Nɔmbɛs 6:9 - EBƆRƐ BE KAWƆL

⁹ Nɛ fanɛ esa ko wu luwu purgiase bumo be eko be anishito gba nna, mbe emin tenteŋ nɛ a bee ŋini fanɛ b wɔtɔ nna n sa Enyɛnpe Ebɔrɛ nawule na e wora eyurpi daŋkare be ekpa so nseŋ daga fanɛ e she amo kumo be nchɛnshunu be kaman, saŋɛ na so e fɔr so n lar daŋkare be ekpa so.

Nɔmbɛs 6:9 Iomraidhean Croise

Ezikɛl 44:27

nseŋ yɔ bɔrɛlambu na be epunto be kelɔnɛ na to n ya lara sarga nɛ k beeŋ shin nɛ e nyalɛ so, saŋɛ na so e beeŋ naŋ tiŋ a shuŋ bɔrɛlambu na to. Ma, Enyɛnpetale Ebɔrɛ na, e kaŋɛ na.

Levitikɔs 14:8

Ade kikɛ be kaman, esa na beeŋ fɔr mbe asɔbuuso nseŋ she mbe emin kikɛ. Kumo be kaman nɛ e bɛr nchu pɔɛŋ nseŋ nyalɛ so daŋkare be ekpa so. B baŋ wora loŋ n loge, e beeŋ tiŋ m bɛta n yɔ keeyi na to, ama nchɛnshunu be kaman pɔɛŋ nɛ e beeŋ tiŋ n luri mo gbagba be wajɛbu to.

Levitikɔs 14:9

Kachɛ shunusopo na e beeŋ naŋ she mbe kumu nɛ katɔl nɛ anishi guŋgumbi nɛ mbe eyur so be afuibi kikɛ. Mo alɛ beeŋ naŋ fɔr mbe asɔbuuso nseŋ bɛr nchu pɔɛŋ nseŋ nyalɛ so.

Nɔmbɛs 6:18

Ade kikɛ be kaman nɛ esa nɛ e ta mbe kumu n yili n sa Enyɛnpe Ebɔrɛ nawule na e she mbe kumu ashi Enyɛnpe be wajɛbu na be kabuna to nseŋ ta emin na n wɔtɔ kɔnɔkoŋwule be sarga be edɛ na to n chɔɔ.

Nɔmbɛs 6:8

Ŋkpal manɛ so, jemanɛ nɛ b lara bumo be amu n yili fanɛ b wɔtɔ nna n sa Ebɔrɛ nawule na, b la Enyɛnpe Ebɔrɛ na peya nna.

Ashuŋ Shunso 18:18

Pɔɔl ka chena bekurgepoana na kutɔ ashi Kɔrint n wora nchɛnnyɔ nɛ e kela bumo nɛ mo nɛ Prisila nɛ Akwila luri ekuloŋgboŋ ko to m bɔla nchu so n yɔ Siriya. E daŋ nase kɔnɔ ashi Kɛŋkriya nna n sa Ebɔrɛ n shin nɛ b she mbe kumu pɔɛŋ nɛ e luri ekuloŋgboŋ to n yɔ.

Ashuŋ Shunso 21:27

Nchɛnshunu na ka taga to nɛ Eeshia be kasawule so be Juwebi ko wu Pɔɔl bɔrɛlambu na to nseŋ we n wɔtɔ jimaŋ na kikɛ nseŋ nyaŋ Pɔɔl

Ditɛronɔmi 21:12

Kumo ere e keta eche na n yɔ mbe laŋ to n ya shin nɛ e she mbe kumu nseŋ kuya mbe akuti so. Kumo be kaman nɛ eche na e chɛrga mbe asɔbuuso nɛ e dela m ba na nseŋ buu Israɛlebi be asɔbuuso.