اوّل قرنتیان 16:1 - Gilaki New Testament

¹ ولی دروأره‌یٚ او پیشکشأن کی شیمی دیل خأیه اورشلیمٚ مسیحیأنٚ رِه اوسه کونید، تأنیدی اَطو بوکونید (هه رأیَ غلاطیه شهرأنٚ کیلیسایأنٚ پأ ورجأیٚم بنأم):

کتاب مقدس به زبان گیلکی - گویش شرقی

¹ ایسه پیشکشون جومَه گودنِ باره مقدسینِ به: شمرم اوچیِ که غَلاطیه کلیسیاأنِ بوتم، انجوم بدین.

کتاب مقدس به زبان گیلکی - گویش رشت و غرب گیلان

¹ هسّا پیشکشانِ جَما کودن باره مُقدّسینِ ره: شُمانَم اوچیَ کی غلاطیه کلیسائانَ بُگفتم، انجام بَدید.

اوّل قرنتیان 16:1 Iomraidhean Croise

اعمالٚ رسولأن 11:28

ایتأ جٚه اوشأن کی اونی نأم اَغابوس بو، ایتأ عیبأدتٚ مرأسیمٚ میأن ویریشته و خودا روحٚ اَمرأ پیشگویی بوکوده کی، پور دِه بأقی نییٚه کی ایسرأییلٚ سرزیمینٚ میأن ایتأ پیله قحطی پیش اَیِه. اَ قحطی کلودیوس قیصرٚ فرمأنروأیی زمأتٚ میأن پیش بأمؤ.

اعمالٚ رسولأن 11:30

اَ کأرَ بوکودٚد و خوشأنی پیشکشأنَ برنابا و سولُسٚ دٚس بیسپأردٚد کی اورشلیمٚ کیلیسا پیله کسأنٚ ورجأ ببرد.

اعمالٚ رسولأن 16:6

وختی فریجیه و غلاطیه اوستأنٚ شهرأنٚ جَا دٚوأرٚستٚده، روح‌القدس ولأشته کی اَیدٚفأ رِه بٚشٚد آسیا.

اعمالٚ رسولأن 18:23

چن وخت کی بوبوسته جٚه اویَه بوشؤ غلاطیه و فریجیه و اویَه مسیحیأنَ بیدِه و اَشأنَ، ایمأنٚ میأن قوّت بٚدأ.

اعمالٚ رسولأن 24:17

«من او قدیمٚ سالأن کی دؤر بومٚ پٚسی چنتأ پیشکشی اَمرأ وأگردستٚم اورشلیمٚ میأن کی می قومَ یاور بدم و قوربأنی مرأسیمَ انجأم بدم.

اعمالٚ رسولأن 9:13

حنانیا عرض بوکوده: «خوداوندا، ولی بشتأوستم کی اَ آدم اورشلیمٚ میأن خٚیلی ایمأندأرأنَ آزأر فأرٚسأنِیی!

اعمالٚ رسولأن 9:41

پطرس اونی دٚسَ بیگیفته و اونَ ویریزأنه و ایمأندأرأن و ویوه زنأکأنٚ دؤخأده و اونَ زٚنده اَشأنٚ بیسپأرده.

رومیأن 12:13

شیمی مسیحی برأرأنٚ ایحتیأجأنٚ جٚه بین بردنٚ رِه، حقٚ سعی بٚزنید. شیمی خأنه دروأزه، همیشٚک میهمأنٚ رِه وأز بٚبه.

اوّل قرنتیان 11:34

اگه اینفر خٚیلی ویشتأ ایسه، خو خأنه دورون بوخوره کی وختی البأقیأنٚ اَمرأ جمَ بِه، خو محکوم بوستن و موجأزأتٚ بأعیث نٚبه. وختی بأمؤم، البأقی موشکلأنم فأرٚس فوروس کونم.

اوّل قرنتیان 16:15

استیفانُس و اونی خأنوأرَ حتم خأطر دأریدی. اَشأن اوّلی نفرأن بود کی یونأنٚ میأن مسیحی بوبوستٚد، و خوشأنٚ زٚندیگی‌یَ مسیحیأنٚ کومک و خیدمتٚ رِه بٚنأد. خأهیش کونم

اوّل قرنتیان 4:17

هنٚ وأسی تیموتائوسَ اوسه کونم کی اَ کأرٚ دورون شٚمٚره کومک بوکونه. اون جٚه اوشأنی ایسه کی می گبأنٚ اَمرأ مسیح عیسایَ ایمأن بأوٚرده و مِرِه ایتأ زأکٚ مأنستَن عزیز و اَمین ایسه. اون او آموجه‌یأنَ کی همٚتأ جیگأ کیلیسایأن دورون فأدٚم شیمی خأطر اَوٚره.

غلاطیأن 1:2

تومأمٚ اَیَه برأرأن و خأخورأن اَ نأمه نیویشتن غلاطیه کیلیسا رِه می اَمرأ سأم دأرٚده.

غلاطیأن 2:10

فقد سفأرش بوکودٚده کی همیشٚک کیلیسا فِقِرأنَ جٚه خأطر نبریم کی البت منم اَ کأرٚ انجأم دئنَ دوس دأشتیم.

فیلیمون 1:5

چونکی البأقیأنٚ جَا ایشتأوٚم کی عیسایٚ خوداوندٚ رِه چی قورصٚ ایمأنی دأری و تومأمٚ موقدسأنٚ حق، ینی ایماندأرأنٚ حقٚ دورون چی محبتی انجأم دیهی.

فیلیمون 1:7

منم تی محبتٚ جَا اَی برأر، خوشی و دیل‌آرامی بیأفتم، چون تی مهرٚوأنی، ایمأندأرأنَ دیلأنٚ تأزه کوده.

عبرأنیأن 6:10

ولی خودا بی‌اینصأف نییٚه. چوطو بِه کی او زحمتأنَ کی اونی وأسی تحمول بوکودیدی اونٚ جٚه خأطرٚ شٚه، و اَنکی او محبتَ کی اونَ بدأشتیدٚ جٚه خأطرٚ ده، هو محبت کی خودا زأکأنٚ یاور دٚئنٚ اَمرأ نیشأن بٚدأییدی و دیهیدی؟

اوّل یوحنا 3:17

امّا اونی کی ایدعأ کونه مسیحی ایسه و مأل و مینألٚ جَا شرأیطٚ خُبی دأره، اگه خو همنو ایحتیأجأنَ دینه و اونَ یاور نٚده، چوطو ایمکأن دأره خودا محبت اونی دیلٚ دورون حأکیم بٚبه؟