Nɔmbɛs 8:11 - EBƆRƐ BE KAWƆL

¹¹ Kumo be kaman nɛ Ɛɛrɔn e ta Livaiebi na fanɛ kakɛ lela m bɔɔ ma enɔ nɛ b baa shuŋ ma kushuŋ.

Nɔmbɛs 8:11 Iomraidhean Croise

Ɛksodɔs 29:24

Men shin nɛ Ɛɛrɔn nɛ mbe bibinyɛn na e maŋ amo so ma, Enyɛnpe Ebɔrɛ na be anishito fanɛ kakɛ cheembi be sarga.

Levitikɔs 7:30

Mo gbagba be enɔ to nɛ e beeŋ keta kumo m ba fanɛ ayu be sargajibi na. E beeŋ bar kusɔbɔya na be nfɔ nɛ kumo be kagbene fanɛ sargagboŋ m ba sa Enyɛnpe Ebɔrɛ na.

Levitikɔs 7:34

Kusɔbɔya na be kagbene la kakɛgboŋ nna nɛ kumo be jisoso be kebɛaŋ na malɛ la kachige nɛ Enyɛnpe Ebɔrɛ na bee sɔ Israɛlebi na kutɔ a sa bɔrɛmatapoana na.”

Levitikɔs 8:27

nseŋ ta amo kikɛ m bɔɔ Ɛɛrɔn nɛ mbe mbinyɛnsobi na enɔ, nɛ b maŋ amo so esoso a ŋini fanɛ b ta amo nna a bɔɔ Enyɛnpe Ebɔrɛ na enɔ.

Levitikɔs 8:29

Ade be kaman nɛ Mosis maŋ kpakpa na be kagbene so a ŋini fanɛ k la kakɛgboŋ nna n sa Enyɛnpe Ebɔrɛ na. Kpakpa na be kagbene na daa la Mosis be kachige nna ashi sarga na to. Mosis daŋ wora kusɔ kama fanɛ kananɛ Enyɛnpe Ebɔrɛ na ŋini mo na nna.

Nɔmbɛs 6:20

Kumo be kaman nɛ bɔrɛmatapo na e sɔ amo n ya sa Enyɛnpe Ebɔrɛ fanɛ kakɛ lela nɛ k ki sarga cheembi na, nseŋ ta amo n ti kpakpa na be kagbene nɛ kebɛaŋ nɛ a la bɔrɛmatapo peya mbra be ekpa so na so. Kede be kaman, e maaŋ naa la esa nɛ e ta mbe kumu n yili n sa Enyɛnpe Ebɔrɛ na nawule nsaa beeŋ tiŋ a nuu nsa.

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.