Nɔmbɛs 7:1 - EBƆRƐ BE KAWƆL

¹ Mosis ka yuu Enyɛnpe Ebɔrɛ be wajɛbu na n loge, nɛ e duga ŋku n do kumo so nseŋ ta kumo nɛ kumo be asɔ nɛ b kɔ a yuu kumo na nɛ bɔrɛsure na nɛ kumo be asɔ kikɛ m bɔɔ Enyɛnpe Ebɔrɛ na enɔ.

Nɔmbɛs 7:1 Iomraidhean Croise

Jɛnesis 2:3

Amoso Ebɔrɛ daŋ nɛfa kachɛ shunusopo na nna n yili fanɛ kachɛ cheembi, ŋkpal manɛ so, kumo be kachɛ na nɛ e wushi ashi mbe durnya be keto be ashuŋ to.

1 Bewura 8:64

Ewura Sɔlɔmɔn daŋ ta kelɔnɛ na be nferinto a mata bɔrɛlambu na be anishito ase na nna m bɔɔ Ebɔrɛ enɔ nseŋ lara sarga chɔɔso nɛ kɔnɔkoŋwuleso be sarga be asɔbɔya be nfɔ nɛ ajibi nɛ asɔnuuso be sarga. E daŋ wora loŋ nna ŋkpal danyaŋ be bɔrɛsure nɛ e daŋ pɔr bɔrɛlambu na be anishito na ka daa maŋ shibi ga nɛ b baa lara esarga na kikɛ kumo so so.

Ɛksodɔs 13:2

“Lara wurkoŋnyɛn kikɛ ashi Israɛlebi ere to nɛ e baa du cheembi a la meya. Dimɛdi ŋko kusɔbɔya be wurkoŋnyɛn, la meya nna.”

Ɛksodɔs 29:36

Nchɛnshunu na be karechɛ kama malɛ, men ta gbolu n lara alubi be ketampaŋ nɛ bɔrɛsure na be kefɔrso be sarga. Kumo be kaman nɛ men ta ɔlif be ŋku ŋ gbiti bɔrɛsure na so nɛ k ki cheembi.

Ɛksodɔs 40:11

Kede malɛ be kaman nɛ fo ta ŋku nɛfaso na ŋ ŋmenyaŋ katishaŋgboŋ na nɛ kumo be ketɔl gba so n ta amo m bɔɔ ma, Ebɔrɛ enɔ.

Nɔmbɛs 17:2

“Kaŋɛ Israɛlebi fanɛ bumo be nnaŋ kuduanyɔ na be kekama e wora bumo be ejuŋkparpo be kekpabi. Nɛ fo sibɛ ejuŋkparpo kama be ketre n deŋi mbe kekpabi so.

Nɔmbɛs 7:10

Kachɛ nɛ baa ta bɔrɛsure na a bɔɔ Ebɔrɛ enɔ na, bejuŋkparpoana na daŋ bar bumo be ŋkɛ nna nɛ b wora kumo.

Nɔmbɛs 7:84

Ŋkɛ nɛ bejuŋkparpo kuduanyɔ na daŋ ta m ba nɛ b wora bɔrɛsure na be keta m bɔɔ Enyɛnpe Ebɔrɛ enɔ na be kasheŋwora na be kananɛ a sa nde: Gbiti be eprete kuduanyɔ nɛ gbiti be ntishaŋgboŋ kuduanyɔ nɛ amo kikɛ be egbɛ ya yili kilo adunyɔ nɛ ashunu nɛ gbrɛbi nɛ shuwa be ntishaŋbi kuduanyɔ nɛ amo be egbɛ sa fanɛ kilo nɛ bargato nɛ b ta duwu n wɔtɔ amo to. Nɛ egbolu kudu anyɔ nɛ ekpakpa kudu anyɔ nɛ ekpakpafɔlbi nɛ b fo nfɛ koko kudu anyɔ n ta ayu be sargajibi n ti so n lara sarga chɔɔso. Nseŋ ta mboelote kudu anyɔ n lara alubi be sarga. Nseŋ ta egbolu adunyɔ nɛ ana nɛ ekpakpa adeshe nɛ mboelote adeshe nɛ ekpakpafɔlbi nɛ b fo nfɛ koko adeshe n lara kɔnɔkoŋwule be sarga.

Matiu 23:19

Betanpo ere, kakɛ na nɛ bɔrɛsure na, kumo e chɔ? Kakɛ na e chɔ ŋko bɔrɛsure nɛ k shin nɛ kakɛ na ki cheembi na e chɔ?