Nɔmbɛs 5:9 - EBƆRƐ BE KAWƆL

⁹ Sarga cheembi kama nɛ Israɛlebi na bar Enyɛnpe Ebɔrɛ na la bɔrɛmatapoana na peya nna.

Nɔmbɛs 5:9 Iomraidhean Croise

Ɛksodɔs 29:28

Saŋkama nɛ menyi, ma basa Israɛlebi baŋ mɔ kusɔbɔya n lara kɔnɔkoŋwule be sarga, kusɔbɔya na be kagbene nɛ kebɛaŋ la Ɛɛrɔn nɛ mbe bibinyɛn peya nna. Loŋ be eblaŋ na la meya nna, ama bɔrɛmatapoana e naaŋ baa ji amo hale mbaanaayɔ.

Levitikɔs 10:13

Men baa ji kumo kakpa cheembi, ŋkpal manɛ so, k la menyi nɛ men be mbinyɛnsobi be kachige nna ashi ayu be sargajibi nɛ baa lara a sa Enyɛnpe Ebɔrɛ na nna. Kusɔ nɛ Enyɛnpe Ebɔrɛ na yili n sa ma nna na.

Levitikɔs 10:14

Ama menyi nɛ men be mbinyɛnsobi nɛ bechesobi kikɛ beeŋ tiŋ n we asɔbɔya be ŋgbene nɛ ebɛaŋ nɛ baa maŋ so awɔlto a ŋini fanɛ a la kakɛgboŋ nna n sa Enyɛnpe Ebɔrɛ na nsaa la bɔrɛmatapoana be kachige na. Men baa we amo kakpa cheembi, ŋkpal manɛ so, a la menyi nɛ men be mbia be kachige nna ashi Israɛlebi be kɔnɔkoŋwule be esarga to.

Levitikɔs 10:15

Baaŋ ta kagbene na nɛ kebɛaŋ na n ti nfɔana na so m ba jemanɛ nɛ b kɔ amo a ba nɛ b ba lara sarga n sa Enyɛnpe Ebɔrɛ na. Le be ejikpaana ere la menyi nɛ men be mbia peya nna hale mbaanaayɔ, fanɛ kananɛ Enyɛnpe Ebɔrɛ na yili kumo na.”

Levitikɔs 6:26

Bɔrɛmatapo nɛ e beeŋ lara kumo na beeŋ we kumo be eblaŋ na ashi wajɛbu na be kelɔnɛ nɛ k la kakpa cheembi na so.

Levitikɔs 7:32

Kɔnɔkoŋwule be sarga be kusɔbɔya na be jisoso be kebɛaŋ na la kachige nɛ k bee yɔ

Levitikɔs 7:34

Kusɔbɔya na be kagbene la kakɛgboŋ nna nɛ kumo be jisoso be kebɛaŋ na malɛ la kachige nɛ Enyɛnpe Ebɔrɛ na bee sɔ Israɛlebi na kutɔ a sa bɔrɛmatapoana na.”

Nɔmbɛs 18:19

Baŋ yili kabre a yɔ, sarga cheembi kama nɛ Israɛlebi na lara n sa ma ki fo nɛ fo mbinyɛnsobi nɛ mbichesobi peya mbaanaayɔ. Kɔnɔ nɛ n sa fo nɛ fo kaman to ebi nna na, kumo alɛ maaŋ chɛrga kikɛ.”

Nɔmbɛs 31:41

Ndoŋ nna nɛ Mosis bɛ kusɔ nɛ Enyɛnpe Ebɔrɛ ŋini mo na gbagba so n ta asɔ nɛ a la Enyɛnpe Ebɔrɛ peya na n sa Eliaza.

Nɔmbɛs 5:8

Ama nɛ esa nɛ b wora n da so na wu nna nsaa maa kɔ ekurgepo kama nɛ baaŋ ka kukɔ na n sa, kumo ere asɔ na ki Enyɛnpe Ebɔrɛ peya na nna na nseŋ daga fanɛ b ta kpakpa nɛ baaŋ ta n lara alubi be ketampaŋ be sarga n ti amo so ŋ ka n sa bɔrɛmatapo na pɔɛŋ nɛ esa na e nya alubi be ketampaŋ.

Ditɛronɔmi 12:26

Menyeeŋ baa ta menyi be esarga nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na a yɔ kakpa koŋwule nɛ e beeŋ lara n yili fanɛ men baa shuŋ mo na nna.