اوّل قرنتیان 8:13 - Gilaki New Testament

¹³ پس اگه او گوشتٚ خوردن کی بُتٚ رِه قوربأنی بوبوسته، می برأرٚ گونأ کودنٚ بأعیث بِه، تأ عُمر دأرم جٚه اون نوخورم، نٚبه کی اونی لغزشٚ بأعیث ببم.

کتاب مقدس به زبان گیلکی - گویش شرقی

¹³ هینه واسه ، اگه غذا می برار گراخوردن باعیث بنه، هرگیز گوشت نخونم، نبون که اون گراخوردن باعث بانی ببوم.

کتاب مقدس به زبان گیلکی - گویش رشت و غرب گیلان

¹³ جه اَ رو اَگه غذا، می برار تاش خوردنِ باعث به، هرگس گوشت نَخوائم خوردن، نَبه کی اونِ تاش خوردنِ باعث و بانی ببَم.

اوّل قرنتیان 8:13 Iomraidhean Croise

متّی 17:27

ولی عأیب نأرِه، جٚه اَ خأطر کی اَشأنٚ نأرأحتَ نوکونیم، بوشو سأحیل، دأم تأوٚد و اوّلین مائی کی بیگیفتی، اونی دٚهٚنَ وأکون؛ ایتأ سکه اونی دورون یأفی کی اَمی دو نٚفٚرٚ مألیأت فأدأنٚ رِه وٚسته. اونَ فأدن اوشأنَ.»

اعمالٚ رسولأن 15:20

فقد بینیویسیم کی حیوأنأنٚ گوشتَ کی بُتأنٚ رِه قوربأنی بوبوستده و خون و حیوأنأنی کی خٚفَه بوستٚده‌یَ نوخورٚد و لأبألیگری نوکونٚد.

رومیأن 14:13

پس، کس‌کسٚ محکوم کودنٚ جَا دٚس فأکٚشیم و اونی عوض، حقٚ سعی بٚزنید شیمی کردکأر اوجور بٚبه کی البأقی ایمأندارأنٚ لغزش و کٚفتنَ بأعیث نٚبه.

رومیأن 14:21

خوروم کأر اَنه کی جٚه گوشت خوردن و شرأب وأخوردن و هرتأ دِه کأر کی البأقی آدمأنٚ لغزش خوردن و نأرأحتی‌یَ بأعیث بِه، پرهیز بوکونید.

اوّل قرنتیان 10:32

پس بٚپأیید کی هیکسٚ رِه لغزستنٚ سنگ نیبید، نه یوهودیأنٚ رِه، نه اوشأنی کی یوهودی نییٚد رِه، نه مسیحیأنٚ رِه.

اوّل قرنتیان 10:33

منم هه رأ روشَ اَمرأ پیش شٚم و حقٚ سعی زنٚم کی هرتأ کأرٚ میأن همٚتأنَ خوشألَ کونم. پس اونچی‌یَ کی دوس دأرم و یا می نفع ایسه‌یَ، انجأم نٚدم، بلکی او کأرَ کونم کی البأقیأنٚ نفع اونٚ میأن نٚهأ کی اَشأن نیجأت بیأفٚد.

اوّل قرنتیان 13:5

البأقیأنَ بی‌حورمتی و بی‌ادبی نوکونه؛ زور نوکونه کی همه چی اونی دیل بٚخأ انجأم بٚبه و من مٚرَه قوربأن نییٚه و فقد خو کله اَمرأ کأر نوکونه؛ زود برزخَ نیبه؛ و البأقیأنٚ تقصیرأنٚ حیسأبَ نأرِه؛

اوّل قرنتیان 6:12

ایمکأن دأره کی بیگید: «تأنٚم هرتأ کأر بوکونم» - ولی بدأنید کی همه چی شِمِره فأیده نأرِه. حتّا اگه شیمی گبٚ اَمرأ «تأنٚم هرتأ کأر بوکونم»، ولی نوأستی هیچی‌یَ اسیر و بٚرٚده ببم.

اوّل قرنتیان 9:12

اگه البأقیأن حق دأرٚده کی جٚه شیمی ور مألی کومک فأگیرٚد، مگه اَمأن نوأستی ویشتر حق بٚدأریم؟ ولی اَمأن جٚه اَ حق ایستفأده نوکودیم. بلکی وأگردأنسر، همه چی‌یَ تحمول بوکودیم اَطو نٚبه کی ایتأ مأنع مسیح اینجیلٚ رأ سٚر بٚنیم.

دوم قرنتیان 11:29

کیسه جٚه کیلیسا آدمأن کی علیل بٚبه، و منم هو عجزَ ایحسأس نوکونم؟ کیسه کی گونأ دورون دکفه و من می جأنٚ دورون نوسوجٚم؟

دوم قرنتیان 6:3

اَمأن ایجور زٚندیگی و کردکأر کونیمی کی هیکسٚ لغزشٚ بأعیث نیبیم، کی اَمی خیدمت ملأمت نٚبه.