Zefanaiya 2:1 - EBƆRƐ BE KAWƆL

¹ Kanishinyɔrpaŋ be efuli be basa ere, men ba abar so

Zefanaiya 2:1 Iomraidhean Croise

2 Kronikɛls 20:4

Amoso Juda be efuli so be basa daŋ ba shɛr Jerusalɛm nna nɛ b fin kechɛto ashi Enyɛnpe Ebɔrɛ kutɔ.

Nehemaya 8:1

Afɔl ashunu nɛ Israɛlebi na daŋ ta n chena bumo be ndeana to n loge. Kufɔl shunusopo na to be kachɛ sososo na nɛ bumo kikɛ gama abar so ashi Jerusalɛm be kadegboŋ na to be kelɔnɛ nɛ k dese kabuna nɛ baa tre Nchu be Kabuna na ase. Kumo be kaman nɛ b kaŋɛ bɔrɛmatapo Ɛzra, nɛ e daa ŋini mbra nɛ Ebɔrɛ daŋ bɔla an nananyɛn Mosis so n ta n sa Israɛlebi na, fanɛ e ya ta mbra be kawɔl na m ba.

Nehemaya 9:1

Kufɔl shunusopo na be kachɛ adunyɔ nɛ ana na nɛ Israɛlebi na shɛr ŋ kishi nseŋ buu nli be nle nseŋ wora eshishɛr ŋ gbiti bumo be amu to a ŋini bumo be ŋgbene ka jija bumo ŋkpal bumo be alubi so so.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 6:15

Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.

Matiu 18:20

Ŋkpal manɛ so, kaplɛkama nɛ basa anyɔ ŋko besa ba shɛr ma ketre to, n wɔ bumo kutɔ ndoŋ.”