اوّل قرنتیان 15:51 - Gilaki New Testament

⁵¹ هسأ، ایتأ رأز کی قأقَ کونه شٚمٚره گم: امّا همٚتأن نوخوسیم، بلکی همٚتأن عوضَ بیمی.

کتاب مقدس به زبان گیلکی - گویش شرقی

⁵¹ گوش بدین! یکته راز خا شمره بوگوئم: امه همه نمینیم، بلکه همه تبدیلابنیم .

کتاب مقدس به زبان گیلکی - گویش رشت و غرب گیلان

⁵¹ گوش بُکونید! ایتا راز شمرأ گَم: اَمان همه نیمیریم، بلکی همه تبدیل خوائیم بوستن.

اوّل قرنتیان 15:51 Iomraidhean Croise

اوّل قرنتیان 13:2

اگه نوبوّتٚ عطأیَ بٚدأرم و بٚتأنم تومأمٚ رأزأن و دأنشأنَ بفأمم، یا اگه اَجور ایمأن بٚدأرم کی می فرمأنٚ اَمرأ کوهأن اَشتر اوشتٚر بٚشٚد، ولی آدمأنَ دوس ندأرٚم، هیچ ایسٚم.

اوّل قرنتیان 15:18

اَطو بٚبه، تومأمٚ او ایمأندأرأن کی تأ هسأ بٚمٚردٚد، هلأکَ بوستٚد.

اوّل قرنتیان 15:20

ولی حِئقت اَن ایسه کی مسیح، مٚردنٚ پٚسی زٚنده بوسته؛ اون اوّلی نفر جٚه اوشأنی ایسه کی زٚنده بٚده.

اوّل قرنتیان 15:6

بأزون اون ویشتر جٚه پونصد نفر جٚه اَمی برأرأنٚ رِه خؤرَه ظأهیر بوکوده، کی خٚیلی جٚه اَشأن هنو زٚنده ایسٚد و ای عیده‌یٚم بٚمٚردٚد.

اوّل قرنتیان 2:7

اَمی گبأن حیکمتٚ اَمرأ ایسه، چونکی جٚه خودا ور و دروأره‌یٚ اونی عأقیلأنه نقشه‌یأن ایسه، او نقشه کی خأیه اَمٚرَه خودا پورجلالٚ حوضورٚ دورون فأرٚسأنه. هرچن خودا اَ نقشه‌یَ پیشتر جٚه اَنکی دونیأیَ چأکونه اَمی نیجأتٚ رِه بٚنأ بوکوده بو، ولی پیشتر اونَ هیکسٚ رِه آشیکأرَ نوکوده بو

اوّل قرنتیان 4:1

پس شومأن وأستی اَپلس و مٚرَه مسیح خیدمتگوزأرأن بدأنید، کی خودا رأزأنٚ آشیکأر کودنٚ اَمرأ، جٚه ایلاهی برکتأن شٚمٚره بهره فأدیم.

دوم قرنتیان 5:2

هسأ کی اَ جأنٚ دورون زٚندیگی کونیمی، چندر زلّه و دؤرسفته بیمی. هنٚ وأسی شوقٚ اَمرأ او روجٚ رأفأ ایسأییم کی اَمی آسمأنی جأنَ ایتأ تأزه رختٚ مأنستَن دوکونیم.

دوم قرنتیان 5:4

اَمأن اَ خأکی جأنٚ اَمرأ، فیشأرٚ جیر ایسأییم و آه و نٚأره کونیمی؛ ولی هطویم نخأییمی بیمیریم و جٚه اَ جأن خلأصَ بیم، بلکی خأییم هطو کی ایسیم اَمی آسمأنی جأنَ دوکونیم کی اَ جٚه بین شؤئؤنی جأنأن او اَبدی زٚندیگی دورون غرقَ بٚه.

افسسیان 1:9

خودا اَسه، خو نقشه‌یَ کی پیشتر جٚه اَن نمأیأنَ نوبوسته بو، اَمِرِه نمأیأنَ کوده. اون، اَ کأرَ خو خوروم نیّتٚ موطأبٚق و مسیح وأسی انجأم بٚدأ.

افسسیان 3:3

هوطو کی پیشتر خولاصه بوبوسته شِمِره بینیویشتم، خودا خو نقشه پور رمز و رأزَ مِرِه وأشکأفأنه.

افسسیان 5:32

اَن ایتأ جولف رأز ایسه، امّا اَنَ نیشأن دِهه کی چوطو مسیح و کیلیسا ایتأ ایسٚده.

فیلیپیان 3:21

اون خو وأگردٚستنٚ وخت، اَمی جٚه بین شؤئؤنی جأنَ عوضَ کونِه و خو پورجلالٚ جأنٚ مأنستَن چأکونِه. اون هو قودرتٚ اَمرأ کی همه چی‌یَ خو ایختیأر دأره، اَمٚرَه‌یٚم عوضَ کونِه.