Nɔmbɛs 4:11 - EBƆRƐ BE KAWƆL

¹¹ Kumo alɛ be kaman nɛ b parga wajɛ buru n deŋi shuwa be bɔrɛsure na so nseŋ ta kusɔbɔya be kawɔl lela m parga m buu kumo so n ti so pɔɛŋ nseŋ ta ndibi nɛ baa ta a sulɔ kumo na n wɔtɔ amo be kakpa.

Nɔmbɛs 4:11 Iomraidhean Croise

Ɛksodɔs 39:38

nɛ shuwa gbagba be bɔrɛsure na nɛ ŋku nɛfaso nɛ duwu nɛ amo be efɛa wɔ ebel na nɛ wajɛbu na be kabuna to be patisa na

Ɛksodɔs 40:5

Kumo be kaman nɛ fo ta shuwa be bɔrɛsure nɛ baa chɔɔ duwu kumo so na m ba yili kɔnɔkoŋwule be ŋkre be deka na be anishito nseŋ ta patisa ŋ kuŋ Ebɔrɛ be wajɛbu na be kabuna.

Nɔmbɛs 4:10

Kede be kaman nɛ b ta kusɔbɔya be kawɔl lela m buu amo kikɛ nyam so nseŋ ta kumo n deŋi kusɔ sulɔ asɔ so.

Nɔmbɛs 4:12

Kumo be kaman nɛ b ta wajɛ buru m buu asɔjito nɛ b kɔ a shuŋ kakpa cheembi na to na so nseŋ ta kusɔbɔya be kawɔl lela m buu so n ti so pɔɛŋ n ta amo n deŋi kusɔ sulɔ asɔ na so.

Nɔmbɛs 4:6

Kumo be kaman nɛ b ta kusɔbɔya be kawɔl lela m parga m buu kumo so, nseŋ parga wajɛ nɛ k la buru gbagba n deŋi so n ti so pɔɛŋ nseŋ ta ndibi nɛ baa pɛ to a sulɔ kumo na n yisi n wɔtɔ amo be kakpa.

Kelaraŋŋini 8:3

Nɛ malaika ko malɛ ka kɔ shuwa be kusɔjɔduwu to m ba yili bɔrɛsure na akpa. B daŋ ta duwu damta ko nna fanɛ e ta n wea Ebɔrɛ be basa be kabɔrɛkuleana to n ta m ba deŋi shuwa be bɔrɛsure na so ashi kuwurputi na be anishito.