اوّل قرنتیان 7:21 - Gilaki New Testament

²¹ اگه او زمأتٚ دورون غولأم بید، اَ موضو جَا غورصه‌دأر نیبید. البت اگه ایتأ فورصت آزأدی رِه پیش بأمؤ جٚه اون ایستفأده بوکونید.

کتاب مقدس به زبان گیلکی - گویش شرقی

²¹ او زمونی که دوخؤنده بوبؤی، غولوم بی؟ واهیمه ندار. ولی اگه تینی تی آزادیِ بدست بأری، فرصت از دست ندی.

کتاب مقدس به زبان گیلکی - گویش رشت و غرب گیلان

²¹ اُ زمات کی دوخواده بُبوستی غُلام بی؟ ترس نوا داشتن. ولی اَگه تانی تی آزادیَ بِدس باوری تی فرصتَ جه دَس نوا دَئن.

اوّل قرنتیان 7:21 Iomraidhean Croise

لوقا 12:29

خوردنی وأسی دیل نیگرأن نیبید کی چی بوخورید و چی وأخورید! غورصه نوخورید، چونکی شیمی رزق روزی‌یَ، خودا فأرٚسأنه.

لوقا 21:34

پس بٚپّأئید! ولأنید پورخوری، مستی و زٚندیگی غم و غورصه‌یأن، شیمی دیلأنَ سینگینٚ کونه و هو روج ایتأ دأمٚ مأنستَن شٚمٚره غأفیل تأوٚدٚه.

اوّل قرنتیان 12:13

چونکی امّا همٚتأنٚ ایتأ روح، ینی روح‌القدسٚ اَمرأ، تعمید بیگیفتیم کی ایتأ جأنَ چأکونیم – چی یوهودی بیبیم و چی یوهودی نیبیم، چی بٚرٚده بیبیم چی آزأد- و امّا همٚتأنَ جٚه هو روح‌القدس فأدأ بوبوسته کی وأخوریم.

اوّل قرنتیان 7:20

هرتأ جٚه شومأن او وخت کی خودا شٚمٚره دؤخأده چی حأل و هوا دورون ایسأبید؟ پس اَسأیٚم هو حألٚ دورون بئیسید.

اوّل قرنتیان 7:22

اگه او وخت کی خوداوند دؤخأده، غولأم بید، اَنَ بدأنید کی مسیح شٚمٚره آزأدَ کوده، آزأد جٚه گونأ قودرت! و اگه او وخت کی خوداوند دؤخأده، غولأم نیبید، بدأنید کی هسأ مسیح غولأم ایسید.

غلاطیأن 3:28

دِه فرقی نوکونه یوهودی بیبیم یا نه، غولأم بیبیم یا آزأد، مرد بیبیم یا زن؛ چونکی اَمأن همٚتأ مسیحیأن عیسا مسیح میأن ایتأ ایسیم

فیلیپیان 4:11

البت می منظور اَن نییٚه کی ایحتیأج دأشتیم، چونکی یأد بیگیفتم اوچی وأسی کی دأرم، رأضی ببم و هونی اَمرأ قنأعت بوکونم.

فیلیپیان 4:6

هیچی رِه دیلوأپس نیبید. اونی عوض، هر جور بوبوسته، دوعأ و ایلتمأس و شوکرگوزأری اَمرأ، شیمی خأسته‌یأنَ ببرید خودا حوضور.

کولسیان 3:11

اَ تأزه زٚندیگی دورون دِه موهیم نییٚه کی یوهودی بیبید یا یوهودی نیبید، ختنه بوبوسته یا ختنه نوبوسته، بَربَر یا سَکایی بٚرده یا آزأد؛ فقد اوچی کی موهیمه مسیحٚ کی اَمی همٚتأنٚ میأنی زٚندیگی کونه.

عبرأنیأن 13:5

مأل و مینألٚ دوس دأشتٚنَ سٚرأدید و اونچی‌یَ کی دأریدی کأفی بدأنید، چونکی خودا بٚفرمأسته: «شٚمٚره هیوخت تنأ نٚنم و نٚشم.»

۱پطرس 5:7

وئألید کی خوداوند تومأمٚ شیمی دیل نیگرأنیأن و غم و غورصه‌یأنٚ خو کؤل رو بٚنه، چونکی اون تومأمٚ وختأن بٚفیکرٚ شومأن ایسه.