Nɔmbɛs 6:3 - EBƆRƐ BE KAWƆL

³ maŋ daga fanɛ b nuu nsa kpakpaso be yiri kikɛ fanɛ amo nɛ b ta asɔrso nɛ baa tre greep n wora na. Bumo alɛ e sa maŋ kaŋ ji asɔrso nɛ baa tre greep na be awushiso ŋko amo be awɔlso gba.

Nɔmbɛs 6:3 Iomraidhean Croise

Levitikɔs 10:9

“Fo nɛ fo mbinyɛnsobi e sa maŋ kaŋ nuu yabra ŋko nsa booso be yiri kikɛ nseŋ ba luri wajɛbu na to kikɛ. Men baŋ wora loŋ menyeeŋ wu. Kede la mbra nna a dese n sa fo nɛ fo kaman to ebi kikɛ.

Eemɔs 2:11

Ma e lara men be mbinyɛnsobi ko ŋ ki anebiana, nseŋ lara menyi b mbrantiafɔlbi ko malɛ nɛ b ki Nazarinebi. Israɛlebi, manɛ kashenteŋ nna a? Ma Enyɛnpe Ebɔrɛ e malga na.

Eemɔs 2:12

Ama men nyaŋ Nazarinebi na nna nɛ baa nuu nsa nseŋ ju anebiana malɛ fanɛ b sa maŋ kaŋ malga abɔrɛsheŋ.

Nɔmbɛs 6:4

Bumo alɛ e sa maŋ kaŋ ji asɔrso na be kudebi ŋko kumo be kebi jemanɛ nɛ b wɔtɔ n sa Ebɔrɛ nawule na.

Luuk 1:15

Ŋkpal manɛ so, e beeŋ ba kaa la esagboŋ Enyɛnpe be anishito. Yili jemanɛ nɛ e wɔ mo nio be epun to, Kiyoyu Cheeŋ na e naaŋ bɔlɔ mo to. E ba koso e maaŋ nuu nsa be yiri kikɛ.

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

1 Tɛsalɔnikaebi 5:22

m barga menyi be amu ashi kulubi be yiri kikɛ to.

1 Timoti 5:23

Sa maŋ naa nuu nchu nawule, baa nuu waindibi be nsa gba gbrɛgbrɛ nɛ a baa chɛ fo epun to be alɔ.

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.

Demujipoana 13:14

A maŋ daga e ka ji kusɔ kama nɛ k beeŋ shi asɔrso nɛ baa tre greep na to kikɛ. E sa maŋ kaŋ nuu yabra ŋko nsa nɛ a bee boo. Mo alɛ e sa maŋ ji ajibi nɛ e la ekishi kikɛ. Asɔ nɛ ŋ kaŋɛ fanɛ e wora na nawule a daga fanɛ e baa wora.”

Demujipoana 13:4

Amoso baa da so nɛ fo maaŋ nuu yabra ŋko nsa nɛ a bee boo ŋko n ji ekishi be ajibi kikɛ.