اوّل قرنتیان 4:4 - Gilaki New Testament

⁴ هرچن می ویجدأن رأحت ایسه، ولی اَن مٚرَه بی‌گونأ چأنکونه. خوداوند ایسه کی مٚرَه ایمتحأن و می دروأره قیضأوت کونه.

کتاب مقدس به زبان گیلکی - گویش شرقی

⁴ چونکه خبر نانم چیزی می ضید ببی، ولی ایی مه تبرئه نوکوئنه. بلکه خداوند ایسّه که ما قضاوت کوئنه.

کتاب مقدس به زبان گیلکی - گویش رشت و غرب گیلان

⁴ چونکی خبر نارم چیزی می ضد بِبه ولی اَن مَره تبرئه نُکونه. بلکه خُداوندِ کی مَره قضاوت کونه.

اوّل قرنتیان 4:4 Iomraidhean Croise

یوحنا 21:17

سیومی وأرٚ رِه عیسا اونَ بٚفرمأسته: «اَی شمعون، اَی یونا پٚسر، آیا مٚرَه دوس دأری؟» پطرس دیلخوره بوسته چٚره کی عیسا سه وأر اونی جَا وأوٚرسِه کی «آیا مٚرَه دوس دأری؟» پس بوگفته: «خوداوندا، تو همه چی‌یَ دأنی. خودت دأنی کی من تٚرَه دوس دأرم.» عیسا اونَ بٚفرمأسته: «پس می کوجه بٚرّه‌یأنَ خورأک فأدن.

اعمالٚ رسولأن 23:1

پولس هوطویی کی شورأ آدمأنَ فأندرستی بوگفته: «اَی برأرأن، من همیشٚک خودا ورجأ ایتأ پأکٚ ویجدأنٚ اَمرأ زٚندیگی بوکودم!»

رومیأن 2:13

چونکی دینی حوکمأنٚ ایشتأوٚستٚنٚ اَمرأ نییٚه کی اینفر خودا ورجأ قوبیل بِه، بلکی اونی انجأم دئن اَمرأ بِه.

رومیأن 4:2

اگه اونی خوروم کأرأن بأعیث بوبوسته کی خودا ورجأ قوبیل بٚبه، تأنستی گولأز بوکونه. ولی خودا رأ روش اَن نوبو.

اوّل قرنتیان 4:3

هسأ، آیا من خورومٚ خیدمتگوزأر بوم؟ خأیم بدأنید کی مِرِه اَندر موهیم نییٚه کی شومأن یا ایتأ عیده دِه مٚرَه چوطو قیضأوت کونیدی. حتّا می نظرم مِرِه موهیم نییٚه!

اوّل قرنتیان 4:5

پس دروأره‌یٚ هیکس پیشتر جٚه اونٚ وخت قیضأوت نوکونید تأ اَنکی خوداوند بأیٚه. وختی خوداوند وأگرده، همه چی‌یَ آشیکأرَ کونه و همه کس آشیکأرأ دینٚده کی هرتأ جٚه اَمأن اَمی دیلٚ جولفٚ جیگأ دورون، چوطوچی آدم بیم و چی نیّتٚ اَمرأ خودایَ خیدمت بوکودیم. او زمأتٚ میأن، خودا هرکسَ هَندر کی لیأقت دأره، تِشویق کونه.

دوم قرنتیان 1:12

اونچی کی اَمی گولأزٚ بأعیث بِه، اَن ایسه کی تومأمٚ اَمی صدأقتٚ اَمرأ تأنیمی بیگیم کی اَمی کردکأرٚ میأن مردومٚ اَمرأ و بوخصوص شیمی اَمرأ، همیشٚک صأف و صأدٚق بیم، و اَمی چومٚ اومید فقد خوداوندٚ کومکَ رو نٚهأ بو، نه اَمی قوّتٚ سٚر.

دوم قرنتیان 5:10

چونکی اَمأن همٚتأن مسیح دأوری تختٚ موقأبیل ایسیم و هرتأ جٚه اَمأن او کأرأنٚ آخرپٚسی‌یَ کی وختی اَمی جأنٚ دورون ایسأبیم بوکودیمَ دینه، چی خُب چی بد.