Nɔmbɛs 7:2 - EBƆRƐ BE KAWƆL

² Ndoŋ nna nɛ Israɛl be yiri kuduanyɔ na be mbuna mbuna be bejuŋkparpoana nɛ b daŋ chɛ to ŋ karga basa na,

Nɔmbɛs 7:2 Iomraidhean Croise

1 Bewura 8:1

B ka pɔr bɔrɛlambu na n loge be kaman nɛ Ewura Sɔlɔmɔn shuŋi n tre bejuŋkparpoana na kikɛ nɛ Israɛl be eyiriana nɛ mbuna mbunaana be benimuana kikɛ fanɛ b ba shɛr Jerusalɛm n ta Enyɛnpe Ebɔrɛ be ŋkre be deka na ashi Zayɔn nɛ k la Deevid be kade to na n yɔ bɔrɛlambu na to.

2 Kronikɛls 35:8

Mbe benimuana na gba daŋ lara asɔbɔya nna n sa basa na nɛ bɔrɛmatapoana nɛ Livaiebi na. Hilkiya nɛ Zakareya nɛ Jehiɛl nɛ baa keni bɔrɛlambu na so na gba daŋ ta ekpakpafɔlbi nɛ mboe ŋgboŋ anyɔ nɛ alfa ashe nɛ egbolu alfa asa nna n sa bɔrɛmatapoana na fanɛ b ta n lara sarga kebansonchoŋ be kejigboŋ na be kachɛ na.

Ɛksodɔs 35:27

Bejuŋkparpoana na malɛ daŋ bar yawukpakpaso be ajembu be yiriyiri nɛ baa ta amo a mata bɔrɛmatapo nimuso be ɛfɔd nɛ mbe demuji be kɔlgu na so nna.

Nɔmbɛs 30:1

Le be keŋini ere nɛ Mosis daŋ ta n sa Israɛl be eyiri na be bejuŋkparpoana.

Nɔmbɛs 31:51

Nɛ Mosis nɛ Eliaza kikɛ sɔ shuwa be abitasɔ na ashi benapo na be benimu na kutɔ.