اوّل قرنتیان 1:14 - Gilaki New Testament

¹⁴ خودایَ شوکر کونم کی جغرز کریسپوس و گایوس، هیکس دِه جٚه شٚمٚره تعمید ندأم!

کتاب مقدس به زبان گیلکی - گویش شرقی

¹⁴ خدا شکر کوئنم که به جز کریسپوس و گایوس، هیتای دیگه از شمَره تعمید ندَئم،

کتاب مقدس به زبان گیلکی - گویش رشت و غرب گیلان

¹⁴ خُدایَ شُکر کونم کی جغیر کْریسپوس و گایوس، دِه هیکّس جه شمانَ تعمید ندَم،

اوّل قرنتیان 1:14 Iomraidhean Croise

اعمالٚ رسولأن 10:48

پس عیسا مسیحٚ نأم اَمرأ اَشأنَ تعمید بٚدأ. او وخت کُرنیلیوس ایلتمأس بوکوده کی پطرس چن روج اوشأنی ورجأ بئیسه.

اعمالٚ رسولأن 18:8

کْریسْپوس، کنیسه‌ رییس و تومأمٚ اونی خأنوأر خوداوندَ ایمأن بأوٚردٚد. خٚیلیأنم دِه قرنتس میأن کی پولسٚ پیغأمَ بشتأوستده‌ ایمأن بأوٚردٚد و تعمید بیگیفتٚد.

رومیأن 16:23

گایوسٚم سلأم رٚسأنه. من اونی میهمأنٚم و مسیحیأن اَیَه اونی خأنه دورون جمَ بٚده. اِراستوس، شهرٚ خزأنه‌دأر سلأم رٚسأنه و هطویم اَمی برأر کوارتوس.

اوّل قرنتیان 1:15

هنٚ وأسی، هیکس نتأنه بٚگه کی قصد دأشتیم ایتأ تأزه دأر و دسته «پولس کیلیسا» نأم اَمرأ چأکونم.

اوّل قرنتیان 1:4

همیشٚک خودایَ شوکر کونم شیمی وجود رِه او فیضٚ وأسی کی عیسا مسیح شٚمٚره عطأ بٚفرمأسته.

اوّل قرنتیان 14:18

خودایَ شوکر کی ویشتر جٚه همٚتأن بٚزوأنأن گب زنٚم.

دوم قرنتیان 2:14

ولی خودایَ شوکر کی همیشٚک اَمٚرَه مسیح پیروزی میأن شیریک چأکونه، و هر جیگأ شیم، اَمٚرَه بٚکأر گیره کی مسیحَ مردومَ بشنأسأنیم. و اینجیلٚ پیغأمَ ایتأ خوشبو عطرٚ مأنستَن همٚتأ جیگأ پٚخشَ کونیم.

افسسیان 5:20

و همیشٚک، همه چی رِه، اَمی خوداوند عیسایٚ مسیح نأمٚ اَمرأ خودایٚ پئرَ شوکر بوکونید.

کولسیان 3:15

وئألید او آرأمٚش کی مسیح بخشه دائیم شیمی دیلأنٚ بٚدٚس بیگیره، چون همه‌یَ اَمأن وأستی ایتأ جأنٚ اعضأ مأنستَن هماهنگی و صفأ دورون زٚندیگی بوکونیم. هطویم، همیشٚک شوکر بوکونید.

کولسیان 3:17

هرچی کونیدی و هر گبی کی زوأنٚ سٚر اَوٚریدی، همٚتأیَ عیسای خوداوندٚ نأمٚ اَمرأ انجأم بدید و جٚه اونی رأ خودایٚ پئرَ تشکر بوکونید.

اوّل تسالونیکیان 5:18

هرتأ ایتفأقٚ وأسی خودایَ شوکر بوکونید، چونکی اَن خودا خأستِیه شِمِره کی عیسایٚ مسیح شین ایسید.

اوّل تیموتائوس 1:12

هنٚ وأسی، اَمی خوداوند عیسا مسیحَ شوکر کونم کی اَ خیدمتٚ رِه مٚرَه قودرت فأدأ و مٚرَه ایعتمأد بوکوده و اَ خیدمتٚ رِه اینتخأب بوکود.

فیلیمون 1:4

جأن و دیلٚ فیلیمون، هر وأر کی تِرِه دوعأ کونم، اوّل خودایَ تی وجود رِه شوکر کونم،