Zefanaiya 1:4 - EBƆRƐ BE KAWƆL

⁴ Meeŋ gberge Jerusalɛm to nɛ Juda be efuli so be basa kikɛ kusoe. Meeŋ mur kegbir nɛ baa tre Baal na be kushuŋ kikɛ ashi ndoŋ nɛ ekama maaŋ naaŋ nyiŋi kegbirwura nɛ e daa keni kumo so na gba kuraa.

Zefanaiya 1:4 Iomraidhean Croise

2 Bewura 21:13

Kananɛ n daŋ gberge Samɛria be efuli so be basa nɛ Israɛl be ewura Ahab nɛ mbe kaman to ebi kusoe na, loŋ gbagba chap nɛ meeŋ gberge Jerusalɛm be basa gba kusoe. Meeŋ shin nɛ Jerusalɛm e naŋ ki kasawule fuloŋ a dese fanɛ kananɛ k daa du dra na.

2 Bewura 23:12

Ewura Josaya daŋ bure ebɔrɛsure nɛ ewura Manase daŋ pɔr n yili bɔrɛlambu be alɔnɛ anyɔ na so nɛ ebɔrɛsure nɛ Juda be efuli so be bewura daŋ pɔr n yili ewura Ahaz be ewurkpa be ebu be esoso na kikɛ nna nseŋ bɛa amo to kpachɛrkpachɛrbi n ta amo n ya lɛ Kidrɔn be ketaŋɛ na to.

2 Kronikɛls 34:4

E daŋ shin nna nɛ b bure kegbir nɛ baa tre Baal na be ebɔrɛsure nɛ ebɔrɛsure nɛ baa chɔɔ duwu amo so na. Nseŋ shin nɛ b bɛa kegbirche Ashira be mpɔrduli nɛ agbir nɛ a ka na kikɛ to n lɛ basa nɛ b daa shuŋ amo na be nchaŋana so.

Ɛksodɔs 15:12

Fo e teŋi fo enɔ jisa nɛ kasawule ta fo doŋana kikɛ m min na.

Jɛremaya 15:6

Men kini ma n lɛ nseŋ pal kaman n sa ma. Amoso meeŋ mur menyi, ŋkpal manɛ so, m maaŋ naŋ tiŋ n wu menyi kuwɔr.

Jɛremaya 6:12

Meeŋ gberge Juda be basa kusoe nseŋ ta bumo be nwu nɛ adɔsawule nɛ bumo be beche n sa basa pɔtɛ.

Ezikɛl 25:7

Amoso meeŋ ta menyi m bɔɔ efuli pɔtɛana be basa enɔ nɛ b suge menyi be asɔ nseŋ sesaŋ menyi to. Ma alɛ beeŋ mur menyi kuraa nɛ men maaŋ naa la efuli a kɔ menyi gbagba be kasawule a wɔtɔ. Ndoŋ nɛ menyeeŋ pin fanɛ ma, e la Enyɛnpe Ebɔrɛ na.”

Ezikɛl 6:14

Kashenteŋto, meeŋ yili Keshishɛrsawule nɛ k wɔ kelargato be kaseto na m ba choŋ kade nɛ baa tre Dibla nɛ k wɔ kelargato be esoso be kaba so na m mur efuli na kikɛ,. Meeŋ mur kaplɛkama nɛ Israɛl be basa tase. Ndoŋ nɛ baaŋ pin fanɛ ma e la Enyɛnpe Ebɔrɛ na.”

Hoziya 10:5

Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga.

Maika 5:13

Ma alɛ beeŋ naŋ mur asɔ nɛ menyee ta a lɔŋɛ agbir a shuŋ na kikɛ, nɛ menyi maaŋ naŋ nya amo a shuŋ.

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Zefanaiya 2:13

Enyɛnpe Ebɔrɛ na beeŋ ta mbe eleŋgboŋ m mur Asiriya be efuli nseŋ shin nɛ kadegboŋ nɛ baa tre Ninɛve na e bure n dese fanɛ keshishɛrsawule nɛ k maŋ kɔ nchu na.