Nɔmbɛs 30:2 - EBƆRƐ BE KAWƆL

² Esa kama baŋ nase kɔnɔ n sa Enyɛnpe Ebɔrɛ na, ŋko m bɔ ntaŋ fanɛ e maaŋ wora kusɔ ko, k daga e ka bɛ kɔnɔ naseso na so n wora kusɔ kama nɛ e kaŋɛ fanɛ e beeŋ wora na.

Nɔmbɛs 30:2 Iomraidhean Croise

Job be kawɔl 22:27

Ebɔrɛ beeŋ nu fo kabɔrɛkule, nɛ fo alɛ e wora m bɔlɔ nnɔ naseso nɛ fo nase n sa mo na so.

Nshɛ 116:14

Jemanɛ nɛ mbe basa kikɛ beeŋ shɛr abar so na nɛ meeŋ tia nnɔ nɛ n nase n sa mo na kikɛ.

Nshɛ 116:18

Jemanɛ nɛ fo basa beeŋ shɛr abar so fo bɔrɛlambu to ashi Jerusalɛm be kadegboŋ to na, nɛ meeŋ tia kɔnɔ nɛ n nase n sa fo na. Men kpaŋ Enyɛnpe Ebɔrɛ na!

Nshɛ 119:106

M bɔ ntaŋ n nase kɔnɔ nsaa yil kumo so fanɛ meeŋ wora fo mbra niŋisoana na kasonu.

Nshɛ 15:3

nsaa maa ku efɛ a deŋi bumo braana, ŋko a malga asheŋ lubi a gbiti bumo na; nɛ bumo nɛ baa sa basa bunyaŋ na,

Nshɛ 22:25

Saŋɛ nɛ ma nɛ fo basa shɛr na, nɛ meeŋ fur fo ŋkpal kusɔ nɛ fo wora so; nseŋ tia nnɔ nɛ n nase n sa fo na ashi bumo be anishito.

Nshɛ 50:14

Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Nshɛ 55:20

N teri pal kaman n sa mbe kɔnɔ naseso nsaa kɔ ma.

Nshɛ 56:12

Enyɛnpe ma Ebɔrɛ, meeŋ bɛ kɔnɔ nɛ n nase n sa fo na so. Meeŋ ta ma kechɔrɔ be kakɛ m bar fo.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Ɛksodɔs 20:7

Men sa maa ta Enyɛnpe Ebɔrɛ be ketre a wora asheŋ lubi. Men sa maa bɔ Enyɛnpe Ebɔrɛ be ketre na chilchil, ŋkpal manɛ so, Enyɛnpe Ebɔrɛ maaŋ yige m paŋ esa kama nɛ e kɔ mbe ketre a wora a wora asheŋ lubi kikɛ.

Aŋasa 20:25

Fɛ nfɛra nɛnɛ pɔɛŋ nseŋ nase kɔnɔ n sa Ebɔrɛ. Nɛ fo baŋ maŋ tiŋ n wora m bɔlɔ fo kɔnɔ naseso so, k maŋ walɛ.

Levitikɔs 5:4

Nɛ esa baaŋ bɔ ntaŋ alefasha so fanɛ e beeŋ wora kelela ŋko kulubi ko gba, nsaa maŋ wora loŋ, e wora n da so nna na.

Nahum 1:15

Judaebi, men keni, kabɔ ko kɔ baru lela n shi kebeegboŋ na so a ba! Kayurwushi be baru nɛ e kɔ a ba. Amoso men ji menyi be nchɛgboŋ nseŋ wora m bɔlɔ nnɔ nɛ men nase n sa Ebɔrɛ na so. Kumukpakpaso wuraana maaŋ naaŋ kɔ n sɔ menyi be kasawule kikɛ, ŋkpal manɛ so, b mur cheche kuraa.

Nɔmbɛs 21:2

Ndoŋ nna nɛ Israɛlebi na kule Enyɛnpe Ebɔrɛ nseŋ nase kɔnɔ le: “Nɛ feeŋ chɛ anyi to nɛ an kɔ m pɔɔ basa ere so bre, kumo ere anyi alɛ beeŋ mur bumo nɛ bumo be nde nɛ kusɔ kama nɛ b kɔ kikɛ.”

Nɔmbɛs 30:10

Nɛ fanɛ eche kilpo baŋ nase kɔnɔ ŋko ŋ kaŋɛ fanɛ e beeŋ yige kusɔ ko be kebaawora,

Nɔmbɛs 32:24

Amoso men pɔr egbalana ŋ kulti men be nde nseŋ wora men be asɔbɔya be aluu ama men wora kusɔ nɛ men nase kɔnɔ fanɛ menyeeŋ wora na.”

Matiu 23:16

Bejuŋkparpo tanpoana ere, asheŋ maaŋ nyalɛ n sa menyi kikɛ. Men yɛ fanɛ nɛ esa baŋ ta bɔrɛlambu na be ketre m bɔ ntaŋ, k maŋ la shɛŋ, ama ekama nɛ e bɔ bɔrɛlambu na to be amansherbi na bre daga e ka wora kusɔ nɛ e bɔ fanɛ e beeŋ wora na.

Matiu 23:18

Menyi alɛ kraa naa kaŋɛ fanɛ nɛ esa baŋ bɔ bɔrɛsure na, k maŋ la shɛŋ, ama nɛ e bɔ kakɛ nɛ baa ta a deŋi bɔrɛsure na so na bre k daga e ka wora kusɔ nɛ e bɔ fanɛ e beeŋ wora na.

Ashuŋ Shunso 23:12

Kumo be ŋklade nɛ Juwebi na shɛr ŋ kre bumo be nia nseŋ sa Ebɔrɛ kɔnɔ fanɛ b baa maŋ mɔ Pɔɔl b maaŋ ji ajibi, bumo alɛ maaŋ nuu shɛŋ.

Ashuŋ Shunso 23:14

B ka sa kɔnɔ na n loge nɛ b yɔ bɔrɛmatapowuraana na nɛ benimuana na kutɔ n ya kaŋɛ bumo: “An ba abar so nna m ba sa kɔnɔ kpakpaso fanɛ an baa maŋ mɔ Pɔɔl, an maaŋ ji shɛŋ.

Ashuŋ Shunso 23:21

Ama kplaŋ bumo so, ŋkpal manɛ so, basa ko chɔ basa adena ŋ ŋana a jo mo. Amo be basa na kikɛ bɔ ntaŋ nna fanɛ b maŋ mɔ Pɔɔl, b maaŋ ji ajibi, bumo alɛ maaŋ nuu shɛŋ. B bela ase nɛ b wora loŋ nsaa jo nɛ b nu kusɔ nɛ feeŋ kaŋɛ.”

2 Kɔrintebi 1:23

Mo alɛ Ebɔrɛ koŋwule na nɛ mee tre fanɛ e baa la ma shɛdajipo n ji kashenteŋ fanɛ ŋ ka daa maa sha nɛ men be ŋgbene e jija so nɛ n daa maŋ naŋ bɛta m ba Kɔrint na.

Demujipoana 11:11

Ndoŋ nna nɛ Jɛfta tu benimu na n yɔ nɛ b ya ta mo ŋ ki bumo be ewura nɛ bumo be benapo be ejuŋkparpo. Nɛ Jɛfta yɔ Enyɛnpe Ebɔrɛ na be anishito n ya kaŋɛ mo fanɛ e shin nɛ benimu na be kɔnɔ naseso na a bɔl so.

Demujipoana 11:39

Afɔl anyɔ na ka fo nɛ e bɛta m ba mo tuto kutɔ nɛ e ta mo n tia mbe kɔnɔ naseso nɛ e nase n sa Enyɛnpe Ebɔrɛ na. Ŋkpal loŋ so e daŋ maŋ pin enyɛn pɔɛŋ nseŋ wu. Kananɛ Israɛlebi be daŋkare ere jɔŋɛ nna na.