Nɔmbɛs 32:1 - EBƆRƐ BE KAWƆL

¹ Ruben nɛ Gad be eyiriana nɛ b kɔ asɔbɔya ga na ka wu fanɛ Jeeza nɛ Giliad be kasawule na kɔ ana nɛ mbolpɔ nɛ mboe be ejikpa lela,

Nɔmbɛs 32:1 Iomraidhean Croise

Jɛnesis 13:2

Eebram daa la damawura nna kashenteŋto nseŋ daa kɔ mbolpɔ nɛ mboe nɛ ana nɛ shuwa nɛ gbiti.

Jɛnesis 13:5

Lɔt gba daŋ keta mbe mbolpɔ nɛ mboe nɛ ana nɛ mbe kanaŋ nna n tu Eebram n yɔ.

Jɛnesis 29:32

Amoso Lia daŋ di kedampo nna ŋ kurge ebinyɛn nseŋ kaŋɛ le: “Enyɛnpe na wu ma kagbenejija nseŋ chɛ ma to, amoso naniere bre ŋ kul beeŋ baa sha ma.” Ŋkpal loŋ so nɛ e nase kebia na Ruben.

Jɛnesis 47:4

An ba nfe nna nɛ an ba kaa wɔ nfe n ya fo saŋko. Ŋkpal akoŋ ka wɔ Keenan ga so fo anya be asɔbɔya maŋ naa nya afitiri ndoŋ a ji. Amoso, jande, shin nɛ anyi, fo anya e baa wɔ Goshen kaba so.”

2 Samuɛl 24:5

B daŋ ya dii Jɔɔdan be Lɔr na nna n ya wora bumo be keeyito m mata kade nɛ baa tre Arowa nɛ k wɔ ketaŋɛ nɛ k wɔ Gad be kaba so na nna. Ndoŋ nɛ b yili n sɔ kelargato be esoso be kaba so n yɔ Jeza.

2 Samuɛl 24:6

Nseŋ yili ndoŋ n yɔ Giliad nɛ Kadɛsh ashi Hiti be kasawule so. Nseŋ bɔla ndoŋ n yɔ Dan n ya yili Dan malɛ n yɔ Sidɔn be epeŋitɔrkpa be kaba so a mata teku nɛ baa tre Mɛditerenia na.

1 Kronikɛls 4:41

Saŋɛ so nɛ Hɛzekaya daa la Juda be ewura na, nɛ Simiɔn be kaman to ebi ko ya kɔ Hamebi nɛ Meuniebi kena n ju bumo n sɔ kasawule na n chena so ŋkpal asɔbɔya be ejikpa ka daa shibi ndoŋ ga so.

Ɛksodɔs 12:38

Basa pɔtɛ damta gba daŋ ti bumo so n yɔ. B daŋ keta asɔbɔya fanɛ mbolpɔ nɛ mboe nɛ ana kikɛ n ti so n yɔ.

Jɛremaya 22:6

Kusɔ nɛ Enyɛnpe Ebɔrɛ na kaŋɛ a laŋɛ Juda be efuli so be ewurkpa be kaplɛa so nde: “Ma ere kutɔ, Juda be ewurkpa walɛ kebita nna fanɛ kananɛ Giliad be kasawule so nɛ Lebanɔn be abee so walɛ kebita na nna. Ama ma alɛ beeŋ shin nɛ k ki kakpa fuloŋ nɛ esa kikɛ maaŋ naa wɔ ndoŋ.

Jɛremaya 48:32

Ma alɛ beeŋ shu n sa basa nɛ b wɔ kade nɛ baa tre Sibma nseŋ shu a chɔ loŋ n sa basa nɛ b wɔ kade nɛ baa tre Jaza na. Fo, kadegboŋ Sibma du fanɛ kefeelebi nɛ kumo be ayabi salga to n ya fo Teku Wuso na ashi epeŋitɔrkpa be kaba so hale n ya fo Jaza nna. Ama naniere fo asɔrso nɛ baa tre greeps nɛ fee sɔr kechali so na mur.

Jɛremaya 50:19

Ama meeŋ naŋ bɛta Israɛl be basa na m ba bumo be kasawule so. Baaŋ dɔ adɔjibi kama nɛ baa sha ashi Kaamɛl be kebee nɛ k mata Mɛditerenia be Teku na nɛ Bashan be kebonfu nɛ k wɔ Jɔɔdan be lɔr na be epeŋilarkpa be kaba so na nɛ Efrayim nɛ Giliad be apreŋsawule so n ji kanaŋkama nɛ baa sha.

Jɛremaya 8:22

Anyeeŋ tiŋ n nya adur nɛ bechɛpo ashi Giliad be efuli so. Ama manɛ nna nɛ ma basa maŋ nya kechɛ?

Maika 7:14

O Enyɛnpe Ebɔrɛ, baa la fanɛ mbolpɔkpapo n sa fo basa laraso. Kashenteŋ nna fanɛ b pesaŋ to nna a wɔ kiyi to, ama kudɔsawule lela kulti bumo nna n wɔtɔ. Amoso shin nɛ b ya chena Bashan nɛ Giliad be nsawule lela so a nya a ji fanɛ kananɛ b daa nya a ji dra na.

Nɔmbɛs 21:32

nɛ Mosis shuŋi benyɛn ko fanɛ b ya keni kananɛ baaŋ wora ŋ kɔ kade nɛ baa tre Jeeza na kena. Kumo be kaman nɛ Israɛlebi na ya kɔ kade na kena n sɔ kumo nɛ ndewurbi nɛ a kulti kumo na, nseŋ ju Amɔriebi nɛ b wɔ ndoŋ na.

Nɔmbɛs 32:2

nɛ b yɔ Mosis nɛ bɔrɛmatapo Eliaza nɛ Israɛlebi be bejuŋkparpoana na kutɔ n ya kaŋɛ bumo le:

Nɔmbɛs 32:26

Anyi be beche nɛ mbia nɛ anyi be ana nɛ mbolpɔ bre beeŋ baa wɔ Giliad be nde to nfe.

Nɔmbɛs 32:3

“Enyɛnpe Ebɔrɛ chɛ anyi to nɛ an sɔ Atarɔf nɛ Dibɔn nɛ Jeeza nɛ Nimra nɛ Hishbɔn nɛ Eliale nɛ Sibma nɛ Neebo nɛ Bɛɔn be ndeana be nsawule nɛ a walɛ n sa asɔbɔya be kebela. Anyi alɛ kɔ asɔbɔya ga.

Nɔmbɛs 32:35

Atrɔf Shofan nɛ Jeeza nɛ Jogbeha

Ditɛronɔmi 33:21

Bumo ere ta kasawule na be alela akpa nna n sa bumo be amu; ejuŋkparpo be kachige nɛ b ta n sa bumo. B daŋ wora Enyɛnpe Ebɔrɛ na be mbraana kasonu jemanɛ nɛ Israɛl be bejuŋkparpoana daŋ gama abar so na.”

Joshuwa 13:25

Bumo alɛ be kasawule daŋ yili Jaza nɛ Giliad be kasawule so be ndegboŋ na kikɛ nɛ Ammɔn be kasawule be bargato n ya fo Arowa nɛ k wɔ Raaba be epeŋilarkpa be kaba so na nna.

Joshuwa 22:13

nseŋ shuŋi bɔrɛmatapo Eliaza pibinyɛn Finihas, Ruben nɛ Gad be eyiri nɛ Manase be epeŋilarkpa be yiri na kutɔ ashi Giliad be kasawule so.

Joshuwa 22:9

Ndoŋ nna nɛ basa nɛ b shi Ruben nɛ Gad be yiri to na nɛ Manase be yiri nɛ k wɔ epeŋilarkpa be kaba so na bɛta n yɔ bumo pe ana. B daŋ yige Israɛlebi be basa nɛ b ka na nna ashi Shilo nɛ k wɔ Keenan na nseŋ bɛta n yɔ bumo gbagba be kasawule so ashi Giliad nɛ b kɔ n sɔ fanɛ kananɛ Enyɛnpe Ebɔrɛ bɔla Mosis so ŋ kaŋɛ bumo kenishipereso na.

1 Jɔn 2:16

Ŋkpal manɛ so, asɔ nɛ a la durnya ere to be asɔ fanɛ asɔ nɛ dimɛdi be kapɔr lubi ere bee sha nɛ asɔ nɛ basa bee wu nsaa yɛlga nɛ durnya ere to be kamoowusheŋ kikɛ nyam maŋ shi Etuto na kutɔ, a la durnya ere to be asɔ nna.

Demujipoana 5:16

Manɛ e ba nɛ bumo ere shir a wɔ bumo be mbolpɔ ase? Mbolpɔkpapoana be kafoli nɛ baa sha kenu a? Kashenteŋ, Ruben be yiri to ebi maŋ kɔ kɔnɔkoŋwule abar so. Amoso, b daŋ maŋ tiŋ ŋ kre fanɛ b ba ŋko b sa maŋ ba.