Nɔmbɛs 5:7 - EBƆRƐ BE KAWƆL

⁷ Amoso amodoŋwura daga fanɛ e bugi to ŋ kaŋɛ mbe kulubi nseŋ ka esa nɛ e wora n da so na be kusɔ kama nɛ e jija nɛ kumo kalfa to be adunyɔ so n ti so na n tal to.

Nɔmbɛs 5:7 Iomraidhean Croise

Nshɛ 32:5

Nɛ n tuba nseŋ kaŋɛ fo ma alubi kikɛ. M maŋ naŋ ta kulubi kikɛ n ŋana; nɛ fo ta ma alubi kikɛ m paŋ ma.

Aŋasa 28:13

Esa kama nɛ e bee ta mbe alubi a ŋana maaŋ yɔ anishito kikɛ, ama Ebɔrɛ beeŋ wu esa nɛ e bee bugi to a kaŋɛ mbe alubi nsaa tuba a lar amo to bre kuwɔr.

Levitikɔs 26:40

Ama nɛ menyi be kaman to ebi beeŋ tuba ashi bumo gbagba nɛ bumo nananyɛnana be alubi nɛ b wora ŋkpal b ka daŋ maŋ sa ma kashuli nseŋ nyaŋɛ to n wɔtɔ ma,

Levitikɔs 26:41

nɛ ma alɛ gba kilgi n tu bumo nseŋ shin nɛ b pɛ bumo anya n yɔ bumo doŋana be efuli so na. To, nɛ b chɛrga bumo be ŋgbene nseŋ fara a wora kusɔ nɛ k daga bre,

Levitikɔs 5:15

“Nɛ esa maŋ ka asɔ cheembi nɛ a daga e ka n sa Enyɛnpe Ebɔrɛ na ŋkpal e ka maŋ nyi so, e wora n da so nna na. Amodoŋwura beeŋ bar kpakpa nɛ k maŋ kɔ ndulgi kikɛ ŋko bɔrɛmatapo na beeŋ ku kukɔ n sa mo nɛ e ka nɛ b ta n tɔ kakpa na.

Levitikɔs 5:16

Esa na daga fanɛ e ka kukɔ nɛ b ku n sa mo na, nɛ kumo be ntuŋ nuso to be katuŋ koŋwule n ti so, n sa Enyɛnpe Ebɔrɛ na. Bɔrɛmatapo na nɛ e beeŋ ka amo n sa, nɛ mo alɛ e yili mbe katelamu to n ta kusɔbɔya na n lara kulubi be sarga nɛ e nya ketampaŋ.

Levitikɔs 5:5

Esa kama nɛ e wora n da so ashi asheŋ ere be kekama to daga e tuba kulubi na to

Levitikɔs 7:7

Mbra koŋwule e deŋ kulubi be sarga nɛ kewora n jija be sarga na kikɛ so. Kumo be eblaŋ la bɔrɛmatapoana nɛ baa yili basa be katelamu to a lara amo na peya nna.

Nɔmbɛs 5:8

Ama nɛ esa nɛ b wora n da so na wu nna nsaa maa kɔ ekurgepo kama nɛ baaŋ ka kukɔ na n sa, kumo ere asɔ na ki Enyɛnpe Ebɔrɛ peya na nna na nseŋ daga fanɛ b ta kpakpa nɛ baaŋ ta n lara alubi be ketampaŋ be sarga n ti amo so ŋ ka n sa bɔrɛmatapo na pɔɛŋ nɛ esa na e nya alubi be ketampaŋ.

Luuk 19:8

Nɛ Zakiyes niŋi to n yili nseŋ kaŋɛ Enyɛnpe le: “Enyɛnpe, keni, meeŋ barga ma asɔ to ntuŋ anyɔ so n ta barga to ko ŋ kɛ betirpo, nɛ esa kama malɛ nɛ m puni, meeŋ leŋi amodoŋwura be kusɔ na ntuŋ nna n sa mo.”

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”