اوّل قرنتیان 15:2 - Gilaki New Testament

² هه خوروم خٚوٚر ایسه کی اگه اونَ ایمأن بٚدأرید، شیمی نیجأتٚ بأعیث بِه، مگه اَنکی شیمی ایمأن رأس‌رأسِی نٚبه.

کتاب مقدس به زبان گیلکی - گویش شرقی

² و بواسطه او نجات پیدا کوئنین، البته اگر او کلامیِ که شیمئبه موعظه بودم، قایم بدارین. اگه ایطو نبی، هچی ایمؤن بأردین.

کتاب مقدس به زبان گیلکی - گویش رشت و غرب گیلان

² و بواسطه اون نجات یابیدی، البته اَگه اُ کلامیَ کی شمرأ موعظه بُکودم، قائم بدَرید. اَگه اَطو نَبه هچین ایمان باوَردید.

اوّل قرنتیان 15:2 Iomraidhean Croise

لوقا 8:13

او خأک کی اونی جیر سنگ بو، اوشأنی‌یَ نیشأن دِهه کی خودا پیغأمَ ایشتأوٚد و اونَ شأدی اَمرأ قوبیل کونٚد امّا چونکی ریشه نأرٚده چن وختی ایمأن آوٚرٚد، بأزون وختی وسوسه‌يأنٚ میأن دکفتد خوشأنی ایمأنَ جٚه دٚس دٚهٚد.

اعمالٚ رسولأن 2:47

و خودایَ شوکر کودیدی. شهر آدمأنٚم اَشأنَ حورمت نأئیدی و خودا هر روج چن نفرَ نیجأت دٚئی و اَشأنٚ جمَ میأن ایضأفه کودی.

اعمالٚ رسولأن 8:13

بأزون شمعونٚم ایمأن بأوٚرده، تعمید بیگیفته. اون فیلیپُسٚ جَا سیوأ نوبوستی و اونی موجیزه‌یأن جَا حیرأن و قأق مأنستی.

رومیأن 1:16

چونکی جٚه مسیحٚ اینجیل خجألتی نأرٚم چونکی خودا قودرت تومأم اوشأنٚ نیجأت رِه ایسه کی ایمأن بأوٚرٚد. اینجیلٚ پیغأم هو اوّلأن فقد یوهودیأنٚ رِه وأگویا بوستی ولی هسأ همه تأنٚده اونَ ایمأن اَوٚردٚنٚ اَمرأ، خودا حوضورٚ دورون رأ بیأفٚد.

رومیأن 11:22

پس بیدینید خودا چندر مهرٚوأن و هطویم سختگیره. اون نأفرمأنأنٚ رِه خٚیلی سختگیره. ولی اگه شومأن او ایمأن و محبتَ کی اونَ دأریدی قأیم بمأنید، شِمِره مهرٚوأن بِه. اگه اَطو نٚبه، شومأنم وأوِه بیدی.

اوّل قرنتیان 1:18

من خٚیلی خُب دأنٚم کی اوشأنی رِه کی شٚده هلاکتٚ ور، وختی ایشتأوده کی عیسا مسیح خو جأنَ صلیبٚ سٚر فٚدأ بوکوده کی اینسأنَ نیجأت بٚبخشه چندر نأدأنأنٚ کأرأنٚ مأنستَن ایسه. ولی اَمِرِه کی نیجأتٚ رأ دورون پیش دٚکفیم، اَ پیغأم خودا قودرتَ نیشأن دِهه.

اوّل قرنتیان 1:21

چونکی خودایی کی دأنأ ایسه صلاح ندأنسته کی آدمأن خوشأنٚ عقل و فأمٚ اَمرأ اونَ بٚشنأسٚد. بلکی اون اَمی میأن بأمؤ و تومأمٚ اوشأنی کی اونی پیغأمَ ایمأن بأوٚردٚد نیجأت بٚدأ، ینی هو پیغأم کی دونیأ مردوم، چی یوهودی بٚبٚد چی یوهودی نٚبٚد، اونَ پوچ و بی مأنی دأنٚده.

اوّل قرنتیان 11:2

جأن و دیلٚ برأرأن، شٚمٚره آفرین گم کی هر چی شٚمٚره بأمؤختم، شٚمٚره خأطر نٚهأ و اوشأنَ انجأم دیهیدی.

اوّل قرنتیان 15:14

و اگه مسیح زٚنده نوبوسته، پس تومأمٚ اَمی پیغأمأن و موعیظه‌یأن بأطیل ایسه و شیمی ایمأن و ایعتمأدم به خودا، سوست و بیخود ایسه.

دوم قرنتیان 2:15

و جٚه اویَه کی مسیح اَمی زٚندیگی دورون ایسأ، اَمأن خودا رِه ایتأ خوشبو عطر ایسیم، ایتأ عطر کی اونی بو همٚتأنٚ دومأغَ فأرٚسِه، چی اوشأنی کی گونأ بوکودٚد چی اوشأنی کی نیجأت بیأفتٚد.

دوم قرنتیان 6:1

اَنٚ وأسی، اَمأن خودا همکأرأن جٚه شومأن خأییم کی جٚه خودا فیض غأفیلَ نیبید.

غلاطیأن 3:4

شومأن کی خٚیلی زحمتأن اینجیلٚ وأسی تحمول بوکودید، آیا هَسأ خأییدی همٚتأنَ فیشأنید؟ پس رأس‌رأسِی بیخودی زحمت بٚکشِییدی!

افسسیان 2:8

چونکی فیضٚ وأسی ایسه کی نیجأت بیأفتیدی جٚه رأیٚ ایمأن- و اَنَ نتأنیدی شیمی حیسأب بنید، چٚره کی ایتأ هدیه جٚه خودا ور ایسه.

کولسیان 1:23

ولی اَن بٚشرطی به کی دائیم اَ حِئقتٚ میأن قأیمٚ ایمأن بٚدأرید و اونٚ میأن پأ برجأ بئیسید و ولأنید او اومید کی اینجیلٚ پیغأمٚ دورون جوخوفته، سوستٚ بٚه. اَن هو اینجیل ایسه کی شیمی گوش فأرٚسِه و اَسأیٚم آسمأنٚ جیر همٚتأنٚ رِه وأگویا به و من پولس، اونٚ غولأم بوبوستم.

دوم تسالونیکیان 2:15

پس اَی جأنٚ دیلٚ برأرأن و خأخورأن، هسأ کی اَ مأجرأیأنَ فأندرستید قأیم بئیسید و او حِئقتأنَ کی شیمی ورجأ ایسأبیم یا نأمه‌یأنٚ اَمرأ شٚمٚره بأمؤختیم، سفت دوچوکید.

دوم تیموتائوس 1:9

خودا بو کی اَمٚرَه نیجأت بٚدأ و موقدسٚ زٚندیگی رِه اینتخأب بوکوده، نه کی اَمأن لیأقت دأشتیم، بلکی قبلٚ اَنکی دونیأیَ چأکونه ایرأده بوکود خو بخششَ عیسایٚ مسیح جَا اَمٚرَه نیشأن بٚده.

عبرأنیأن 10:23

اَسه تأنیم او نیجأتٚ رأفأ بئیسیم کی خودا وعده بٚدأبو، و تأنیم همٚتأنَ بیگیم کی نیجأت بیأفتیم و هیذره شٚکّم نأریم، چون خودا تومأمٚ خو وعده‌یأنَ انجأم دِهه.

عبرأنیأن 2:1

پس اَسه کی بفأمستیم عیسا مسیح چی پیله موقأمی دأره، وأستی او پیغأم و کلامَ کی بشتأوستیم، دیقتٚ اَمرأ توجه بوکونیم، نوکونه کی اَمی ایمأنَ جٚه دٚس بٚدیم.

عبرأنیأن 3:14

چون اگه تأ آخرپٚسی وفأ بوکونیم و اَمی ایمأنٚ اوّلی روجأنٚ مأنستَن، اَمی ایعتمأدَ خودایَ قأیم بٚدأریم، بأزون مسیحٚ جلالٚ دورون سأم بریم.

عبرأنیأن 3:6

ولی مسیح «پٚسرٚ» موقأمٚ میأن ایسأ کی تومأمٚ خودا خأنه‌ ایختیأرَ دأره. و اَ «خأنه» اَمأن ایمأندأرأن ایسیم، اَ شرطٚ اَمرأ کی اَمی جورأتَ بٚدأریم و او اومیدٚ دورون کی در مسیح دأریم، پأبرجأ و قأیم بیئسیم.

عبرأنیأن 4:14

پس اَسه کی، ایتأ پیله کأهین دأریم کی آسمأنأنٚ جَا دٚوأرٚسته، ینی عیسا، خودا پٚسر، بأیید او ایمأنی‌یَ کی ایعترأف کونیمَ، قأیم بٚدأریم.

یعقوب 2:14

می جأنٚ دیلأن، اینسأنٚ رِه چی فأیده دأره کی بٚگه: «من ایمأن دأرم» ولی اَ ایمأنٚ خو کردکأرٚ اَمرأ نیشأن نٚده؟ آیا اَطوچی ایمأن تأنه اونَ نیجأت بٚده؟

یعقوب 2:17

پس دینیدی او ایمأن کی خیرٚ کأرأنٚ رِه بٚکأر نشه و خورومٚ کأرأنٚ اَمرأ نٚبه، اصلٚن ایمأن نییٚه بلکی پوچٚ موشتٚ مأنه.

یعقوب 2:26

اَطویی، هوطو کی جأن بی‌روح بٚمٚرده ایسه، ایمأنی‌یم کی خورومٚ کأرأن بٚبأر نأوٚره، بٚمٚرده ایسه.