Nɔmbɛs 4:14 - EBƆRƐ BE KAWƆL

¹⁴ Ade kikɛ be kaman nɛ b ta asɔ nɛ b kɔ a chɔɔ edɛ na, nɛ anyembi chule eblaŋ na, nɛ shabɔl nɛ ntishaŋgboŋ nɛ b kɔ a shuŋ bɔrɛsure na ase na kikɛ n deŋi wajɛ peper na so, nseŋ ta kusɔbɔya be kawɔl lela m parga m buu amo so pɔɛŋ nseŋ ta ndibi nɛ baa ta a wɔtɔ kumo to a sulɔ na n wɔtɔ amo be kakpa.

Nɔmbɛs 4:14 Iomraidhean Croise

2 Kronikɛls 4:19

Ewura Sɔlɔmɔn daŋ ta shuwa nna n ji asɔ nɛ a wɔ bɔrɛlambu na to kebita. Amo e la, bɔrɛsure na nɛ eteebɔl nɛ baa ta ebodobodo a deŋi so a sa Ebɔrɛ na;

Ɛksodɔs 27:1

Kede be kaman nɛ men naŋ ta akasiadibi n lɔŋɛ bɔrɛsure n shin nɛ kumo be nteŋ to nɛ kumo be mparto kikɛ e baa sasa nsaa la ayadra ashunu nɛ bargato, nɛ kumo be jeŋgreŋ malɛ e baa la ayadra ana nɛ bargato.

Ɛksodɔs 27:3

Kumo be kaman nɛ men ta danyaŋ n lɔŋɛ asɔ nɛ b kɔ a shuŋ kumo so fanɛ nsunɔ be mpuliya nɛ eshabɔl nɛ ntishaŋgboŋ, nɛ kusɔ nɛ baa ta a chule eblaŋ nɛ kusɔ chɔ edɛ.

Nɔmbɛs 4:13

A daga fanɛ b muu nsunɔ na ashi danyaŋ be bɔrɛsure na so pɔɛŋ nseŋ ta wajɛ peper kunɔkunɔ m parga m buu kumo so.

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Nɔmbɛs 4:6

Kumo be kaman nɛ b ta kusɔbɔya be kawɔl lela m parga m buu kumo so, nseŋ parga wajɛ nɛ k la buru gbagba n deŋi so n ti so pɔɛŋ nseŋ ta ndibi nɛ baa pɛ to a sulɔ kumo na n yisi n wɔtɔ amo be kakpa.