Ruf be kawɔl 2:1 - EBƆRƐ BE KAWƆL

¹ Nawomi mo kul be esa ko nɛ mo alɛ gba nɛ Elimelɛk kikɛ daŋ shi kanaŋ koŋwule to nɛ baa tre mo Bowas nɛ e daa la damawura nsaa kɔ ketre lela basa to na, daa wɔ Bɛtlɛhɛm nna.

Ruf be kawɔl 2:1 Iomraidhean Croise

2 Bewura 15:20

Menahɛm daŋ tintiŋ Israɛl be efuli so be damawuraana nna nɛ bumo be ekama ka gbiti be ndarbi adununu nɛ e ta amo n sa Tiglaf Pilesa. Kumo be kaman nɛ Tiglaf Pilesa bɛta n yɔ mbe efuli so.

Job be kawɔl 1:3

nseŋ daa kɔ mbolpɔ ŋgboŋ ashunu nɛ enyɔma ŋgboŋ asa nɛ ana kagboŋ nɛ ekurma alfa anu nna. Mo alɛ daa naa kɔ beshumpo damta ga nseŋ daa la esa nɛ e dii dama a chɔ ekama ashi efuliana nɛ a wɔ epeŋilarkpa be kaba so na.

Job be kawɔl 31:25

ŋko a puchi ŋkpal asɔ damta nɛ ŋ kɔ so.

Matiu 1:5

Salmon e daŋ ta Reehab ŋ kurge Bowas nɛ Bowas malɛ ta Ruf ŋ kurge Obɛd nɛ Obɛd malɛ pibi daa la Jɛsi.

Luuk 3:32

Deevid malɛ mo tuto e daa la Jɛsi nɛ mo alɛ mo tuto daa la Obɛd nɛ Obɛd malɛ mo tuto daa la Bowas nɛ mo alɛ mo tuto daa la Salmon, Naashɔn pibi.

Ruf be kawɔl 1:2

Kanyɛn na be ketre e daa la Elimelɛk nɛ mbe eche malɛ daa la Nawomi. Bumo be mbinyɛnbi anyɔ na malɛ be eko be ketre daa la Maalon nɛ enyɔsopo malɛ daa la Chilion. B daŋ shi Efrat be kanaŋ to nna ashi Bɛtlɛhɛm nɛ k wɔ Juda be efuli so na, n yɔ Mowab n ya kaa wɔtɔ.

Ruf be kawɔl 2:2

Kachako nɛ Ruf nɛ e shi Mowab na kaŋɛ Nawomi le: “Shin nɛ n yɔ basa be ndɔana to n ya keni, esa ko beeŋ wu ma kuwɔr n shin nɛ m bɛ mo so n shishi n shishi ajibi m ba a!” Nɛ Nawomi shuli so ŋ kaŋɛ mo: “To, m pibi, baa yɔ.”

Ruf be kawɔl 3:12

Kashenteŋ malɛ nna fanɛ n la fo kulana bumo kurgepo nna nɛ k daga fanɛ ŋ keni fo so, ama esa ko kraa wɔtɔ a la ma so enimu.

Ruf be kawɔl 3:2

To, baa nyiŋi fanɛ Bowas nɛ fee tu mbe mbita n ya kaa shishi na la anyi be esa nna. Amoso, nu nfe, kanyɛ ere e beeŋ ba wɔ kakpa nɛ baaŋ bri mbe asɔ nɛ e teŋi na,

Ruf be kawɔl 4:21

Salmon malɛ kurge Bowas nɛ Bowas malɛ ba kurge Obɛd nɛ