اوّل قرنتیان 1:13 - Gilaki New Testament

¹³ مگه مسیح تکس‌تکس بوبوسته؟ مگه اَن پولس بو کی شیمی گونأیأنٚ آمؤرزئن وأسی بوشؤ صلیبٚ جؤر؟ مگه اینفر جٚه شومأن ایسه کی پولسٚ نأم اَمرأ تعمید فأگیفته‌ بی؟

کتاب مقدس به زبان گیلکی - گویش شرقی

¹³ مگر مسیح تقسیم بوبؤ؟ مگر پولس بو که شیمه به صلیب سر بوشو؟ پولوس نوم اجی غسل تعمید هیتین گه؟

کتاب مقدس به زبان گیلکی - گویش رشت و غرب گیلان

¹³ مگه مسیح تقسیم بُبوسته دَره؟ مگه پولُس بو کی شیمی واسی صلیبِ جور بُشو؟ مگه پولُس نام مرا غسل تعمید بیگیفتید؟

اوّل قرنتیان 1:13 Iomraidhean Croise

متّی 28:19

پس بیشید تومأمٚ قومأنَ می شأگرد چأکونید و اوشأنَ، پئر و پٚسرَ و روح‌القدسٚ ایسمٚ اَمرأ آبٚ جَا تعمید بدید؛

متّی 3:6

اوشأن خوشأنی گونأیأن ایعترأف کودید، اُردنٚ روخأنٚ دورون اونی جَا تعمید گیفتید.

اعمالٚ رسولأن 10:48

پس عیسا مسیحٚ نأم اَمرأ اَشأنَ تعمید بٚدأ. او وخت کُرنیلیوس ایلتمأس بوکوده کی پطرس چن روج اوشأنی ورجأ بئیسه.

اعمالٚ رسولأن 19:5

وختی اَنَ بشتأوستٚد، عیسایٚ خوداوند نأمٚ اَمرأ تعمید بیگیفتٚده.

اعمالٚ رسولأن 2:38

پطرس جوأب بٚدأ: «شومأن هرتأ وأستی شیمی گونأیأنٚ جَا دٚس فأکشید، و خودا ور وأگردید و عیسای مسیحٚ نأم اَمرأ تعمید بیگیرید کی خودا شیمی گونأیأنَ بٚبخشه. او وخت خودا شٚمٚره‌یٚم اَ پیشکشی، ینی روح‌القدسَ بخشه.

اعمالٚ رسولأن 8:16

چونکی اَشأن فقد عیسایٚ خوداوندٚ نأمٚ اَمرأ تعمید بیگیفته بود و هنو روح‌القدس هیتأ جٚه اَشأنٚ رو نأمؤ بو.

رومیأن 14:9

مسیحٚم جٚه مٚردن و زٚنده بوستن هه منظورَ دأشتی کی بتأنه چی زٚندیگی درأزأ دورون و چی اَمی مٚردن زمأتٚ دورون، اَمی خوداوند و صأب ایختیأر بٚبه.

اوّل قرنتیان 1:15

هنٚ وأسی، هیکس نتأنه بٚگه کی قصد دأشتیم ایتأ تأزه دأر و دسته «پولس کیلیسا» نأم اَمرأ چأکونم.

اوّل قرنتیان 10:2

رأس‌رأسِی تأنیم اَطو وأگویا بوکونیم کی اَشأن دریأ و اَبرٚ دورون، تعمید بیگیفتٚد و اَ کأرٚ اَمرأ، نیشأن بٚدأد کی موسا شأگرد ایسٚد.

دوم قرنتیان 11:4

می ترس اَنٚ وأسی ایسه کی شومأن خٚیلی سأده و زودبأور ایسید و هرکی هرچی بٚگه دفأتن بأوٚر کونیدی. حتّا اگه ایتأ دِه عیسایَ معرّفی بوکونٚد، جغرز اونی کی اَمأن شٚمٚره بشنأسأنِییم، یا دروأره‌یٚ ایتأ روحٚ دِه گب بٚزٚنٚد، جغرز او روح‌القدس کی خودا شٚمٚره بٚبخشه، و یا ایتأ دِه رأ، نیجأتٚ رِه شیمی پأ ورجأ بٚنٚد، شومأن همٚتأیَ بأوٚر کونیدی.

غلاطیأن 1:7

چونکی جغرز او رأیی کی شِمِره وأگویا بوکودیم ایتأ دِه رأ وجود نأرِه. اوشأنی کی ایتأ دِه رأ شٚمٚره نیشأن دٚهٚده، خأیده شٚمٚره گول بٚزنٚد و مسیح اینجیل حِئقتَ جیرٚ جؤرَ کونٚد.

افسسیان 4:5

اَمِرِه فقد ایتأ خوداوند، ایتأ ایمأن و ایتأ تعمید وجود دأره.

تیتوس 2:14

اون خو جأنَ اَمی گونأیأنَ وأسی فٚدأ بوکود تأ اَمٚرَه همٚتأ شرورٚ کأرأنٚ جَا نیجأت بٚده و اَمٚرَه پأکٚ کونه و اَمی جَا ایتأ قوم بوجود بأوٚره کی ایجورٚ خأص اونٚ شین بٚبه، خورومٚ کأرأنٚ انجأم دٚئنٚ رِه خٚیلی موشتأق بٚبٚد.