Nɔmbɛs 4:12 - EBƆRƐ BE KAWƆL

¹² Kumo be kaman nɛ b ta wajɛ buru m buu asɔjito nɛ b kɔ a shuŋ kakpa cheembi na to na so nseŋ ta kusɔbɔya be kawɔl lela m buu so n ti so pɔɛŋ n ta amo n deŋi kusɔ sulɔ asɔ na so.

Nɔmbɛs 4:12 Iomraidhean Croise

1 Kronikɛls 9:28

Livaiebi na be beko be kushuŋ e daa la kebaakeni ntishaŋ nɛ b kɔ a shuŋ Enyɛnpe Ebɔrɛ be bɔrɛlambu to na so. Pɔɛŋ nɛ b ta amo n shuŋ, baa karga amo nna. B naŋ ta amo n shuŋ n loge, nɛ b naŋ karga amo pɔɛŋ nseŋ ta amo n ya yili.

1 Kronikɛls 9:29

Bumo be beko malɛ e naa keni bɔrɛlambu na be asɔ cheembi nɛ b kɔ a shuŋ kumo to na, nɛ kumo to be nyifu nɛ nsa nɛ ɔlif be ŋku nɛ duwu nɛ asɔ nɛ a bee shin nɛ ajibi bee wora ebel na kikɛ so.

2 Kronikɛls 4:11

Hiram e daŋ lɔŋɛ mpuliya nɛ eshabɔl nɛ ntishaŋ. Asɔ nɛ e daŋ nase kɔnɔ n sa ewura Sɔlɔmɔn fanɛ e beeŋ lɔŋɛ n sa bɔrɛlambu na nseŋ lɔŋɛ amo n loge na be ako e daa la, Eshabɔrɛ anyɔ na nɛ amo be ebuuso nɛ a deŋ amo be esoso na, nɛ Asɔ nɛ b chaŋ fanɛ ŋgbɛlɛbi nɛ a mɛa abar n deŋ shabɔrɛ na be kekama so na nɛ asɔ alfa ana nɛ a du fanɛ asɔrso kulkulbi nɛ baa tre amo pomegranates nɛ b ta danyaŋ n lɔŋɛ n deŋi eshabɔrɛ na be kekama so na; nɛ eturko kudu nɛ ebɔtɛ kudu na, nɛ katishaŋgboŋ nɛ baa tre teku na, nɛ edanyaŋ be egbolu kuduanyɔ nɛ katishaŋgboŋ na yil so na, nɛ mpuliya nɛ eshabɔl nɛ ntoe chɛgato na. Huram nɛ e kɔ enɔ to be kushuŋ be kenyi ga na e daŋ lɔŋɛ asɔ ere kikɛ. Danyaŋ nɛ k bee nyɛpkɛso nɛ b daŋ ta n lɔŋɛ amo fanɛ b ta a shuŋ ashi Enyɛnpe Ebɔrɛ be bɔrɛlambu na to fanɛ kananɛ ewura Sɔlɔmɔn ŋini fanɛ b wora na gbagba.

2 Kronikɛls 4:19

Ewura Sɔlɔmɔn daŋ ta shuwa nna n ji asɔ nɛ a wɔ bɔrɛlambu na to kebita. Amo e la, bɔrɛsure na nɛ eteebɔl nɛ baa ta ebodobodo a deŋi so a sa Ebɔrɛ na;

2 Kronikɛls 4:22

nɛ asɔ nɛ baa ta a duŋ efitila na nɛ ntishaŋ nɛ eduwu be mba nɛ asɔ nɛ b kɔ a chɔɔ edɛ na. Shuwa lela nɛ b daŋ ta n lɔŋɛ asɔ ere kikɛ. Shuwa nɛ b daŋ ta m mata m mata bɔrɛlambu na be kowushina be akuloŋana nɛ kumo be acheembiana to be ebu cheembi na be akuloŋana na so kikɛ.

Ɛksodɔs 25:5

nɛ kpakpa be kawɔl nɛ b nyɔɔ kepeper nɛ churu be kawɔl nɛ b gbiti nɛnɛ nɛ kedibi nɛ baa tre akasia na

Ɛksodɔs 25:9

A daga fanɛ men yuu kumo nseŋ lɔŋɛ kumo kananɛ meeŋ ŋini fo na gbagba chap.”

Ɛksodɔs 31:10

nɛ bɔrɛmatapo nimuso Ɛɛrɔn nɛ mbe bibinyɛn be asɔbuuso cheembi nɛ baa buu saŋkama a shuŋ kabɔrɛmata be kushuŋ na

Nɔmbɛs 3:8

Livaiebi na e naaŋ baa keni Enyɛnpe be wajɛbu na nɛ asɔ nɛ a wɔ kumo to kikɛ so a sa Israɛlebi na kikɛ.

Nɔmbɛs 4:11

Kumo alɛ be kaman nɛ b parga wajɛ buru n deŋi shuwa be bɔrɛsure na so nseŋ ta kusɔbɔya be kawɔl lela m parga m buu kumo so n ti so pɔɛŋ nseŋ ta ndibi nɛ baa ta a sulɔ kumo na n wɔtɔ amo be kakpa.

Nɔmbɛs 4:13

A daga fanɛ b muu nsunɔ na ashi danyaŋ be bɔrɛsure na so pɔɛŋ nseŋ ta wajɛ peper kunɔkunɔ m parga m buu kumo so.

Nɔmbɛs 4:6

Kumo be kaman nɛ b ta kusɔbɔya be kawɔl lela m parga m buu kumo so, nseŋ parga wajɛ nɛ k la buru gbagba n deŋi so n ti so pɔɛŋ nseŋ ta ndibi nɛ baa pɛ to a sulɔ kumo na n yisi n wɔtɔ amo be kakpa.

Nɔmbɛs 4:7

Kede be kaman nɛ Ɛɛrɔn nɛ mbe mbinyɛnsobi na e naŋ ta wajɛ nɛ k la buru m parga m buu Enyɛnpe Ebɔrɛ be teebɔl nɛ baa ta bodobodo cheembi nɛ duwu be ntishaŋ, nɛ ntishaŋ nɛ baa ta sarga be asɔ a wɔtɔ na, nɛ ekɔlba nɛ baa ta sarga be yabra belbelso a wɔtɔ a bɛ so na so. A daga fanɛ bodobodo e baa wɔ loŋ be teebɔl na so saŋkikɛ.

Nɔmbɛs 4:9

A daga fanɛ b ta wajɛ buru m buu kefitilatɔl na nɛ kumo be ayabi nɛ asɔ nɛ baa ta a lɔŋɛ kefitilatɔl na so nɛ epelɛlɛ, nɛ ɔlif be ŋku be ekɔlba na so.