Nɔmbɛs 6:2 - EBƆRƐ BE KAWƆL

² e kaŋɛ Israɛl be basa le: “Benyɛn ŋko beche kama nɛ baa sha keta bumo be amu m bɔɔ Enyɛnpe Ebɔrɛ enɔ a wɔtɔ n sa Ebɔrɛ nawule ŋ ki ‘Nazarin’ na,

Nɔmbɛs 6:2 Iomraidhean Croise

Ɛksodɔs 33:16

Nɛ fo maŋ tu anyi n yɔ, nuso nɛ esa beeŋ wora m pin ma nɛ fo basa be asheŋ ka bee par fo? Fo kebaawɔ anyi kutɔ e naaŋ shin nɛ an baa kɔr bomin kikɛ to ashi durnya ere to.”

Aŋasa 18:1

Kebaafɛ fo nawule be kumu so be asheŋ, nɛ kekini kesɔ esa pɔtɛ be nfɛra la kejimuni nɛ kawulisheŋ nna.

Jɛremaya 35:6

Ama le nɛ b daŋ kaŋɛ: “Anyi maa nuu yabra. An nananyɛn Jonadab nɛ e daa la Rekab pibinyɛn na daŋ kaŋɛ anyi fanɛ, anyi ŋko anyi be kaman to ebi be esa kama maŋ daga fanɛ e nuu yabra be yiri kikɛ.

Levitikɔs 20:26

Men baa du cheembi nsaa la n nawule be basa, ŋkpal manɛ so, ma, Enyɛnpe Ebɔrɛ na du cheembi nna. Ma alɛ e lara menyi n yili nɛ men baa kɔr efuli pɔtɛana be basa to, saŋɛ na so menyeeŋ baa la ma nawule peya.

Levitikɔs 27:2

e kaŋɛ Israɛlebi na le: “Nɛ b ta dimɛdi a tia kɔnɔ naseso a sa Enyɛnpe Ebɔrɛ na, le be amansherbi nɛ baaŋ tiŋ ŋ ka n sɔ esa na n yige.

Nɔmbɛs 30:3

Nɛ kasuŋgurbia nɛ e kraa wɔ mo tuto be laŋ to baŋ nase kɔnɔ n sa Enyɛnpe Ebɔrɛ na, ŋko n nase kɔnɔ fanɛ e beeŋ yige kusɔ ko be kewora,

Nɔmbɛs 6:1

Enyɛnpe Ebɔrɛ daŋ kaŋɛ Mosis nna fanɛ

Luuk 1:15

Ŋkpal manɛ so, e beeŋ ba kaa la esagboŋ Enyɛnpe be anishito. Yili jemanɛ nɛ e wɔ mo nio be epun to, Kiyoyu Cheeŋ na e naaŋ bɔlɔ mo to. E ba koso e maaŋ nuu nsa be yiri kikɛ.

Ashuŋ Shunso 18:18

Pɔɔl ka chena bekurgepoana na kutɔ ashi Kɔrint n wora nchɛnnyɔ nɛ e kela bumo nɛ mo nɛ Prisila nɛ Akwila luri ekuloŋgboŋ ko to m bɔla nchu so n yɔ Siriya. E daŋ nase kɔnɔ ashi Kɛŋkriya nna n sa Ebɔrɛ n shin nɛ b she mbe kumu pɔɛŋ nɛ e luri ekuloŋgboŋ to n yɔ.

Romebi 1:1

Kawɔl ere shi ma Pɔɔl nɛ n la Kristo Yesu be kenya na kutɔ nna. Ebɔrɛ e tre ma nseŋ lara ma ashi ma basa to n shin nɛ ŋ ki mbe eshuŋipo nɛ m ba kaa bɔ mbe baru lela na.

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

Galeeshaebi 1:15

Ama ŋkpal Ebɔrɛ be kuwɔr be kakɛ na so e lara ma nseŋ tre ma nna pɔɛŋ gba nɛ b kurge ma nɛ m ba shuŋ mo.

Hibruwebi 7:27

Mo alɛ maŋ du fanɛ bɔrɛmatapo nimusoana nɛ b daa wɔtɔ a lara esarga kachɛ kama ŋkpal bumo gbagba be alubi so pɔɛŋ nseŋ daa lara esarga ŋkpal basa pɔtɛ malɛ be alubi so na. Mo ere, sarga koŋwule kpeiŋ nɛ e baŋ lara n sa basa kikɛ saŋɛ nɛ e daŋ ta mbe kumu n sa fanɛ sarga na.

Demujipoana 13:14

A maŋ daga e ka ji kusɔ kama nɛ k beeŋ shi asɔrso nɛ baa tre greep na to kikɛ. E sa maŋ kaŋ nuu yabra ŋko nsa nɛ a bee boo. Mo alɛ e sa maŋ ji ajibi nɛ e la ekishi kikɛ. Asɔ nɛ ŋ kaŋɛ fanɛ e wora na nawule a daga fanɛ e baa wora.”

Demujipoana 13:4

Amoso baa da so nɛ fo maaŋ nuu yabra ŋko nsa nɛ a bee boo ŋko n ji ekishi be ajibi kikɛ.

Demujipoana 13:5

Fo kaŋ kurge fo pibinyɛn na, mbe emin maŋ daga keshɛ kikɛ. E beeŋ baa la esa nɛ baaŋ baa tre Nazarin na nna, ŋkpal manɛ so, yili kachɛ nɛ feeŋ kurge mo na n ya fo kachɛ nɛ e beeŋ wu, e beeŋ baa la esa nɛ b ta m bɔɔ Enyɛnpe Ebɔrɛ na enɔ nna. Mo e naaŋ fara Israɛl be basa be kenya kumɔlga ashi Filisti be basa be enɔ to.”

Demujipoana 16:17

nɛ e gben ŋ kaŋɛ mo kashenteŋ na. E yɛ: “B ka kurge ma kikɛ b maŋ naŋ she ma emin ere. Ŋkpal manɛ so, n la Nazarin be esa nna nɛ b ta ma m bɔɔ Ebɔrɛ enɔ. Kachɛ nɛ b baaŋ she ma emin ere nɛ ma alɛ be eleŋ beeŋ lar ma to nɛ ŋ ki esa pɔso fanɛ dimɛdi kikɛ.”

1 Samuɛl 1:28

Amoso mee ta mo nna a sa Enyɛnpe Ebɔrɛ nɛ e ba la mo ere Enyɛnpe Ebɔrɛ be kayɛrbi mbe ŋkpa to kikɛ.” Ndoŋ nna nɛ b bunyaŋ Enyɛnpe Ebɔrɛ na.