اوّل قرنتیان 9:12 - Gilaki New Testament

¹² اگه البأقیأن حق دأرٚده کی جٚه شیمی ور مألی کومک فأگیرٚد، مگه اَمأن نوأستی ویشتر حق بٚدأریم؟ ولی اَمأن جٚه اَ حق ایستفأده نوکودیم. بلکی وأگردأنسر، همه چی‌یَ تحمول بوکودیم اَطو نٚبه کی ایتأ مأنع مسیح اینجیلٚ رأ سٚر بٚنیم.

کتاب مقدس به زبان گیلکی - گویش شرقی

¹² اگه دیگرون حق دانن که ایطوچی شمراجی بخوان، مگه امه بیشتر حق ندانیم؟ با ای حال امه ای حق اجی ایستفاده نودیم ،بلکه هرچیه تاب ابئنیم تا هیچ مانعی مسیح انجیل راه سر ننابیم .

کتاب مقدس به زبان گیلکی - گویش رشت و غرب گیلان

¹² اَگه دیگران، حقّ دَریدی کی اَجور چیَ شیمی جا بخوائید، مگه امان ویشتر حقّ ناریم؟ با اَ حال امان اَ حقِّ جا استفاده نُکودیم، بلکی هر چیزیَ تاب آوریم تا هی مانعی مسیحِ انجیلِ راه سر ننَبیم.

اوّل قرنتیان 9:12 Iomraidhean Croise

لوقا 11:52

وای بر شومأن اَی دینٚ عألیمأن، چونکی معرفتٚ کیلیدَ مردوم دٚسٚ جَا بیرونَ کودید. نه خودتأن پأدیشأیی دورونی شیدی و نه وئألید البأقیأن بودورون بٚشٚد.»

اعمالٚ رسولأن 18:3

پولس اوشأنی ورجأ بئیسأ و کأر کودنَ موشغول بوبوسته چونکی اونم اَشأنٚ مأنستَن چأدر دؤختی.

رومیأن 15:22

هنٚ وأسی ایسه کی تومأمٚ اَ مودّتٚ دورون نتأنستٚم شیمی دِئنٚ رِه بأیٚم، چونکی اَ جیگأیأنٚ دورون موعیظه کودنٚ موشغول بوم.

اوّل قرنتیان 13:7

محبت اَمٚرَه قوّت فأدِه کی همٚتأ سختیأنَ تحمول بوکونیم، اَمی ایمأنَ هر جور کی بٚبه بٚدأریم، اَمی ایعتمأدَ خودا رِه بٚدأریم، و هرچی ایتفأق دکفه، صبور بیبیم.

اوّل قرنتیان 6:7

رأس‌رأسِی اَطوچی شیکأیتأن و ایختلأفأن شیمی روحأنی ضعفَ نیشأن دِهه! بِیتر نییٚه شیکأیتٚ عوض، شٚمٚره ظولم بٚبه و جٚه شیمی حق بوگذرید؟

اوّل قرنتیان 9:14

هطویی بو کی، خوداوند بٚفرمأسته هر کی اینجیلٚ پیغأمَ وأگویا کونه، مسیحیأن وأستی اونی زٚندیگی خرجَ فأدٚد.

اوّل قرنتیان 9:15

ولی تومأمٚ اَشأنٚ اَمرأ، من هیوخت می اَ حقٚ جَا ایستفأده نوکودم. اگه‌یٚم هسأ اَ موضو‌یَ نیویشتأندرم، می منظور اَن نییٚه کی جٚه اَنٚ پٚسی شیمی کومکأنٚ جَا بهره ببرم. من بِیتر دأنٚم کی جٚه ویشتأیی بیمیرٚم، ولی می اَ گولأزَ جٚه دٚس نٚدم؛ من گولأز کونم کی اینجیلٚ پیغأمَ بودونٚ موأجب وأگویا کونم.

اوّل قرنتیان 9:16

چونکی اَ خیدمتٚ انجأم دٚئن، خؤرَه خؤرَه مِرِه ایتأ خُبی بٚحیسأب نأیِه، چونکی من وظیفه دأرم کی اَ خیدمتَ انجأم بدم، و اگه اونی انجأم دئنٚ میأن سوستی بوکونم، اَی وای بر من!

اوّل قرنتیان 9:18

اَجور وضع میأن، می موأجب چیسه؟ می موأجب، هو خوشألی ایسه کی جٚه اینجیلٚ خورومٚ خٚوٚرٚ وأگویا کودنٚ اَمرأ بٚدٚس اَوٚرم، اونم بودونٚ اَنکی جٚه هیکس مألی کومک فأگیرٚم و یا می حقَ بخأیٚم.

اوّل قرنتیان 9:2

حتّا اگه البأقیأن رِه روسول نٚبم، دٚسٚ‌کم شِمِره ایسٚم! چونکی شومأن در خوداوند می رسألتٚ تأییدٚ رِه مُهر ایسید.

دوم قرنتیان 11:12

ولی می اَ رأ روشَ ایدأمه دٚهٚم و شیمی مألی کومکأنَ قوبیل نوکونم، تأ اوشأنی کی ایدعأ کونٚده کی اَمی مأنستَن خودایَ خیدمت کونٚده، نٚتأنٚد اَجور ایدعأ بوکوند.

دوم قرنتیان 2:12

جٚه اَ گب دٚوأریم. من هوطو کی شؤئؤندوبوم، تروآسٚ شهرَ فأرِسئم و خوداوند خورومٚ فورصتأن بوجود بأوٚرد کی مسیح اینجیلٚ پیغأمَ مردومَ وأگویا بوکونم.

دوم قرنتیان 6:3

اَمأن ایجور زٚندیگی و کردکأر کونیمی کی هیکسٚ لغزشٚ بأعیث نیبیم، کی اَمی خیدمت ملأمت نٚبه.