Nɔmbɛs 4:5 - EBƆRƐ BE KAWƆL

⁵ Enyɛnpe Ebɔrɛ daŋ kaŋɛ Mosis nna fanɛ nɛ b kaa shin nɛ b kaa bumo be keeyi to, b shin nɛ Ɛɛrɔn nɛ mbe mbinyɛnsobi e luri n saŋɛ patisa nɛ k kuŋ ŋkre be deka nɛ k wɔ kakpa cheembi na nɛ wajɛbu to na nseŋ ta kumo m buu deka na so.

Nɔmbɛs 4:5 Iomraidhean Croise

1 Kronikɛls 15:15

Livaiebi na daa ta ndibi tentembi nna a wɔtɔ kumo to a maŋ so a deŋi bumo be abatimu so a sulɔ fanɛ kananɛ Enyɛnpe Ebɔrɛ baaŋ kaŋɛ Mosis na gbagba.

1 Kronikɛls 23:26

Amoso Livaiebi na maaŋ naa sulɔ Enyɛnpe Ebɔrɛ be wajɛbu na nɛ asɔ nɛ b kɔ ashuŋ kumo to na a nite.

2 Kronikɛls 3:14

Ago be kechɛbi nɛ achɛbi ko nɛ b nyɔ amo buru nɛ apeper kpaw nɛ apeper kunɔkunɔ nɛ b jɔ emalaika be ndulgi n deŋi so na nɛ b ta n lɔŋɛ patisa ŋ kuŋ acheembiana be kakpa cheembi na be kabuna to.

Ɛksodɔs 36:35

Ade kikɛ be kaman nɛ b ta ejese nɛ a la buru nɛ apeper kpaw nɛ apeper kunɔkunɔ nɛ ago be ejese lela mɔlmɔlbi n lue patisa nseŋ shin nɛ esa nɛ e nyi kajɔ ta kebasibi nɛ jese n jɔ n jɔ chɛrubim na n deŋi n deŋi epatisa na so.

Ɛksodɔs 40:3

nseŋ ta kɔnɔkoŋwule be ŋkre be deka nɛ mbra kudu na wɔtɔ na n yili kumo to n ta patisa kuŋso na ŋ kuŋ kumo so.

Ɛksodɔs 40:5

Kumo be kaman nɛ fo ta shuwa be bɔrɛsure nɛ baa chɔɔ duwu kumo so na m ba yili kɔnɔkoŋwule be ŋkre be deka na be anishito nseŋ ta patisa ŋ kuŋ Ebɔrɛ be wajɛbu na be kabuna.

Aizaaya 25:7

Kebee ere so nɛ Enyɛnpe Ebɔrɛ na beeŋ lara kagbenejija nɛ k du fanɛ awɔlpa a buu efuliana na kikɛ so na.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Nɔmbɛs 10:14

Juda be yiri nɛ eyiri nɛ b chena m mata bumo na e daŋ ta bumo be etuuta n juŋkpar n lar. Aminadab pibinyɛn Naashɔn e daa la bumo be benapo be ejuŋkparpo.

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Nɔmbɛs 4:4

Kohafebi na be kushuŋ e la kebaakeni asɔ cheembi nɛ a wɔ Enyɛnpe be wajɛbu na to so.

Nɔmbɛs 7:9

Ama Mosis daa maŋ sa Kohafebi na bre asɔ na be kekama, ŋkpal manɛ so, abatimu so e daga fanɛ bumo ere e baa sulɔ asɔ cheembi nɛ baa keni so na.

Matiu 27:51

Ndoŋ nna nɛ bɔrɛlambu na to be patisa na yili kumo be esoso n chaŋɛ to m ba kaseto. Nɛ kasawule gbuŋgbuŋ to nɛ afalta baŋɛ m baŋɛ to.

Ditɛronɔmi 31:9

Mosis daŋ sibɛ Ebɔrɛ be mbra na nna n wɔtɔ kawɔl to nseŋ ta kumo n sa Israɛl be bejuŋkparpoana na nɛ bɔrɛmatapoana nɛ b shi Livai be yiri to nsaa keni Enyɛnpe Ebɔrɛ na be kɔnɔkoŋwule be ŋkre be deka so na.

Hibruwebi 10:20

Mo e bugi ekpa popɔr, ŋkpa be ekpa n sa anyi. E bɔla patisa na to nna, kumo e la fanɛ mbe eyur na to nna n wora loŋ.

Hibruwebi 9:3

Patisa nyɔsopo ko malɛ daa wɔtɔ nɛ fo baŋ baŋ kumo so, fee luri ebu mo nɛ baa tre acheembiana to be kakpa cheembi na to nna.

1 Samuɛl 6:19

Enyɛnpe Ebɔrɛ daŋ mɔ Bɛf Shimɛsh be benyɛn adushunu kikɛ nna ŋkpal b ka jule ŋ keni ŋkre be deka na to so. Nɛ basa na shu keeli ga ŋkpal basa damta nɛ Enyɛnpe Ebɔrɛ mɔ na so.