Ruf be kawɔl 2:16 - EBƆRƐ BE KAWƆL

¹⁶ Men ba muu nsaa yige amo nɛ men teŋi ŋ kre ŋ kre n nase na to be ako gba a nase mo nɛ e ba kaa shishi. Men sa maŋ kaa ŋmenyaŋ mo.”

Ruf be kawɔl 2:16 Iomraidhean Croise

Nshɛ 112:9

Baa bugi ŋgbene nna a kɛ betentaŋasepo asɔ nɛ bumo be kelela be kewora malɛ maŋ kɔ ekar. Amoso basa bee nyiŋi bumo jemanɛ kikɛ nna.

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Romebi 12:13

Men baa barga menyi be asɔ to a sa bekurgepoana nɛ b maŋ kɔ nsaa bugi menyi be nwu a sa bekurgepo nɛ b la befɔ.

Failimɔn 1:7

Ekurgepo, kasha nɛ fo kɔ na leŋ ma to ga n shin nɛ ma kagbene fuli ma ga, ŋkpal manɛ so, fo leŋ beyirdapoana na to.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

Ruf be kawɔl 2:15

Ruf ka naŋ koso nɛ e ya shishi nɛ Bowas kaŋɛ mbe beshumpo na le: “Hale nɛ e ya kaa shishi kakpa nɛ men teŋi asɔ ŋ kre ŋ kre n nase na gba men sa maŋ ju mo.

Ruf be kawɔl 2:17

To, Ruf daŋ shishi asɔ na kudɔ na to loŋ hale nɛ epeŋi ya kaa tɔr nɛ e bri amo n nya fanɛ agbaŋkaŋ be bɔlɔ.