Nɔmbɛs 8:12 - EBƆRƐ BE KAWƆL

¹² Nɛ Livaiebi na e ta bumo be enɔana n deŋi deŋi egbolu anyɔ na so, kumo be kaman nɛ b ta kuko n lara alubi be ketampaŋ be sarga nseŋ ta kuko malɛ n lara sarga chɔɔso, saŋɛ na so Livaiebi na beeŋ fɔr so n lar daŋkare be ekpa so.

Nɔmbɛs 8:12 Iomraidhean Croise

Ɛksodɔs 29:10

Men baŋ mɛa bumo to n loge, a daga fanɛ men ta gbolu na m ba Enyɛnpe be wajɛbu na be kabuna to m ba shin nɛ Ɛɛrɔn nɛ mbe bibinyɛn na e ta bumo be enɔana n deŋi kumo be kumu so.

Levitikɔs 1:4

Esa nɛ e lara sarga na beeŋ ta mbe enɔ n deŋi gbolu na be kumu so, saŋɛ na so, k beeŋ baa la alubi be ketampaŋ be sarga n sa mo.

Levitikɔs 14:22

Mo alɛ beeŋ naŋ bar ali anyɔ ŋko elepɔ anyɔ, nɛ ekoŋwule e baa la kulubi be sarga peya nɛ ekoŋwule malɛ e baa la sarga chɔɔso peya.

Levitikɔs 16:11

Ɛɛrɔn kaŋ ta gbolu na n lara mo nɛ mbe kanaŋ be alubi be sarga n loge,

Levitikɔs 16:21

E beeŋ ta mbe enɔana n deŋi kaboe na be kumu so nseŋ malga kumukpakpaso nɛ kesheŋ kini be asheŋ lubi nɛ Israɛl be basa na wora kikɛ n laŋɛ amo kikɛ n deŋi kaboe na be kumu so. Kumo be kaman nɛ e shin nɛ esa ko e gberge kaboe na n yɔ kiyi to n ya lɛ nɛ k ta basa na be alubi a yɔ.

Levitikɔs 16:6

E beeŋ ta gbolu n lara mo nɛ mbe kanaŋ be alubi be ketampaŋ be sarga.

Levitikɔs 4:15

Efuli na be benimuana beeŋ ta bumo be enɔana n deŋi kusɔbɔya na be kumu so nseŋ mɔ kumo ndoŋ.

Levitikɔs 4:20

Kananɛ e baa wora egbolu nɛ baa ta a lara kulubi be esarga na nɛ e beeŋ wora gbolu ere gba, saŋɛ na so e beeŋ lara basa na be kulubi be sarga nɛ b nya ketampaŋ.

Levitikɔs 4:35

Kumo alɛ be kaman nɛ e lara kubolpɔ na be nfɔ kikɛ fanɛ kananɛ baa lara kusɔbɔya nɛ baa ta a lara kɔnɔkoŋwule be sarga be nfɔ na nseŋ ta amo n ti ajibi be sarga nɛ b bar m ba sa Enyɛnpe Ebɔrɛ na so n chɔɔ bɔrɛsure na so. Kananɛ bɔrɛmatapo na beeŋ lara esa be kulubi be sarga nɛ e nya ketampaŋ nna na.”

Levitikɔs 4:4

E beeŋ bar gbolu na wajɛbu na be kabuna ase m ba ta mbe enɔ n deŋi kumo be kumu so nseŋ mɔ kumo ndoŋ ashi Enyɛnpe Ebɔrɛ na be anishito.

Levitikɔs 5:7

Nɛ esa na maaŋ tiŋ n nya kubolpɔ ŋko kaboe, e bar elepɔ anyɔ ŋko ali anyɔ Enyɛnpe Ebɔrɛ na be anishito m ba lara mbe kulubi na be sarga. Baaŋ ta mbuibi na be ekoŋwule n lara kulubi be sarga nseŋ ta ekoŋwule malɛ n lara sarga chɔɔso.

Levitikɔs 8:14

Ade be kaman nɛ Mosis shin nɛ b bar gbolu fɔlbi nɛ baaŋ ta n lara kulubi be sarga na nɛ Ɛɛrɔn nɛ mbe mbinyɛnsobi na ta bumo be enɔana n deŋi kumo be kumu so.

Levitikɔs 8:15

Kumo be kaman nɛ Mosis mɔ kumo n suse ŋklaŋ na nseŋ ta mbe keshilbi n nyɔ amo to n do n do bɔrɛsure na be alambɛ ana na be nnɔso so nɛ k ki cheembi. Kumo be kaman nɛ e chulgi ŋklaŋ nɛ a ka na n wurge bɔrɛsure na be kaseto. Kananɛ e wora nɛ bɔrɛsure na ki cheembi nɛ b baa lara kulubi be esarga kumo so nna na.

Levitikɔs 8:18

Ade kikɛ be kaman nɛ Mosis shin nɛ b bar kpakpa nɛ baaŋ ta n lara sarga chɔɔso na, nɛ Ɛɛrɔn nɛ mbe mbinyɛnsobi na ta bumo be enɔana n deŋi kumo alɛ gba be kumu so.

Levitikɔs 8:34

Enyɛnpe Ebɔrɛ na e yili kumo fanɛ an wora kusɔ nɛ k wora kabre ere saŋɛ na so, menyeeŋ nya alubi be ketampaŋ.

Levitikɔs 9:7

Kumo be kaman nɛ Mosis naŋ kaŋɛ Ɛɛrɔn le: “Yɔ bɔrɛsure na ase n ya lara fo kumu so be sarga chɔɔso pɔɛŋ nseŋ lara kulubi be esarga ŋ kule fo nɛ basa na kikɛ be alubi be ketampaŋ fanɛ kananɛ Enyɛnpe Ebɔrɛ na yili kumo na.”

Nɔmbɛs 6:14

n ya ta asɔbɔya asa nɛ a maŋ kɔ ndulgi amo so n lara sarga n sa Enyɛnpe Ebɔrɛ. Baaŋ ta kpakpafɔlbi nɛ k fo kafɛ n lara sarga chɔɔso, n ta kubolpɔche nɛ k fo kafɛ n lara alubi be ketampaŋ be sarga nseŋ ta kpakpa nɛ k daŋ n yili n lara kɔnɔkoŋwule be sarga.

Nɔmbɛs 6:16

Bɔrɛmatapo na beeŋ ta kpakpafɔlbi na nɛ kebolpɔche na n lara alubi be ketampaŋ be sarga nɛ sarga chɔɔso n sa Enyɛnpe Ebɔrɛ.

Nɔmbɛs 8:13

“Shin nɛ Livaiebi na e yili Ɛɛrɔn nɛ mbe mbinyɛnsobi na be anishito nɛ b ta bumo m bɔɔ ma enɔ.

Nɔmbɛs 8:8

Kede be kaman nɛ fo shin nɛ b bar egbolu fɔlbi anyɔ nɛ ayu nyifu nɛ b ta ɔlif be ŋku m baga amo.

Hibruwebi 9:22

Kashenteŋto malɛ, mbra na bee ŋini fanɛ ŋklaŋ nɛ baa ta a fɔr asɔ be galeŋga so, nɛ ŋklaŋ malɛ baa maŋ lar, Ebɔrɛ be keta alubi m paŋ basa maŋ wɔtɔ.