اوّل قرنتیان 10:11 - Gilaki New Testament

¹¹ تومأمٚ مأجیرأیأن و بلأیأن کی اَمی قومٚ سٚر بأمؤ، اَنٚ وأسی بینیویشته بوبوسته کی اَمأن بخأنیم و هو ایشتیوأیأن ایوأردِه نوکونیم، کی اَ آخرٚ روجأنٚ دورون کی دونیأ خو تومأمٚ بوستنَ نیزدیکَ بِه، ایتأ عیبرتٚ درس فأگیریم.

کتاب مقدس به زبان گیلکی - گویش شرقی

¹¹ ایسه ای جریون اوشون ئبه ایتفاق دکته تا سرمشق ببون و بنویشته ببو تا درس عبرتی ببی امه به که او دورون مئن زیندگی کاریم که آخرالزمونه .

کتاب مقدس به زبان گیلکی - گویش رشت و غرب گیلان

¹¹ هسّا اَ جریان اوشانِ ره ایتفاق دکفت تا سرمشق بِبه و بینیویشته بُبوست تا درس عبرتی اَمرا بِبه کی اُ دوران درون زیندگی کودَن دریم کی آخرالزمات ایسه.

اوّل قرنتیان 10:11 Iomraidhean Croise

متّی 13:39

او دوشمن کی گندمأنٚ میأن وأش بکأشته، خودٚ شیطانه. خرمن کُبی فصل، هو آخرٚ زمأتٚ، و گندم وأوینأن، فٚرٚشته‌یأنٚده.

متّی 13:40

«هوطو کی وأشأنَ جمَ کودٚد و آتشٚ دورون بوسوجأنِد، آخرٚ زمأتٚ دورونم اَطویی به.

رومیأن 13:11

ایتأ دِه موضو کی اَمٚرَه خورومٚ کأرأنٚ رِه تِشویق کونه، اَنه کی وخت سریع دٚوأره و اَمی عُمر تومأنَ بِه. پس خأبٚ جَا ویریزید چونکی اَسه خوداوند وأگردٚستنٚ وخت جٚه او زمأت کی ایمأن بأوٚردیم نیزدیکتره.

رومیأن 13:12

شب تومأنَ بوسته و نیجأتٚ روج نیزدیکه. پس، او تأریکٚ کأرأنَ کی گونأ اَمرأ ایتأ بوبوسته ایوٚر بنید، نورٚ زره‌یَ دوکونید.

رومیأن 15:4

چونکی هرچی پیشتر موقدسٚ کیتأبأنٚ دورون بینیویشته بوبوسته، اَمی آمؤختٚنٚ رِه ایسه کی بتأنیم اومید بٚدأریم او صبرو تحمولٚ جَا کی اوشأنی دورون بأمؤخته بوبوسته، بتأنیم اومید بٚدأریم.

رومیأن 4:23

اَ بینیویشته کی «جٚه ایمأن رأ بو کی خودا شٚمٚره قوبیل بوکود» فقد دروأره‌یٚ ایبرأهیم بینیویشته نوبوسته.

اوّل قرنتیان 10:6

اَن ایتأ عیبرت ایسه اَمِرِه، کی اوشأنٚ مأنستَن پٚلید و شرورٚ کأرأنٚ نأجه دورون نئیسیم،

اوّل قرنتیان 7:29

وأستی خأطر بٚدأریم کی خودا کأرَ انجأم دئنٚ رِه فورصت خٚیلی کم نٚهأ. هنٚ وأسی، اوشأنی کی زن دأرٚده، وأستی تأ اویَه کی ایمکأن دأره، خوداوندٚ کأرٚ رِه آزأد بٚبٚد.

اوّل قرنتیان 9:10

آیا فیکر نوکونیدی کی اَ فرمأنَ اَمِرِیٚم بٚدأ؟ هطویه، هطو ایسه. خودا اَ حوکمَ بٚدأ تأ نیشأن بٚدأ کی مسیحیأن وأستی خوشأنٚ روحأنی خیدمتگوزأرأنٚ خرجَ فأدٚد. اونی کی زیمینَ اورأنه و خرمن کؤبه، البت وأستی ایتأ سأم جٚه مأصول ببره.

غلاطیأن 4:24

اَ مأجیرأیَ ایجور بشیکل نقل و مثلٚ مأنستَن ایستفأده کونیم. ینی اَ دونه زنأی، دونه عهدَ نیشأن دٚهٚده. ایتأ عهد جٚه سینا کوه ایسه و زأکأنی کی زأیِه غولأم و کنیزٚده. اَن هو هأجر ایسه.

فیلیپیان 4:5

تومأمٚ کأرأنٚ دورون شیمی جَا ایثأر نیشأن بدید و الباقیأنٚ فیکرم بیبید. شٚمٚره خأطر بٚبه کی خوداوند زود وأگردِه.

عبرأنیأن 10:25

و اوطویم کی بعضیتأنٚ رِه عأدته، کیلیسا عیبأدتی مجلسأنٚ اَمؤنٚ جَا غأفیلَ نیبید، بلکی کس‌کسَ تِشویق بوکونید، بوخصوص اَ روجأن کی مسیحٚ وأگردٚستن فأرٚسئندٚره.

عبرأنیأن 10:37

چونکی «دئرَ بٚه دورُغَ نیبه اونی کی وأستی بأیٚه، اَیِه و دئرَ نوکونه.»

اوّل یوحنا 2:18

می جأنٚ دیلٚ زأکأن، دونیأ تومأنَ بوستن نیزدیکٚ بوسته. شومأن حتم دروأره او «مسیحٚ ضدٚ» اَمؤنٚ رِه چیزأنی بشتأوستیدی. حتّا اَسأیٚم همٚتأ جأجیگأ مسیح ضدّأن بیدِه بٚده و جٚه اَ خأطر فأمیم کی دونیأ تومأنَ بوستن نیزدیکَ بوسته.