اوّل قرنتیان 8:9 - Gilaki New Testament

⁹ ولی بٚپأیید کی مبادأ شیمی آزأدی اَطوچی گوشتٚ خوردنٚ میأن، بأعیث بٚبه او مسیحیأن کی جٚه شومأن سوست‌تر ایسٚد لغزش بوخورد و جٚه رأ بٚدر بٚشٚد.

کتاب مقدس به زبان گیلکی - گویش شرقی

⁹ ولی مواظب ببین شیمه ای حق باعث و بانی ای نبی که ضعیف آدمون گراخورن .

کتاب مقدس به زبان گیلکی - گویش رشت و غرب گیلان

⁹ ولی بپائید، شیمی اَ حقّ باعث و بانیِ اَن نَبه کی ضعیفِ آدمان تاش بُخورید.

اوّل قرنتیان 8:9 Iomraidhean Croise

متّی 18:10

«هیوخت اَ کوجه زأکأنَ دٚس پٚرَ نیگیرید، چون اوشأن آسمأنٚ دورونی فٚرٚشته‌یأنی دأرٚده کی همیشٚک می آسمأنی پئرٚ ورجأ حأضیرَ بد.

رومیأن 15:1

اَمأن کی پورقوّتیم، اوشأنی مولأحظه‌یٚ وأستی بوکونیم کی اَجور موضویأنٚ دورون حساسٚده. فقد نوأستی اَمٚرَه رأضی بٚدأریم.

اوّل قرنتیان 10:24

نوأستی فقد شیمی فیکر بیبید؛ البأقیأن فیکرم بیبید و البأقیأنٚ نفع فیکرم بیبید.

اوّل قرنتیان 10:28

ولی اگه اینفر شٚمٚره بٚگه کی اَ گوشت بُتأنٚ رِه قوربأنی بوبوسته، اوطویی، جٚه او گوشت نوخورید، چی او آدمٚ وأسی کی اَطو بوگفته، و چی ویجدأنٚ موضو وأسی.

اوّل قرنتیان 10:29

اَ جریأن میأن اونی ویجدأن موهیم ایسه، نه شیمی ویجدأن. ولی ایمکأن دأره شومأن وأوٚرسید: «چٚره من وأستی البأقیأنٚ ویجدأنٚ وأسی، می دٚس و پأ دٚوٚسته بٚبه؟

اوّل قرنتیان 10:32

پس بٚپأیید کی هیکسٚ رِه لغزستنٚ سنگ نیبید، نه یوهودیأنٚ رِه، نه اوشأنی کی یوهودی نییٚد رِه، نه مسیحیأنٚ رِه.

اوّل قرنتیان 8:10

چونکی اگه اینفر خو سوستٚ ویجدأنٚ وأسی، قوربأنی گوشتٚ خوردنَ دوروست نأنِه، بیدینه کی شومأن شیمی او کأمیلٚ شنأختٚ اَمرأ کی دأریدی، بُتخأنه نهارخوری دورون نیشتِئید و اَطوچی گوشتی‌یَ خوردأندرید؛ مگه اونی دیلٚم نٚخأیه کی او غذأیَ کی بُتأنَ پیشکش بوبوسته بوخوره؟

اوّل قرنتیان 8:12

وختی ایمأندأرأنَ ایتأ کأرٚ رِه تِشویق کونیدی کی اونَ دوروست نأنٚده، شومأن تنأ دروأره‌یٚ اوشأنٚ نییٚه بلکی دروأره‌یٚ مسیحَم گونأ کونیدی.

اوّل قرنتیان 9:22

وختی اوشأنی کی سوست ایسٚده اَمرأیٚم زٚندیگی کونم، اوشأنی سوستی دورون شیریک بٚم کی ضعیفأنَ مسیح رِه بٚدٚس بأوٚرٚم. خولاصه، حقٚ سعی زنٚم کی هرتأنٚ اَمرأ ایجور ببم و هرتأ کأر بوکونم کی اَشأنٚ نیجأتَ بأعیث ببم.

دوم قرنتیان 11:21

خجألتٚ اَمرأ ایعترأف کونم کی اَمأن اوشأنٚ ورجأ، اَندر پورزور و جسور نیبیم کی بتأنیم اَجور کردکأرَ شیمی اَمرأ بٚدأریم! ولی ایوأردِه جٚه نأدأنی سٚر گم کی اوشأن هرچی‌یَ گولأز بوکوند، منم تأنٚم گولأز بوکونم. ولی ایوأردِه جٚه نأدأنی سٚر گم کی اوشأن هرچی‌یَ گولأز بوکوند، منم تأنٚم گولأز بوکونم.

دوم قرنتیان 11:29

کیسه جٚه کیلیسا آدمأن کی علیل بٚبه، و منم هو عجزَ ایحسأس نوکونم؟ کیسه کی گونأ دورون دکفه و من می جأنٚ دورون نوسوجٚم؟

دوم قرنتیان 6:3

اَمأن ایجور زٚندیگی و کردکأر کونیمی کی هیکسٚ لغزشٚ بأعیث نیبیم، کی اَمی خیدمت ملأمت نٚبه.

غلاطیأن 5:13

جأنٚ دیلٚ برأرأن، خودا شٚمٚره آزأدی بٚبخشه، امّا نه آزأدی شیمی نفسٚ خأسته‌یأنَ ایطأعت کودنٚ وأسی، بلکی محبت کودن و کس‌کسٚ دوس دأشتنٚ وأسی.

کولسیان 2:8

آگأه بیبید کی هیکس خو پوچٚ فلسفه‌یأنٚ اَمرأ شیمی جَا ایمأن و روحأنی دیلخوشی‌یَ فأنگیره؛ اَشأنٚ پوچ و ایشتیوأ فیکرأن، مردومٚ فیکرأن و عقیده‌یأنٚ رو نٚهأ، نه مسیحٚ آمؤخته‌یأن و فرمأیشأنٚ رو.

۱پطرس 2:16

دوروسته کی شومأن دینی حوکمأنٚ جَا کی شیمی دٚس و پأیَ دٚوٚستی آزأدٚ بوستید، امّا اَن جٚه اَ خأطر نییٚه کی هر نادوروست کأری‌یَ تأنید انجأم بدید، بلکی خودتأنٚ آزأدی‌یَ، وأستی خودا خأسته‌یأنٚ انجأم دئن وأسی ایستفأده بوکونید.

دوم پطرس 2:19

و اوشأنَ آزأدی وعده‌یَ دٚهٚده، قأفیل جٚه اَنکی خودشأن گونأ و فیسأدَ وأسی اسیرٚد، چونکی اینسأن او چی‌ غولأم ایسه کی اونی رو تسلط دأره.

موکأشفه 2:14

تومأمٚ اَشأنٚ اَمرأ، چنتأ ایرأد تی میأن دینٚم. تو اوشأنی کی بلعام مأنستَن ایسده غلطٚ آموجه‌یأنَ قوبیل کونی کی بالاقَ بأمؤخته کی چوطو ایسرأییلٚ قومَ فأکشأنِه گونأ ور. بلعامٚ رأنمأیی موطأبٚق، ایسرأییلٚ قومَ بی‌عیصمتی و بُتأنٚ پیشکش بوبوسته خوردٚنیأنٚ خوردنَ تِشویق بوکودٚد.