Zefanaiya 2:3 - EBƆRƐ BE KAWƆL

³ Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Zefanaiya 2:3 Iomraidhean Croise

2 Samuɛl 12:22

Nɛ ewura Deevid shuli so ŋ kaŋɛ le: “Mm, e ka daa wɔ ŋkpa to, n daa kishi nna nsaa shu, ŋkpal manɛ so n daŋ fɛ nna fanɛ Enyɛnpe Ebɔrɛ beeŋ wu ma kuwɔr nseŋ yige kebia na.

Nshɛ 105:4

Men ta men be yirda n deŋi Enyɛnpe Ebɔrɛ na nɛ mbe eleŋgboŋ so nsaa bunyaŋ mo jemanɛ kikɛ.

Nshɛ 149:4

Ŋkpal manɛ so, mbe basa be asheŋ bee par mo nna. Mo alɛ bee ta kemaŋkura nna a buu bekama nɛ baa bar bumo be amu kaseto so nsaa mɔlga bumo.

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Nshɛ 31:20

Fee kuŋ bumo ashi basa nɛ baa kre bumo ŋkre lubi be enɔ to nna, nsaa ta bumo a gelge katege nɛ asheŋ nɛ bedoŋ bee ku a deŋi bumo.

Nshɛ 45:4

Nseŋ dii fo kediiso bunyaŋ so ŋ kɔ m pɔɔ so a laŋɛ kashenteŋ nɛ kuwɔrwu nɛ keji asheŋ nɛ amo be ekpa so be kaplɛa so. Ta fo enɔjiso lempo na n wora asheŋ nɛ a bee mɔ kɔnɔ.

Nshɛ 57:1

Enyɛnpe Ebɔrɛ, jande wu ma kuwɔr. Wu ma kuwɔr, ŋkpal manɛ so fo kutɔ nɛ mee nya kekuŋ. Fo aba to nɛ mee shile a ŋana nɛ kenishipere e choŋ pɔɛŋ nɛ n lar.

Nshɛ 76:9

Jemanɛ nɛ fo kpa n niŋi to nɛ fo fara demuji m mɔlga basa nɛ baa ji awurfoŋ durnya to nna na.

Nshɛ 91:1

Esa kama nɛ e shile n ya mata Enyɛnpetale Ebɔrɛ na e naŋ nya mbe kekuŋ.

Ɛksodɔs 12:27

Men kaŋɛ bumo fanɛ: ‘K la Enyɛnpe Ebɔrɛ be kebansonchoŋ be sarga nna. E daŋ baŋ anyi Israɛlebi be nwu so nna ashi Ijipt be efuli so nseŋ ya mɔ Ijiptebi be ewurkoŋnyɛnana, ama shɛŋ daa maŋ wora anyi ere be basa.’ ” Ndoŋ nna nɛ Israɛlebi gbir m bunyaŋ Enyɛnpe Ebɔrɛ na.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Aizaaya 1:17

nseŋ koya kebaawora kusɔ nɛ k daga. Men shin nɛ keji asheŋ nɛ amo be ekpa so e baa wɔ menyi to. Kumo e la fanɛ, men baa chɛ bumo nɛ baa mɛaŋ to nsaa sa bemunibi asɔ nɛ a daga bumo nsaa ji bekulpoche be asheŋ ashi demujikpa nɛnɛ a sa bumo.”

Aizaaya 11:4

Kashenteŋ be ekpa so nɛ e beeŋ baa ji betirpo demu nsaa kɔ a kuŋ bumo nɛ b maaŋ tiŋ n wora shɛŋ n sa bumo be amu na. Kusɔ nɛ e beeŋ kaŋɛ kenishipereso na beeŋ ki mbra ashi efuli na kikɛ so; nɛ basa lubi malɛ e nya luwu be kasogberge.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Jɛremaya 39:18

Meeŋ mɔlga fo nɛ b sa maŋ mɔ fo. Feeŋ nya ekpa n shile m mɔlga fo kumu ŋkpal fo ka ta fo yirda n wɔtɔ ma to so. Ma, Enyɛnpe Ebɔrɛ e kaŋɛ na.”

Jɛremaya 45:5

Fo ere bee fin asheŋgboŋ nna a sa fo kumu a? Yige amo be kefin. Ŋkpal manɛ so, meeŋ shin nɛ edimɛdi kikɛ e ji jɛrbi, ama kaplɛkama nɛ fo ere yɔ, feeŋ nya n shile m mɔlga fo kumu n ji efute. Ma, Enyɛnpe Ebɔrɛ e kaŋɛ na.”

Ezikɛl 13:5

B maa kpele basa na kusoe a laŋɛ tɔrɔ nɛ k bee ba ŋko a kaŋɛ bumo kananɛ kewora n da ma so beeŋ tiŋ n shin nɛ b wu be asheŋ.

Hoziya 10:12

Le nɛ meeŋ kaŋɛ bumo: Men fin nsawule popɔr n dɔ n duu kashenteŋji be asɔduuso. Loŋ nɛ menyeeŋ teŋi nɛfa ŋkpal men ka bee shuŋ ma so. Jemanɛ nɛ k daga fanɛ men ta men be amu n sa men Nyɛnpe Ebɔrɛ na fo. Nɛ men wora loŋ, ma alɛ beeŋ chulgi ma nɛfa n wurge menyi so.

Hoziya 7:10

Israɛl be basa be kamoowu e naa ji bumo na. Ama amo nɛ amo kikɛ, b maŋ bɛta m ba ma Enyɛnpe, bumo be Ebɔrɛ na kutɔ.

Jona 3:9

Ashere Ebɔrɛ be nfɛra beeŋ chɛrga nɛ mbe agbo e wushi nɛ e wu anyi kuwɔr nsaa maŋ shin nɛ an mur.”

Zakareya 8:19

E yɛ: “Ekishi nɛ menyee kishi kufɔl nasopo nɛ kenusopo nɛ keshunusopo nɛ kudusopo to na beeŋ ki kayurji nɛ kagbenefuli be nchɛgboŋ n sa Juda be efuli so ebi. Amoso a daga fanɛ men baa sha kashenteŋ nɛ kayurwushi.”

Matiu 5:5

Kagbenefuli la bekama nɛ b maŋ kɔ keŋkenshi na peya nna, ŋkpal manɛ so, durnya ere beeŋ ba kaa la bumo peya.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

1 Tɛsalɔnikaebi 4:10

Kashenteŋ nɛ menyee ŋini beyirdapo nɛ b wɔ Masɛdonia kikɛ na men be kasha. Amoso, an kurgepoana, men pere kenishi n nya kasha nɛ k beeŋ baa chɔ kumo nɛ men kɔ ere.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 3:4

A daga fanɛ men be kela e baa shi men be ŋgbene to gbagba to, kumo e la fanɛ men baa kɔ ŋgbene nɛ a du boeŋ a maa gbri. Loŋ be kela na e maa terge kikɛ nsaa walɛ ashi Ebɔrɛ be anishito.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.