Nɔmbɛs 9:8 - EBƆRƐ BE KAWƆL

⁸ Ndoŋ nna nɛ Mosis kaŋɛ bumo le: “Men jo n ya fo saŋɛ nɛ meeŋ nu kusɔ nɛ Enyɛnpe Ebɔrɛ na kɔ nɛ e kaŋɛ a laŋɛ menyi be kaplɛa so.”

Nɔmbɛs 9:8 Iomraidhean Croise

2 Kronikɛls 20:17

Mannɛ menyi e naŋ kɔ kena ere. Menyi ere e bela ase a yil. Menyeeŋ wu kananɛ Enyɛnpe Ebɔrɛ na beeŋ kɔ m pɔɔ so n sa menyi. Juda nɛ Jerusalɛmebi, men sa maa lɔ kufu. Men lar n yɔ kena na to, Enyɛnpe Ebɔrɛ beeŋ ba wɔ menyi kutɔ!”

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Nshɛ 85:8

Mee kaŋ kusoe a nu kusɔ nɛ Enyɛnpe Ebɔrɛ na bee kaŋɛ nna. E nase kayurwushi be kɔnɔ n sa anyi, mbe basa; nɛ anyi maŋ naŋ bɛta n yɔ anyi be kawulisheŋ to nna.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Ɛksodɔs 18:15

Nɛ Mosis kaŋɛ mo le: “Basa na bee kaa ba ma kutɔ nna m ba kaa bishi kananɛ baaŋ wora Ebɔrɛ be aparsheŋ.

Ezikɛl 2:7

Ma mmalga a daga fanɛ fo malga n sa bumo. Baaŋ nu ŋko b maaŋ nu, fo ere e malga n sa bumo. Baa nyiŋi fanɛ b la basa nɛ b kini ma nseŋ pal kaman n sa ma nna.

Ezikɛl 3:17

“Dimɛdi pibi, n lara fo nna nɛ fo baa keni Israɛl be basa so. Amoso nu kamalga nɛ ŋ kɔ nɛ n sa bumo ere nseŋ fɛa bumo so.

Levitikɔs 24:12

nɛ Mosis shin nɛ baa kuŋ mo a jo kusɔ nɛ Enyɛnpe Ebɔrɛ na beeŋ kaŋɛ a laŋɛ kusɔ nɛ baaŋ wora mo be kaplɛa so.

Nɔmbɛs 15:34

Kumo be kaman nɛ b ti mo so n wɔtɔ mbe wajɛbu to, ŋkpal manɛ so b daŋ maŋ nyi kusɔ nɛ k daga fanɛ b wora mo.

Nɔmbɛs 27:5

Ndoŋ nna nɛ Mosis ta bumo be asheŋ na n yɔ Enyɛnpe Ebɔrɛ kutɔ,

Nɔmbɛs 9:7

n ya kaŋɛ bumo le: “An wora eyurpi ŋkpal an ka beta ebuni so nna, ama manɛ nna nɛ anyi maaŋ tiŋ n ji kebansonchoŋ be kejigboŋ na nseŋ lara anyi be esarga m ba sa Enyɛnpe Ebɔrɛ loŋ be kachɛ na fanɛ kananɛ an braana Israɛlebi na wora na?”

Nɔmbɛs 9:9

Kumo be kaman nɛ Enyɛnpe Ebɔrɛ kaŋɛ Mosis

Baru lela nɛ Jɔn kute na 17:8

Ŋkpal manɛ so, n ta mmalga nɛ fo ta n sa ma na n sa bumo nɛ b sɔ. B pin geeŋ fanɛ fo kutɔ nɛ n shi, bumo alɛ nseŋ naŋ yirda fanɛ fo e shuŋi ma.

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Ashuŋ Shunso 20:27

ŋkpal manɛ so, m maŋ ta kusɔ nɛ Ebɔrɛ yili fanɛ e beeŋ wora na ŋ ŋana menyi so.

1 Kɔrintebi 11:23

Ŋkpal manɛ so, kusɔ nɛ n nya ashi Enyɛnpe kutɔ nɛ ma alɛ gba bee ta a sa menyi na fanɛ: Kanyɛ mo nɛ b daŋ debɔr Enyɛnpe Yesu na, e daŋ ta bodobodo nna

1 Kɔrintebi 4:4

Kashenteŋ nna fanɛ m maŋ wu kulubi kikɛ ma so, ama kumo be loŋ maa shin nɛ mee ji a lar. Enyɛnpe e naa ji ma demu.