Nɔmbɛs 9:12 - EBƆRƐ BE KAWƆL

¹² Ajibi na maŋ daga keyili ŋklade. Bumo alɛ e sa maŋ kaŋ bure kpakpafɔlbi na be kuwibi kama to. K daga fanɛ b bɛ kebansonchoŋ be mbra na so.

Nɔmbɛs 9:12 Iomraidhean Croise

Ɛksodɔs 12:10

Men sa maŋ kaŋ shin nɛ kare e chɛ eblaŋ na be kekama so. Men chɔɔ ekama nɛ meeŋ we ŋ ka.

Ɛksodɔs 12:43

Kamalga ere be kaman nɛ Enyɛnpe Ebɔrɛ kaŋɛ Mosis nɛ Ɛɛrɔn le: “Kebansonchoŋ be kejigboŋ na be mbraana nde: K maŋ daga efɔ kikɛ ka ji kumo.

Ɛksodɔs 12:46

Kumo alɛ daga fanɛ men baa shɛr laŋ kama to nɛ b wora ajibi na nna a ji amo. K maŋ daga fanɛ esa kama e ta ajibi na n lar laŋ na to. Menyi alɛ e sa maŋ kaŋ bure asɔbɔya nɛ men ta n wora kebansonchoŋ be ajibi na be awibi to.

Ɛksodɔs 12:8

K daga fanɛ b tɔ eblaŋ na edɛ to nna nseŋ ta amo nɛ bodobodo nɛ a maŋ kɔ yiisi nɛ epofantaŋ kekra n wea abar to n we.

Ɛksodɔs 40:38

Amoso saŋɛ nɛ Israɛlebi na daa wɔ bumo be enite to na, Ebɔrɛ be kuwɔlpa na daa buu Ebɔrɛ be wajɛbu na so kapaso kikɛ nna nsaa fulto edɛ kanyɛso malɛ kikɛ.

Baru lela nɛ Jɔn kute na 19:36

B ka daa maŋ buri Yesu be aya na daŋ wora loŋ nna nɛ abɔrɛsibɛ nɛ a bee kaŋɛ fanɛ: “Mbe kuwibi kama maaŋ bu to” na e bɔlɔ so.