Nɔmbɛs 5:8 - EBƆRƐ BE KAWƆL

⁸ Ama nɛ esa nɛ b wora n da so na wu nna nsaa maa kɔ ekurgepo kama nɛ baaŋ ka kukɔ na n sa, kumo ere asɔ na ki Enyɛnpe Ebɔrɛ peya na nna na nseŋ daga fanɛ b ta kpakpa nɛ baaŋ ta n lara alubi be ketampaŋ be sarga n ti amo so ŋ ka n sa bɔrɛmatapo na pɔɛŋ nɛ esa na e nya alubi be ketampaŋ.

Nɔmbɛs 5:8 Iomraidhean Croise

2 Bewura 12:16

B daa maa ta amansherbi nɛ b ta n lara alubi be ketampaŋ nɛ kejintɔr be esarga na bre a wɔtɔ bɔrɛlambu be amansherbi be deka na to. B daa ta amo ere nna a sa bɔrɛmatapoana na.

Levitikɔs 5:16

Esa na daga fanɛ e ka kukɔ nɛ b ku n sa mo na, nɛ kumo be ntuŋ nuso to be katuŋ koŋwule n ti so, n sa Enyɛnpe Ebɔrɛ na. Bɔrɛmatapo na nɛ e beeŋ ka amo n sa, nɛ mo alɛ e yili mbe katelamu to n ta kusɔbɔya na n lara kulubi be sarga nɛ e nya ketampaŋ.

Levitikɔs 6:5

ŋko kusɔ nɛ e ku efɛ m bɔ ntaŋ fanɛ e maŋ wu na n ya sa kusɔwura nseŋ ka kumo be ntuŋ nuso to be katuŋ koŋwule n ti so.

Levitikɔs 7:7

Mbra koŋwule e deŋ kulubi be sarga nɛ kewora n jija be sarga na kikɛ so. Kumo be eblaŋ la bɔrɛmatapoana nɛ baa yili basa be katelamu to a lara amo na peya nna.

Nɔmbɛs 5:7

Amoso amodoŋwura daga fanɛ e bugi to ŋ kaŋɛ mbe kulubi nseŋ ka esa nɛ e wora n da so na be kusɔ kama nɛ e jija nɛ kumo kalfa to be adunyɔ so n ti so na n tal to.

Nɔmbɛs 5:9

Sarga cheembi kama nɛ Israɛlebi na bar Enyɛnpe Ebɔrɛ na la bɔrɛmatapoana na peya nna.