Ruf be kawɔl 4:1 - EBƆRƐ BE KAWƆL

¹ Bowas nɛ Ruf ka barga abar kamɔnchɛ na be kaman nɛ Bowas ya chena agaŋgeeya ŋko kejaŋ nɛ k wɔ egbal nɛ b pɔr ŋ kulti kade na be kakpa nɛ baa kaa shɛr a ji deamu na so. Ndoŋ nɛ e wɔ loŋ nɛ Elimelɛk mo kurgepo mo nɛ Bowas daŋ kaŋɛ fanɛ mo e daga nɛ e ta Ruf ŋ keni so na ba kaa choŋ nɛ e tre mo ŋ kaŋɛ: “N teri, ba nɛ a ber kelejima.” Nɛ kanyɛn na ya chena mo kutɔ.

Ruf be kawɔl 4:1 Iomraidhean Croise

Jɛnesis 19:1

Kumo be kamɔnchɛ kaaseso emalaika anyɔ na ka fo Sodɔm nɛ Lɔt tase kade na be kabuna. E ka baŋ wu bumo, epul na to nɛ e koso n ya shɛr bumo to ŋ jɔŋɛ bumo ase

Jɛnesis 23:10

Jemanɛ na so nɛ Efrɔn gbagba tase mo braana Hitebi na kutɔ nshɛr na to ashi kade na be ekarso, kakpa nɛ baa kaa shɛr a ji demu na. Eebraham ka malga n loge na nɛ Efrɔn kaŋɛ:

Jɛnesis 34:20

Loŋ so Hamar nɛ mo pibinyɛn Shɛkɛm daŋ yɔ bumo be kade na to be kakpa nɛ benimu bee shɛr a to jina na nna n ya bɔ kubɔya na n sa bumo braana kikɛ.

2 Samuɛl 15:2

Kachipurdidi kikɛ kade na be ekarso, kakpa nɛ benimu bee shɛr a to jina na be kubɔrbi so nɛ e daa lar n ya ka yili. Esa kama nɛ e baŋ nya kamalga nsaa yɔ ewura pe nɛ e ya lɔŋɛ kumo, Absalɔm bee tre mo nna m bishi mo kakpa nɛ e shi. Esa na baŋ kaŋɛ mo kakpa nɛ e shi nɛ yiri nɛ k la mo n loge,

2 Kronikɛls 18:9

Bewura anyɔ na daŋ buu bumo be ewurpiŋi nna a tase bumo nwurputi so ashi kugooro nɛ baa bri asɔ nɛ k wɔ Samɛria be kabunagboŋ na be ekarso na so, nɛ anebiana na kikɛ yil bumo be anishito a kaŋɛ kusɔ nɛ Ebɔrɛ kaŋɛ.

Job be kawɔl 29:7

Jemanɛ kikɛ nɛ kadegboŋ na be benimu shɛr kadegboŋ na be kabuna nɛ ma alɛ gba ya tu bumo n chena,

Job be kawɔl 31:21

Nɛ fanɛ n daŋ puni kumunibi ko, ŋkpal ŋ ka nyi fanɛ meeŋ tiŋ n ji m bri mo demujikpa so,

Nshɛ 69:12

Bejuŋkparpo nɛ demujipoana bee kuli ma nna, nɛ basa nɛ baa nuu nsa a boo, bee boŋ nshɛ a wora ma eyurto.

Aŋasa 31:23

Mo kul bee nya kemaŋkura nna nsaa tiŋ a luri kade be benimu to.

Aizaaya 55:1

Enyɛnpe Ebɔrɛ yɛ: “Ekama nɛ achukoŋ kɔ mo e ba nuu nchu! Ekama nɛ e maŋ kɔ amansherbi gba e ba tɔ ajibi n ji! Men ba tɔ yabra nɛ kenyipochu n nuu nsaa maŋ ka shɛŋ!

Jɛremaya 32:10

Pɔɛŋ nɛ ŋ ka mo amansherbi na, n daŋ yisi enɔ kumo be nwɔl so nna n shin nɛ eshɛdajipo ko gba yisi enɔ kumo so. Kumo be kaman nɛ n ta kawɔl be kebersobi m ber nwɔl nɛ an wora na be kuko so nseŋ ta kusɔ nɛ k bee ta asɔ be egbɛ na ŋ karga gbiti na.

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Zakareya 2:6

Kumo be kaman nɛ Enyɛnpe Ebɔrɛ na kaŋɛ mbe basa le: “Ma e daŋ pesaŋ menyi to n sɔ kaplɛkama. Ama naniere men shile Babilɔn be efuli nɛ k wɔ kelargato be esoso na so m bɛta m ba Jerusalɛm to.”

Ditɛronɔmi 16:18

Ade kikɛ be kaman nɛ Mosis naŋ kaŋɛ Israɛlebi na le: “Menyeeŋ lara demujipoana nɛ benimuana ko ashi menyi be ndeana nɛ Enyɛnpe, menyi be Ebɔrɛ na beeŋ sa menyi na to nɛ bumo alɛ e sa maa ji basa demu ŋkpɛato be ekpa so.

Ditɛronɔmi 17:5

men keta loŋ be basa n lar kade na to n ya kpa bumo ajembu m mɔ.

Ditɛronɔmi 21:19

Loŋ be kebia mo tuto nɛ mo nio daga fanɛ b yɛr mo kade nɛ b wɔ na be benimuana kutɔ nna nɛ b ya ji kebia na demu.

Ditɛronɔmi 25:7

Ama nɛ fanɛ mo kul nɛ e wu na mo kurgepo kama maa sha keta mo a kil bre, ekulpoche na beeŋ yɔ kade be benimu kutɔ n ya kaŋɛ bumo le: “Ŋ kul e wu ŋ ka ma nɛ anyi alɛ maŋ kurge ebinyɛn nɛ e beeŋ shin nɛ mbe ketre maaŋ mur. Ŋ kul mo kurgepo malɛ kini keta ma ŋ kurge ebinyɛn.”

Joshuwa 20:4

Loŋ be esa na beeŋ tiŋ n shile n yɔ kesɔnyige be nde na be kuko to n ya luri kumo be kabunagboŋ na be kakpa nɛ baa shɛr a ji demu na m bugi to ŋ kaŋɛ bejuŋkparpoana na kusɔ nɛ k wora. Saŋɛ na so, baaŋ shin nɛ e luri kade na to nɛ b sa mo kakpa nɛ e beeŋ baa wɔ nɛ e tu bumo n chena.

Ruf be kawɔl 3:12

Kashenteŋ malɛ nna fanɛ n la fo kulana bumo kurgepo nna nɛ k daga fanɛ ŋ keni fo so, ama esa ko kraa wɔtɔ a la ma so enimu.

Ruf be kawɔl 3:18

Ndoŋ nna nɛ Nawomi kaŋɛ: “Jo ŋ keni kusɔ nɛ k beeŋ wora, ŋkpal manɛ so, Bowas be kagbene maaŋ dese mo kabre kikɛ ama e baŋ wu kesheŋ ere be edesekpa nna.”