اوّل قرنتیان 12:1 - Gilaki New Testament

¹ هسأ، اَی برأرأن و خأخورأن، خأیم دروأره‌یٚ روح‌القدسٚ عطأیأن ایپچه بینیویسٚم کی جٚه اون ایشتیوأ فأم ندأشته‌ بید.

کتاب مقدس به زبان گیلکی - گویش شرقی

¹ ایسه ای برارون، نخوانم کی روحانی عطایان باره بیخبر ببین.

کتاب مقدس به زبان گیلکی - گویش رشت و غرب گیلان

¹ هسّا ای براران، نخوام کی روحانی عطایان باره بی خبر بیبید.

اوّل قرنتیان 12:1 Iomraidhean Croise

رومیأن 1:13

ولی جأنٚ دیلٚ برأرأن، خأیم بدأنید کی چن‌وأر بخأستٚم بأیٚم شیمی ورجأ، ولی هروأر ایتأ موشکیل پیش بأمؤ. می نیّت اَمؤنٚ جَا اَن بو کی شیمی میأن خیدمت بوکونم و ایتأ عیدّه‌یَ هیدأیت بوکونم مسیح ور، هوطویی کی البأقی جیگأیأن میأنم بوکودم.

اوّل قرنتیان 10:1

اَی جأنٚ دیلٚ برأرأن، اونچی کی قدیم زمأتأنٚ میأن اَمی مردومٚ رِه ایتفأق دکفته نوأستی جٚه خأطرَ دیم، او وخت کی اَشأن بیأبأنٚ دورون سٚفر کودیدی، خودا ایتأ اَبر اوسه کوده کی اوشأنَ پیش دکفه و اوشأنَ هیدأیت بوکونه؛ بأزون اوشأنَ سأق و سألیم سورخٚ دریأ جَا رٚدَ کوده.

اوّل قرنتیان 14:37

اگه ایدعأ کونیدی کی نوبوّت عطأ و یا البأقی روح‌القدسٚ عطأیأنَ دأریدی، پس وأستی شومأن پیشتر جٚه همه کس بفأمید کی هرچی گفتأندرم، خوداوندٚ حوکمأن ایسه.

دوم قرنتیان 1:8

جأن و دیلٚ ایمأندأرأن، حتم بشتأوستیدی کی آسیا دورون چندر سختی بٚکشِییم. موشکلأنٚ فیشأر اَندر بو کی زٚنده مأنستٚنٚ اومیدَ نأشتیم،

افسسیان 4:11

اَطو بو کی اون خودش بعضیأنَ، بٚبخشه کیلیسایَ کی روسول بٚبٚد، ایتأ عیده‌یٚم پیغمبر، ایتأ عیده موبشر و ایتأ عیده دِه‌یٚم شبأن و معلم.

اوّل تسالونیکیان 4:13

و هسأ جأنٚ دیلٚ برأرأن، خأیم شومأن او ایمأندأرأن کی میرٚده احوألٚ جَا وأخٚوٚر بیبید کی وختی اینفر جٚه شومأن بٚمٚرده، شومأنم اوشأنی مأنستَن کی هیذره او دونیأیَ اومید نأرٚده، غم و غورصه نوخورید.

دوم پطرس 3:8

امّا اَی جأنٚ دیلأن، اَ حِئقتٚ جٚه خأطر نٚبٚرید کی خودا رِه ایتأ روج یا هیزأر سأل توفیر نوکونه.