Ruf be kawɔl 1:1 - EBƆRƐ BE KAWƆL

¹ Jemanɛ nɛ demujipoana kraa juŋkpar Israɛl be efuli so ebi na be saŋko nɛ akoŋ tɔr efuli na so. Ndoŋ nna nɛ kanyɛn ko nɛ e shi Juda be kasawule so be kade nɛ baa tre Bɛtlɛhɛm na keta mbe eche nɛ mbinyɛnso anyɔ ŋ kaa n yɔ Mowab be efuli so nɛ b ya chena ndoŋ n wora nchɛnnyɔ.

Ruf be kawɔl 1:1 Iomraidhean Croise

Jɛnesis 12:10

Jemanɛ ko nɛ akoŋ tɔr Keenan be kasawule so nɛ Eebram yɔ Ijipt be efuli so nɛ e ya ji nchɛnnyɔ, ŋkpal akoŋ na ka daŋ sɔ Keenan be kasawule so kikɛ na so.

Jɛnesis 26:1

Jemanɛ ko nɛ akoŋ tɔr efuli na so, ama mannɛ kumo nɛ k daŋ ba Eebraham be jemanɛ so na. Kede daa kɔr. Akoŋ na be jemanɛ na so nɛ Aizek koso n yɔ Filistiebi be ewura Abimelɛk kutɔ ashi Gerar.

Jɛnesis 43:1

Le be jemanɛ ere kikɛ nɛ akoŋ na kraa ti so nna ashi Keenan be kasawule na kikɛ so.

2 Samuɛl 21:1

Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”

1 Bewura 18:2

Ndoŋ nna nɛ Elaija pɛ ekpa n yɔ nɛ e ya wu ewura Ahab. Kumo be jemanɛ so nɛ akoŋgboŋ tɔr Samɛria be kade to,

1 Kronikɛls 2:51

Mo pibinyɛn nyɔsopo nɛ baa tre Salma na, e daŋ juŋkpar n chena Bɛtlɛhɛm, nɛ mo pibinyɛn sasopo nɛ baa tre Harif na e daŋ juŋkpar n chena Bɛfgaada.

1 Kronikɛls 2:54

Salma nɛ e daŋ juŋkpar n chena Bɛtlɛhɛm na e daa la Netofa be basa nɛ Atrɔf Bɛf Jɔab nɛ Zorebi nɛ b daa la Manahaf be mbuna anyɔ na be kuko bumo nananyɛn.

Nshɛ 105:16

Enyɛnpe Ebɔrɛ na daŋ shin nɛ ewule ba efuli na so nna nɛ bumo be adɔjibi kikɛ mur.

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Jɛremaya 14:1

Ewule ka daŋ yili jemanɛ tenteŋ ko nɛ Enyɛnpe Ebɔrɛ na kaŋɛ ma fanɛ ŋ kaŋɛ basa na le:

Ezikɛl 14:13

“Dimɛdi pibi, nɛ efuli ko so be basa wora alubi n da ma so nsaa maŋ ji kashenteŋ n sa ma, nɛ n shin nɛ bumo be adɔjibi jija nɛ akoŋ tɔr m mɔ basa na nɛ bumo be asɔbɔya kikɛ,

Ezikɛl 14:21

Ŋkpal ade kikɛ so, kusɔ nɛ ma Enyɛnpetale Ebɔrɛ na bee kaŋɛ e la fanɛ ekpa nɛ meeŋ bɔla kumo so ŋ gberge Jerusalɛm to be basa kusoe kenishipere so nde: “Meeŋ shin nɛ kena nɛ akoŋgboŋ nɛ asɔbɔya lubi nɛ kulɔ mɔso e ba mɔ basa nɛ asɔbɔya kikɛ.

Levitikɔs 26:19

Meeŋ shin nɛ men be kumukpakpaso be kamoowu e ki fuloŋ. Ma alɛ beeŋ pɛ bɔrɛ nɛ kasawule na a wɔl ŋ ki kpakpa fanɛ kebelso.

Eemɔs 4:6

Ma e shin nɛ akoŋ tɔr menyi be ndeana kikɛ to, ama amo nɛ amo kikɛ men kraŋ kini kebɛta m ba ma kutɔ.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Ditɛronɔmi 28:38

Menyeeŋ dɔ n duu asɔduuso damta, ama gbrɛbi nɛ menyeeŋ teŋi. Elotɔr e naaŋ baa ji men be adɔjibi.

Demujipoana 12:8

Jɛfta ka wu be kaman, kanyɛn ko nɛ baa tre mo Ibzan nɛ e shi kade nɛ baa tre Bɛtlɛhɛm na e sɔ so a juŋkpar Israɛlebi.

Demujipoana 17:7

Livai be yiri to be kabrantiɛbia ko daŋ shi kade nɛ baa tre Bɛtlɛhɛm nɛ k wɔ Juda be efuli so nna

Demujipoana 17:8

n lar a fin kakpa nɛ e beeŋ chena. E ta loŋ n ya lar Maika pe ashi Efrayim be kepreŋsawule na so.