Nɔmbɛs 8:21 - EBƆRƐ BE KAWƆL

²¹ Kumo be kaman nɛ Livaiebi na fɔrso n lar daŋkare be ekpa ŋ ki cheembi nseŋ fɔr bumo be asɔbuuso. Ndoŋ nna nɛ Ɛɛrɔn ta bumo m bɔɔ Enyɛnpe Ebɔrɛ na enɔ fanɛ kakɛ lela nɛ b nya alubi be ketampaŋ.

Nɔmbɛs 8:21 Iomraidhean Croise

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Levitikɔs 14:11

Saŋɛ na so bɔrɛmatapo na beeŋ keta mo nɛ mbe esarga be asɔ na kikɛ n yɔ wajɛbu na be kabuna ase

Nɔmbɛs 19:12

Ama e baaŋ ta nchu nɛ b ta kena peper na be nsunɔ n wea to na nna n fɔr mbe kumu so daŋkare be ekpa so kachɛ sasopo nɛ kachɛ shunusopo na. Nɛ e baa maŋ wora loŋ, e maaŋ ba walɛ so daŋkare be ekpa so.

Nɔmbɛs 19:19

Esa nɛ e walɛ so daŋkare be ekpa so na e naaŋ ta nchu na ŋ ŋmenyaŋ basa nɛ b wora eyurpi daŋkare be ekpa so na so kachɛ sasopo nɛ kushunusopo na. Loŋ be kachɛ shunusopo na, nɛ esa nɛ e maŋ walɛ so na e fɔr mbe epiŋi nseŋ bɛr pɔɛŋ n nyalɛ so kaaseso.

Nɔmbɛs 3:12

“Ŋ ka daŋ mɔ Ijiptebi na be ewurkoŋnyɛn na, n daŋ yili kumo nna fanɛ Israɛlebi be ewurkoŋnyɛn kikɛ nɛ bumo be asɔbɔya be ewurkoŋnyɛn la meya nna. Ama naniere bre Livaiebi na nɛ n lara fanɛ b tal Israɛlebi na be ewurkoŋnyɛn to. Amoso b la meya nna. Ma e la Enyɛnpe Ebɔrɛ na.”

Nɔmbɛs 8:15

Fo baŋ fɔr Livaiebi na so nseŋ ta bumo m bɔɔ ma enɔ n loge na pɔɛŋ, nɛ baaŋ tiŋ a shuŋ ashi wajɛbu na to.

Nɔmbɛs 8:20

Ndoŋ nna nɛ Mosis nɛ Ɛɛrɔn nɛ Israɛlebi na kikɛ ta Livaiebi na n bɔɔ Enyɛnpe Ebɔrɛ enɔ fanɛ kananɛ Enyɛnpe Ebɔrɛ kaŋɛ Mosis na gbagba.

Nɔmbɛs 8:22

Ade kikɛ be kaman nɛ basa na wora kusɔ kama nɛ Enyɛnpe Ebɔrɛ kaŋɛ Mosis fanɛ e kaŋɛ bumo kenishipereso a yɔ Livaiebi na be kaplɛa so na. Nɛ Livaiebi na fara a chɛ Ɛɛrɔn nɛ mbe mbinyɛnsobi to a shuŋ Enyɛnpe be wajɛbu na to.

Nɔmbɛs 8:7

Ale nɛ feeŋ wora: Feeŋ ta alubi be kefɔrso n lar daŋkare be ekpa so be nchu na ŋ ŋmenyaŋ bumo so, kumo be kaman nɛ fo shin nɛ b she bumo be eyur so be afuibi kikɛ nseŋ fɔr bumo be epiŋi pɔɛŋ nseŋ nyalɛ so daŋkare be ekpa so.