اوّل قرنتیان 4:21 - Gilaki New Testament

²¹ هسأ، شومأن اینتخأب بوکونید، دوس دأریدی تِنبیه و ملأمتٚ وأسی شیمی ورجأ بأیٚم یا محبت و فروتنی وأسی؟

کتاب مقدس به زبان گیلکی - گویش شرقی

²¹ کو یکته خانین؟کولاکوت أمره شیمه ورجه بَئم یا یکته آروم روح و محبت امره؟

کتاب مقدس به زبان گیلکی - گویش رشت و غرب گیلان

²¹ کویتایَ خوائیدی؟ کُلاکَت اَمرا شیمی ورجه بایم یا ایتا آرام روح و محبت اَمرا؟

اوّل قرنتیان 4:21 Iomraidhean Croise

اوّل قرنتیان 4:18

دأنٚم کی ای عیده جٚه شومأن مغرور بوبوستیدی، اَطو گومأن کونیدی کی ایوأردِه شیمی دِئنٚ رِه نأیم.

اوّل قرنتیان 5:5

بأزون، اَ مردأکَ کیلیسا جَا بیرون تأوٚدید و اونی جیسمٚ جٚه بین شؤئؤنٚ وأسی اونَ شیطان دٚس بیسپأرید، بلکی‌یٚم وختی اَمی خوداوند عیسا وأگرده، اونی روح نیجأت بیأفه.

دوم قرنتیان 1:23

خودایَ شأهید گیرم کی اگه شیمی ورجأ وأنگردستم، اَنٚ وأسی بو کی نخأستیم شٚمٚره می سختٚ شمأتتأنٚ اَمرأ اَذِت بوکونم.

دوم قرنتیان 10:6

اَمأن آمأده بأشٚ دورون ایسأییم کی هر وخت شیمی ایطأعت کأمیلَ بوسته، هرتأ سٚرکشی‌یَ البأقیأنٚ میأن موجأزأت بوکونیم!

دوم قرنتیان 10:8

ولی من اَ قودرت و ایختیأرَ شیمی کومکٚ رِه بٚکأر دٚوٚستم، نه شیمی اَذِت آزأرٚ رِه. بلکی گومأن بوکونید کی ویشتر جٚه می ایختیأرأنٚ حد گولأز کودأندرم؛ ولی اَطو نییٚه.

دوم قرنتیان 12:18

او وخت کی جٚه تیتوس خأهیش بوکودم کی شیمی ورجأ بأیٚه و اَمی اویتأ برأرَ اونی اَمرأ اوسه کودم، مگه اَشأن شیمی جَا بهره ببردٚد؟ مگه اَمی رأ روش ایجور نوبو؟

دوم قرنتیان 13:10

اَ مطلبأنٚ اَ اومیدٚ اَمرأ نیویسٚم کی وختی بأمؤم شیمی ورجأ، ایحتیأج نٚبه کی شٚمٚره شمأتٚت و تِنبیه بوکونم. چونکی خأیم جٚه او ایقتدأر کی خوداوند مٚرَه فأدأ، شیمی قوّت و بٚنأ کودنٚ رِه ایستفأده بوکونم، نه اَنکی شٚمٚره خرأبَ کونم.

دوم قرنتیان 13:2

آخری وأر کی شیمی ورجأ ایسأ بوم، اوشأنَ کی گونأ کودید، ایخطأر بوکودم. اَسه اوشأنَ و هطویم البأقی‌یَ، ایوأردِه هوشدأر دٚهٚم کی اَیدفه هیکسٚ خطأ جَا می چومَ دٚنوٚدٚم،

دوم قرنتیان 2:1

پس تصمیم بیگیفتٚم کی شیمی ورجأ نأیم کی ایوأردِه شیمی غم و غورصه و نأرأحتی‌یَ بأعیث نٚبم.

دوم قرنتیان 2:3

هنٚ وأسی، او موضویأنَ می آخری دسخطٚ میأن بینیویشتم کی وختی بأمؤم، اوشأنی کی وأستی مٚرَه خوشألَ کونٚد، می غم و غورصه بأعیث نٚبٚد. چونکی ایطمینأن دأرم کی می خوشألی شیمی همٚتأنٚ خوشألی ایسه.

دوم قرنتیان 3:10

رأس‌رأسِی او پیشترٚ زمأتأنٚ جلال کی موسا دیمٚ دورون شبق زِئی، اَ تأزه عهدٚ اَمرأ نشأ موقأیسه کودن.

غلاطیأن 6:1

گولٚ برأرأن و خأخورأن، اگه ایتأ ایمأندأر ایشتیوأ بوکونه، شومأن کی ویشتر روحأنی ایسید، تومأمٚ شیمی فروتنی اَمرأ اونَ رأستٚ رأ ور وأگردأنید؛ هطویم شیمی حواس بمأنه کی شومأنم هو وسوسه میأن گیر دنکفید.

اوّل تسالونیکیان 2:7

امّا نه اَنکی حتّا اَ حقٚ جَا ایستفأده نوکودیم، بلکی ایتأ مهرٚوأنٚ مأرٚ مأنستَن شیمی جَا مورأقبت بوکودیم.

یعقوب 3:17

ولی او حیکمت کی آسمأنٚ جَا بٚبه، اوّل جٚه همه، پأک و نجیبه، بعد صولحٚ دونبألٚ، مؤدب و آرأمٚ؛ البأقیأنٚ اَمرأ حأضیر ایسه بوگو بشتأو بوکونه و اَشأنٚ فیکرأنٚ قوبیل کونه، لبألب جٚه دیلسوجی و خورومٚ کأرأن بو، صمیمی، بی‌ریأ و بی‌پرده‌ ایسه.