Nɔmbɛs 3:7 - EBƆRƐ BE KAWƆL

⁷ Bumo e naaŋ baa chɛ bɔrɛmatapoana na to a shuŋ Israɛlebi na ashi Enyɛnpe be wajɛbu na to.

Nɔmbɛs 3:7 Iomraidhean Croise

1 Kronikɛls 26:20

Livaiebi nɛ bumo kurgepoana la Koora nɛ Mɛrari be mbunaebi na e daa keni bɔrɛlambu na to be ebuana nɛ baa yili amansherbi nɛ asɔ nɛ b kɔ a shuŋ Ebɔrɛ amo to na so.

1 Kronikɛls 26:22

Jehiɛl be mbinyɛnsobi Zetam nɛ Jowɛl e daa keni bɔrɛlambu na be amansherbi nɛ asɔ be ebuana so.

1 Kronikɛls 26:26

Shelomif nɛ mo kurgepoana e daa keni ŋkɛ kama nɛ ewura Deevid nɛ kanaŋ be benimuana nɛ mbuna be bejuŋkparpoana nɛ benapo be benimuana ta m ba sa Ebɔrɛ na so.

Levitikɔs 8:35

A daga men baa wɔ wajɛbu na be kabuna to kapa nɛ kanyɛ kikɛ nsaa wora kusɔ nɛ Enyɛnpe Ebɔrɛ na yili na n ya fo nchɛ ashunu na. Nɛ men maŋ wora loŋ menyeeŋ wu.”

Nɔmbɛs 1:50

Shin nɛ Livaiebi na e baa keni Enyɛnpe be wajɛbu na nɛ asɔ nɛ a wɔ kumo to kikɛ so. Bumo e naŋ baa sulɔ kumo nɛ asɔ nɛ a wɔ kumo to na kikɛ, nsaa keni kumo so, a yuu kumo nsaa yuu bumo be ewajɛbu a chena a kulti kumo saŋkama nɛ b wora keeyito popɔr.

Nɔmbɛs 1:53

Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Nɔmbɛs 3:32

Bɔrɛmatapo nimuso Ɛɛrɔn pibinyɛn Eliaza e daa la Livaiebi na be enimu. Mo nɛ b daŋ lara fanɛ e baa la basa nɛ baa shuŋ Enyɛnpe be wajɛbu na to na be ejuŋkparpo.

Nɔmbɛs 3:8

Livaiebi na e naaŋ baa keni Enyɛnpe be wajɛbu na nɛ asɔ nɛ a wɔ kumo to kikɛ so a sa Israɛlebi na kikɛ.

Nɔmbɛs 31:30

Israɛlebi malɛ be asɔ nɛ b nya na, dimɛdi ŋko kusɔbɔya, be kekama be adunu kikɛ to be kukoŋwule la Livaiebi nɛ baa keni Enyɛnpe Ebɔrɛ be wajɛbu na so na be kachige nna.”

Nɔmbɛs 8:11

Kumo be kaman nɛ Ɛɛrɔn e ta Livaiebi na fanɛ kakɛ lela m bɔɔ ma enɔ nɛ b baa shuŋ ma kushuŋ.

Nɔmbɛs 8:15

Fo baŋ fɔr Livaiebi na so nseŋ ta bumo m bɔɔ ma enɔ n loge na pɔɛŋ, nɛ baaŋ tiŋ a shuŋ ashi wajɛbu na to.