Zefanaiya 1:7 - EBƆRƐ BE KAWƆL

⁷ Men wora shruum ashi Enyɛnpetale Ebɔrɛ na be anishito, ŋkpal manɛ so, mbe demujiachɛ na taga to. E bela ase nɛ e ta mbe basa n lara sarga nseŋ kela n tre bedoŋ fanɛ b ba kɔ Juda kena n suge bumo be asɔ eleŋ so.

Zefanaiya 1:7 Iomraidhean Croise

Job be kawɔl 24:1

Manɛ nna nɛ Ebɔrɛ maŋ yili demuji be kachɛ? Manɛ nna nɛ basa nɛ b nyi mo maŋ nyi loŋ be kachɛ na?

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Aizaaya 13:3

N tre ma benapo lempoana nɛ b yirda bumo be amu n lar nɛ b ya kɔ kena ŋ gberge basa nɛ n nya agbo n wɔtɔ na kusoe.

Aizaaya 13:6

Men baa boŋ to a shu awɔrso! Ŋkpal manɛ so, Enyɛnpe Ebɔrɛ na be demuji be kachɛ na taga to. K la kachɛ nɛ Enyɛnpetale Ebɔrɛ na beeŋ shin nɛ basa e mur nna.

Aizaaya 2:12

Enyɛnpetale Ebɔrɛ na lara kachako nna n yili nɛ e bar bekama nɛ baa maŋ bumo be amu so nsaa wu bumo be amu na kaseto.

Aizaaya 29:2

Ama Ebɔrɛ beeŋ shin nɛ jɛrbi e ba kadegboŋ nɛ baa tre “Ebɔrɛ be bɔrɛsure” na so. Kagbenejija nɛ kushu beeŋ baa wɔ kadegboŋ na to nɛ k ki fanɛ bɔrɛsure nɛ ŋklaŋ gbiti kumo kikɛ na.

Aizaaya 34:5

Enyɛnpe Ebɔrɛ na kaŋ ta mbe tokobi n wora awɔlpa so be asɔ kusɔ nɛ e bee sha n loge, k beeŋ gbelge efuli nɛ baa tre Edɔm na be basa nɛ Enyɛnpe Ebɔrɛ na yili kumo fanɛ baaŋ mur na so.

Aizaaya 34:6

Bumo be ŋklaŋ beeŋ gbiti Enyɛnpe Ebɔrɛ na be tokobi na fanɛ kananɛ mbolpɔ fɔlbi nɛ mboe nɛ b ta n lara esarga be ŋklaŋ bee gbiti nsaŋɛbi na. Ŋkpal manɛ so, Enyɛnpe Ebɔrɛ na beeŋ mɔ basa damta n ta bumo n lara sarga ashi kadegboŋ nɛ baa tre Bozra na nɛ Edɔm be efuli so be kaplɛkama.

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Jɛremaya 46:10

Enyɛnpetale Ebɔrɛ na be kachɛ nna na; e beeŋ wora n tal to kabre; kabre e beeŋ gberge mo doŋana kusoe. Mbe tokobi beeŋ mɔ bumo kumo be keparso, nɛ ŋklaŋ e gbiti kumo be kaplɛkama le gbetɛɛ. Enyɛnpetale Ebɔrɛ na beeŋ ta bumo n lara sarga ashi kelargato be esoso a mata Yufreetes be Lɔrgboŋ na.

Ezikɛl 7:10

To, kemur be kachɛ na taga to! K teŋ fo gba! Kebaa maa ji kashenteŋ nɛ mpuchi be kebaawɔtɔ sɔ kaplɛkama.

Ezikɛl 7:7

Menyi nɛ men wɔ Israɛl be kasawule so na beeŋ mur. Saŋɛ na fo, demujiachɛ na taga to. Keyeŋiyeŋi beeŋ tɔr menyi so nɛ men maaŋ naŋ tiŋ n ji eyur kagbenefuliso ashi abee so be kakpa nɛ menyee shuŋ agbirana na.

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Jowɛl 2:31

Jemanɛ na ya kaa taga to epeŋi beeŋ kilgi m biri to le tuum nɛ kufɔl malɛ e pre to le kpaw fanɛ ŋklaŋ na. Asheŋ ere kikɛ beeŋ wora nna pɔɛŋ nɛ Enyɛnpe Ebɔrɛ be kachɛ nɛ e beeŋ ba na e fo. Kachɛ na kaŋ fo, kufu beeŋ pɛ basa ga.

Eemɔs 6:10

Esa nɛ e wu na mo kurgepo nɛ e la keeliwura na e naŋ ya lara kebuni na kowu. Kumo be kaman nɛ e bishi esa kama nɛ e ka laŋ na to le: “Fo nɛ esa ko e wɔtɔ a? Ndoŋ nna nɛ esa na e kaŋɛ le: ‘M-m!’ ” Kumo be kaman nɛ ekurgepo na e kaŋɛ le: “Men loto! Men shin nɛ an baa de kananɛ anyee ti an Nyɛnpe Ebɔrɛ na be ketre so.”

Eemɔs 8:3

Enyɛnpetale yɛ: “Nshɛ nɛ baaŋ ba boŋ bɔrɛlambu to na beeŋ kilgi kushu. Bubuni beeŋ dese kaplɛkama nɛ kakpa kikɛ e wora shruum.”

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Zefanaiya 1:14

Enyɛnpe Ebɔrɛ be kachɛgboŋ na taga to. K fo n loge gba kuraa! K beeŋ baa la kachɛ lubi nɛ benapo lempo nɛ b kɔ kenyɛn ga gba beeŋ baa boŋ to a shu kenishipereso nna.

Zakareya 14:1

Enyɛnpe Ebɔrɛ be demujiachɛ na bee ba. Kamɔnchɛ na nɛ baaŋ muu Jerusalɛm to be asɔ m barga to n sa abar ashi menyi gbagba be anishito.

Zakareya 2:13

Ekama e wora shruum ashi Enyɛnpe Ebɔrɛ na be anishito, ŋkpal manɛ so, e koso kakpa cheembi nɛ e wɔ na nna a ba.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Matiu 22:4

Ndoŋ nna nɛ e naŋ shuŋi anya ko n ti so ŋ kaŋɛ bumo: ‘Men ya kaŋɛ basa nɛ n tre na fanɛ n loge ma kejigboŋ be ajibi na. B teŋ bɛ ma ana nɛ amo be afɔlbi danso n loge nɛ kusɔ kama wora shiriya, amoso, men baa ba kejafɔ to be kejigboŋ na to.’

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Romebi 9:20

Ama fo alɛ dimɛdi e la wanɛ nɛ fo tiŋ m malga n ji Ebɔrɛ emɔrɔ le? Kusɔ pɔrso beeŋ tiŋ ŋ kaŋɛ kumo be epɔrpo le: “Manɛ e ba nɛ fo pɔr ma le” a?

Filipaiebi 4:5

Men shin nɛ ekama nyam e baa wu kananɛ men du boeŋ, ŋkpal manɛ so, Enyɛnpe na be keba taga to.

Kɔlɔsiebi 1:12

ŋkpal manɛ so, mo e shin nɛ men daga kenya asɔ nɛ e kɔ a sa mbe basa na be ako ashi ebɔrɛso, kakpa nɛ kefulto wɔ na.

1 Samuɛl 16:5

Nɛ Samuɛl yɛ: “Mm. M ba nna nɛ m ba lara sarga n sa Enyɛnpe Ebɔrɛ, amoso men lara alubi ashi men be ŋgbene to pɔɛŋ nseŋ ba ŋ kutɔ.” Kumo be kaman nɛ e kaŋɛ Jɛsi nɛ mbe mbia fanɛ b lara kulubi ashi bumo be ŋgbene to pɔɛŋ nseŋ ba kakpa nɛ baa lara sarga na.

1 Samuɛl 20:26

Kumo be kamɔnchɛ na Sɔɔl daa maŋ kaŋɛ shɛŋ ŋkpal manɛ so e daa fɛ nna fanɛ, ashere Deevid wora n da daŋkare be ekishi ko so nna so nɛ e maŋ tiŋ n wea bumo to.