚد کی حتّا او آسمأنی خلقتأنٚم رخشنٚ گیرده؛

دوم پطرس 2:18

اَشأن بٚخوشأنٚ گونأیأن و نأجورٚ کأرأن نأزٚده و ایوأردِه گول زِئن وأسی، نفسٚ خأسته‌یأنٚ جَا ایستفأده کونٚده و اوشأنَ کی تأزه جٚه اَجور زٚندیگی‌یٚ پورجٚه گونأ نیجأت بیأفتده، بٚدأم تأودٚده