Nɔmbɛs 9:2 - EBƆRƐ BE KAWƆL

^2-3 “Kufɔl juŋkparso ere be kachɛ kuduanasopo na be kaaseso a daga Israɛlebi na ka nyiŋi kebansonchoŋ be kejigboŋ na be mbraana kikɛ nseŋ m bɛ amo so n ji kumo.”

Nɔmbɛs 9:2 Iomraidhean Croise

2 Bewura 23:21

Ewura Josaya daŋ kaŋɛ Juda be efuli so ebi na nna fanɛ b baa ji kebansonchoŋ be kejigboŋ na nsaa maŋkura bumo Nyɛnpe bumo be Ebɔrɛ na fanɛ kananɛ mbra be kawɔl kaŋɛ na gbagba chap.

2 Kronikɛls 35:1

Ewura Josaya daŋ yili kumo nna fanɛ b ji kebansonchoŋ be kejigboŋ na ashi Jerusalɛm m maŋkura Enyɛnpe Ebɔrɛ na; nɛ b mɔ kejigboŋ na be kubɔlpo na kufɔl sososo na be nchɛ kuduana na.

Ɛzra 6:19

Juwebi be kebɛta m ba na be kufɔl juŋkparso na to be nchɛ kudu ana na nɛ b ji kebansonchoŋ be kejigboŋ na.

Levitikɔs 23:5

Kebansonchoŋ be kachɛ na la kachɛ nɛ menyeeŋ shɛr nna m bunyaŋ ma. K bee fara kufɔl juŋkparso na be kachɛ kudu ana na be kaaseso yululu nna.

Nɔmbɛs 28:16

Kufɔl juŋkparso na be kachɛ kuduanasopo kikɛ b baa ji kebansonchoŋ be kejigboŋ na a maŋkura Enyɛnpe Ebɔrɛ na.

Maak 14:12

Kachɛ nɛ b fara bodobodo nɛ a maŋ kɔ yiisi be Kejigboŋ na, kachɛ nɛ baa mɔ Kebansonchoŋ be kpakpafɔlbi a lara sarga na nɛ Yesu be bebɛsopo ba bishi mo: “Nnɛ nɛ fee sha fanɛ an ya bela ase n yili fo nɛ fo ba ji Kebansonchoŋ be ajibi na?”

Luuk 22:7

Ndoŋ nna nɛ bodobodo nɛ a maŋ kɔ yiisi na be kachɛ fo. Kumo be kamɔnchɛ nɛ baa mɔ Kebansonchoŋ be kpakpafɔlbi a lara sarga na.

Joshuwa 5:10

Kafɛ na to be kufɔl sososo na be kachɛ kuduanasopo na be kaaseso nɛ Israɛlebi na ji kebansonchoŋ be kejigboŋ na ashi bumo be keeyi to ashi Gilgaal nɛ k mata Jɛriko na.